هذا ماحدث في كازا... العشق الممنوع

رحلتك حلوه
لكن يعاب عليها انك قضيت نصفها تاخذ دش وتستلقي على الكنبه والشغاله تجهز الطاوله

الجزء الثامن:-
الخميس:
٢٠١٦/١١/١٧
بعد قضاء سهره جميله جدا ليله الامس وخلودنا للنوم صحينا الساعه12 الظهر صحينا مع بعض انا واميمه أخبرت الخادمه ان تجهز الافطار أخذت دش دافى لحين الانتهاء من اعداد الفطور وكنا جوعانين أفطرنا وكان فطور لذيذ فااجتمع الجو الجميل والوجه الحسن والاكل اللذيذ وكنت في قمه حيوتي وكان بعض من الحوار :
أميمه: محمد بعد شوي بروح البيت وبجهز شنطتي
انا: حلو ...وانا طالع بعد شوي الرباط
اميمه: وش عندك
انا: بروح اتمشى واشوف المدينه حاب ازورها
اميمه: تشوفها ولا مواعد أحد
انا: اكون مجنون اذا واعدت أحد والقمر معاي
اميمه: هههههه ... طيب
انا: خلصي امورك انتي وانا راجع بالطريق بتصل عليك ونتقابل
اميمه: اوكي
انتهى
بعدها اتصل على السواق قلتله تعال قالي نص ساعه واكون عندك جلسنا بهالفتره نتكلم ونضحك ونتذكر سهره امس واللي صار فيها بعدها وصل السواق وطلعنا مع بعض انا ركبت السياره واميمه راحت بيتهم قلت للسواق الوجهه الليله الرباط ضحك قالي احنا الكازوبين مع الرباط بينا مشاكل قلت عشان كذا انا رايح اصلح بينكم ضحك السواق اول ماطلعنا رحنا محطه عبينا ديزل بعد مسكنا الخط اول ماوصلنا الرباط رحنا اكدال شارع فرنسا اخرتنا احدى المقاهي وجلسنا فيه تقهوينا وكانت الاجواء جميله جدا وللامانه انصدمت بالرباط ماتوقعتها كذا مدينه جميله وانيقه وراقيه بعد ماشربنا قهوتنا تمشينا بشارع كله محلات تجاريه على اليمين واليسار بعد مااخذنا كفايتنا ركبنا السياره وتمشينا شفت شاطئ بحر واستغربت ان الرباط فيها بحر تمشينا بالسياره قريب البحر بعدها كانت الوجهه نتغدى بمطعم اسمه دار ناجي يقع بالسوق قديمه وشعبيه سالنا كذا شخص ضيعنا شوي بعدها لقينا السوق وقفنا السياره تمشينا داخل السوق وفيه محلات دورنا على مطعم دار ناجي لقيته مسكر سالنا عن مطعم ثاني قالوا لنا في مطعم ناسي اسمه بس هو تقريبا مثل دار ناجي اول مادخلنا المطعم ماكان فيه الا فرنسي معه فتاه اخترنا طاوله طلبنا بسطيله بالحوت وطاجن لحم قدموا لنا المقبلات وبعدها الطبق الرئيسي وبعدها الحلويات وصراحه المطعم اعطيه تقييم 10/10 خدمه ممتازه ونظافه جميله واكل لذيذ جدا والاسعار مناسبه حاسبنا مبلغ 800 درهم ومن ضمنها الاكراميه لحسن تعاملهم بعد مااكلنا وشكرنا الله على النعمه تمشينا بالسوق نشوف العالم والناس وانا امشي بالازقه الضيقه فجاه ينفتح باب عماره ويطلعوا منه فتاتين وتقابلنا وجه لوجه وكنا مصدومين من الموقف وكانت احدى الفتاتين تملك من الجمال الرباني الشي الكثير لفتره حاولت انا اتمادى واتجرا ان اكلمها ولكن تراجعت لصعوبه الموقف وكان معظم من حولي رجال ترددت بحكم اني غريب ولصعوبه معرفه رده فعلها ولعدم الوقوع بالمشاكل مشت الفتاه خطوات قليله وتلتفت الى الوراء تحاول ان تثير انتباهي ولكن حسمت الامر بتجاهل الموقف واكمال المشي بعدمااخذنا كفايتنا من السوق طلعنا ورحنا منطقه ثانيه فيها سوق مريت محل حلويات واخذت مجموعه من الحلويات بقيمه400 درهم بعد مااخذنا جوله شبه تعريفيه عن الرباط تاكدت وتيقنت ان الرباط ستكون وجهتي بالسفره القادمه ارتحت بهذه المدينه الانيقه بعدها مسكنا الخط للرجوع الى كازا ونص الطريق اتصل على اميمه واقول لها ان راجع قالت انا رايحه الحين الشقه استقبلك اخذنا باقي الطريق مابين الكلام والضحك انا والسائق اول ماوصلنا كازا ورحنا الشقه لقيت اميمه تنتظرني وهي بكامل اناقتها سلمت عليها وجلسنا جنب بعض نتكلم ونخطط لمشاريع الليله وقلنا بنروح سكاي بار نجرب اذا دخلنا كان بها واذا لا نغير المكان خليت الخادمه تسوي قهوه تركيه جلسنا حلينا وتقهوينا بعدها اتصل على السواق قلتله بعد ساعه تعال رحت اخذ دش ولبست استعداد لثاني سهراتي بكازا وكنت مستعد ودخلت بعدي اميمه لبست وتانقت وكنا مستعدين للسهره وصل السواق ركبت معاه واميمه اخذت تاكسي والوجهه كانت سكاي بار الواقع في فيلابلنكا اول ماوصلنا هناك كان عامر جدا كلمنا الامن حاولت معاهم ادخل اخبرني لابد من الحجز وان المكان مزدحم على الاخر وانه يريد ان يخدمني ولكنه لايستطيع كنت واقف امام السكاي بار انا واميمه نفكر وين نروح نسهر قالت لي اميمه انها حابه تسهر بمكان فيه شيشه وان صديقاتها اخبروها عن مكان اسمه vip قلت لها المكان اظنه سئ حسب مااعرف حاولت معاي بطرق رومنسيه وبغزلها الفاتن حتى استلسمت وقلت لها اوكي ماحبيت اخليها بخاطرها وقلت لها اوكي الوعد هناك وصلنا vip اخترنا طاوله خلف البست مع شيشه بسعر 2200 درهم طلع المكان مرقص جوي اخترب قلت بحاول اتاقلم طبعا المراقص انا مااحبها نهائيا طلبنا عصيرنا بدينا نمزز بدا المغني يصدعنا بصوته والصداع عندي بدا يزداد وقلت بخاطري لو اشرب عشرين عصير مافي فايده هذا جوه فكك حاولت ااقلم نفسي ولكن للاسف ماكملنا ساعه ناديت النادل قلت له حط العصير بكيس وجيبه هناك بالجلسه الخارجيه جلست جاني المسوول قالي وين رايح ماعجبك المكان قلتله اي ماعجبني واللي يغني شوفو له حل صدع فينا ضحك حاسبته اخذت العصير قلت لها بنروح البلاك هاوس نكمل سهرتنا قالت لا الليله بنسهر بنكمل السهره بالشقه وخلي السهره علي قلت تم وانا بالطريق اتصلت على الخادمه قلت لها جهزي الطاوله من الى وصلنا الشقه شغلت السماعات والليزر وبدينا سهرتنا الجميله واميمه عملت المستحيل لتسعدني بهذه الليله كانت كل ساعه ونص تغير ملابسها وتتمايل برقصها وغنجها ودلعها جلعت من هذه الليله ألف ليله وليله وكانت سهره لاتوصف من جميع النواحي واستمرت حتى ساعات الصباح الاولى .
الجزء القادم:
١:- جمال الجديده وروعه منتجع مازاكان؟!
٢:- هذا مافعلته اميمه امام عيني؟!
٣:- هل أذهب الى طنجه ام اغادير؟!

وجودك الاحلى باقي تشوف وش صار بالنص الثاني وكذا تكون الرحله ميه ميه
تحياتي لك