ضروري ألمساعده يانفرات

حياك اخوي سجه مع الهاجوس
بما انك رايح الى اندونيسيا ان شاء الله بفيدك وبعطيك بختصار
اندونيسيا بلد اهلها طيبه اكثر مما تتوقع وراح تجرب وليس معنى ذالك تذهب للاماكن الغير رسميه والمشبوهه في منتصف الليل فهاذا متعارف عليه دولي خلك في الاماكن العامه والاماكن العامره والامنه
اما السكن في جاكرتا طبعن فنادقها امنه ونضيفه ولاحد يتعرضك ولاضيوفك اختر اي فندق من بوكنق يعجبك قيمته وانصحك لاتطول في جاكرتا يومين كثير عليها خل رحلتك مابين بونشاك وبالي
طبعآ بونشاك اغلب الفلل مو تبع مكاتب السياحه اطلع بونشاك من صبح واختر الفله الي تناسبك وحاول تكون الفله على الجهه اليمنا بعد بقالة السعوديه او اذهب لمطعم كمنانا وفيه قدامه سواقين بالهبل راح يدلونك على الفلل والمطعم فيه حضارم بعد طيبين ولا يقصرون
وفيه فله اسمها رونيلا خلف كنتاكي وتعتبر من افضل الفلل وانا سكنت فيها بس عيبها غاليه ١٠٠٠ريال
اما بالنسبه بالي عندهم مكاتب في بونشالك وجاكرتا سياحيه تعطيك بكجات بسعر حلوووووو مره احسن من الي عندنا
بختصار والله اني سافرت اول رحله ماسالت احد الديره حلوه ورخيصه والعرب مالينها
واخيرآ اتمنى لك رحله سعيده وموفقه

الله يعطيك العافيه اخوي ماقصرت ويُبيِّض وجهك

ياطحطوح انت تتكلم عن سعر الفلل ١٠٠٠ريال يمكن تتكلم عن مجموعه ًانا يالغالي بس ًانا ومعاي ضيف يعني ابي فيلا غرفه ومسبح ولا حوش وشئ يكون حلو ومعقول ومايكون في مكان موحش

صحيح انا اتكلم عن مجموعه واخوناB7R عطاك خيارات السكن في بونشاك انا ماسكنت الا في فلل خاااصه

الله يعطيك العافيه اخوي طحطوح ًانا اقصد السكن اكيد له أسعار ومن ذَا الكلام وانت ممكن اخذت اكثر من غرفه في السكن حقك يعني ماتتقارن معي لاني باخذ غرفه وحوش يعني ماراح أتكلف الايجار بقدرك ذَا الي كنت ابي أبينه لك وسلامتك

الله يعافيك اخوي سجه مع الهاجوس وفهمت عليك من الرد الاول وعارف انك شايل هم السكن في بونشاك واحب اطمنك انه اسهل مما تتخيل
المنتجعات في بونشاك واجد واسعارها ماهي غاليه اتوقع لاتتعدئ ٣٥٠
اذهب لها من صبح لاتجي ١٠ص او١١ص
الا وانت عاصب راسك ههههه
وطب وتخير

الله يرحم والديك اخوي ماقصرت معي انت واخوي بحر وان شاء الله أوصل بونشاك واجيب ذاك التيس واتصل على تتغدون معي ونأخذ علوم بعض عن قرب