حفظ البيانات؟ هل نسيت كلمة المرور؟ تسجيل عضوية جديدة

الاستفسارات سؤال و جواب

تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

رحلتي لمراكش المغرب وتوصياتي

شخصية دبلوماسية · 2016-12-05T00:59:07+00:00

السلام عليكم ورحمة الله تعالى وبركاته طبعا لا اخفيكم اني انسان مغامر وقررت في يوم وليلة اخذ تذكره واروح المغرب. شديت الرحال و اتواصلت مع شخص يرتب لي امور السيارة لان السكن ما ادري عنه و وصلت كازا واخذت السيارة الى مراكش والسفره هذه كانت سفره تعريفيه بالنسبة لي. سكنت في فندق واتصلوا علي الاهل (وينك؟) (انا في المغرب). صحيت الصباح وتوصلني رسالة (تعال مطار كازا استقلبنا - خربت السفرة). ما كانت مشكله كبيرة بالنسبة لي. حولت من الفندق واخذت الاهل ورحت لقصر المهدي (جدا عائلي ورائع) وجلسنا فيه اسبوعين. شفت الموضوع طول مع الاهل قلت لهم اني راجع وهم كملوا ل لندن بعد سفري. وهذه السفره قابلت فيها ناس ما ودي اقابلهم مره ثانية واتعرفت عن كل الاماكن السياحية والمطاعم تقريبا. كانت مملة بعض الشي لان الاهل معاي ومربوط بجدولهم. ما تقدر تروح مكان الا قالوا لك تعال ولا رايحين. بعض المطاعم تعجبني جدا مع الاهل ولكن لا يحضرني اسمائها الان. اكشن و دراما: بعد ما سافروا اهلي لندن باسبوعين، قررت ازور المغرب مره اخرى وهنا اخذت خذري من اشياء كثيرة يغفل عنها الكثير من الناس السياح. وصلت المغرب وكل السيارات في انتظاري عشان اختار الافضل لي وهذه الصراحة . نرجع للموضوع واخذت السيارة وبحكم ان قيادتي هادئة اعطيته مقدم مع تامين السيارة في حالة التمديد وشربت القهوة ومشيت لمراكش. سكن مراكش: طول الطريق وانا ابحث عن سكن واتصالات وصور و وصلت مراكش ولا لقيت سكن. وقفت في محطه سيارات عن النخيل وجاني اتصال و رغم ان الخيارات كلها موجودة عندي الا انني اخذ الحذر والتاكد من كل شي لضمان الامان والسلامه. قابلت الانسة في جيليز وماقصرت معاي في الخدمة وشفت اغلب الشقق والمنتجعات ولكن عشقت منتجع بريستيجيا (حاليا ممنوع الخليجيين - للاسف). اتفقت معاها على السعر وتم دفع المبلغ وكانت الرحله هذه جدا رائعه بالنسبة لي. الرحلة الثالثة: طق عرقي من الشغل واداره اعمالي والتجارة وقلت اروح المغرب... رحت والحمدلله كل شي جاهز بمطار كازا من سيارات واستقبال. تعرفت على انسة راقية في احد البنوك للخدمات الخاصة وصرت ازورها بكازا عند الوصول والمغادرة والله يجزاها خير اطلب منها الحلويات المغربيه بكميات وتكون جاهزة قبل رحلتي لاستلامها. سكنت في فيلا خاصة لصديق مغربي لي ولكن الفيلا كبيرة علي ولكن الحين هذا الشهر مسافر مدري وين بسكن بسبب المنع. زرت اماكن كثيرة منها واشرح لكم كل مكان ادناه وبعض النصائح لكم. [CENTER][B]السكن[/B] - اذا تسهر كثير وعندك ازعاج، اسكن في المنتجعات - تجنب السكن في جيليز خاصة قرب ماكدونالدز - منتجعات النخيل معروفه ولكن لا اسكن فيها نظرا لوجود الشرطة في كل مكان - انصح بالسكن العائلي في قصر المهدي بالنخيل [B]المواصلات[/B] - لا تقود سيارتك وانت سكران (ياويلك ياسواد ليلك من شرطة اذا مسكوك) - حاول تتجنب الحوادث (انت مجبر على تصليح السيارة - اذا التامين يغطي انت مجبر على دفع الايجار حتى الاصلاح) - لا تركب احد في سيارتك (البنت في سيارة وانت في سيارة) - لا تكون تحت تخدير ال (10 الاف درهم للشرطة ما تفكك منهم) - اصاحب المواقف العامة (اذا تدفع عداد المواقف بجيليز مثلا فانت لست مجبر على دفع اي مبلغ مالي للشخص) - اصحاب المواقف العامة (5 دراهم كفايه عليه وان كان بعمر الوالد فالزيادة تحسب لك اجر عند الله) [B]المطاعم الراقية[/B] - عين غزال بالمدينة القديمة - مطعم الفاسية بجيليز (تحتاج لحجز لانه مافي مكان تتنفس فيه) - مطعم الفاسية بفندق الفاسية (فرع اخر ولكن اكبر ولا يوجد زحمه - موقعه عند السينما وله مدخلين من كل الشارعين) - مطعم طنجة في المامونيه (وانت رايح جامع الفنا اتجه يمين وتدخل على شارع شعبي تقريبا وتلاقيه على اليمين - يكون عندهم راقصات على الاغاني على الساعه 9 مساء) - مطعم اكسترابلانت (على الشارع العام امام السوفيتيل والا - وانت متجه لثياترو تلاقيه على اليسار) - مطعم لابزار - بجيليز مو بعيد من مطعم الفاسية والحلو فيه ان عملائه فرنسيين على الاغلب [B]ملاحظة: الكسكس المغربي يتم طبخه في كل المطاعم المغربي يوم الجمعه فقط ولكن بعض المطاعم يتوفر لديها الكسكس كل يوم[/B] [B]صرف العملات[/B] - اهرب من المطار ولكن اصرف اللي تقدر عليه لايجار السيارة مثلا - في محل صغير سعر صرفه جدا ممتاز وانت بجيليز رايح ماكدونالدز - اتجه طوالي الين يجيك الدوار والمحطة على يمينك. خذ يمين من الدوار وامشي على طول بتشوف محل صرافه على اليمين في الزاوية. المحل صغير لكن السعر ممتاز [B]المراقص[/B] - دبليو - مديرهم لبناني ودك ترن اذنه بكف مخمس عيار 50 - كاش - ممتاز ولكن تقدر تقول كل واحد شايف نفسه - الديوان - قصر النخيل - وناسه - الياسمين هذه كلها عربيه ولا اعرف عنها شي لعدم دخولي - ثياترو - دي جي جامد وبعض الاحيان يجي فيه مشاهير المغنيين - 555 - ممتاز ولكن اسعار طاولاته ما تستاهل [B]المطار[/B] بيجيك مليون شخص يبي يشيل لك الشنطه ومليون شخص يبي يمشي لك العربه ومليون شخص يبي فلوس منك ومليون شخص يبي يعطيك سيارة ومليون شخص يبي يخدمك. ابتعد عنهم مهما صار. بالنسبة للمسافرين الجدد اكرم الثقه في الاخير ولا اتعامل مع شخص لا اعرفه شخصيا. [B]الجوازات[/B] يطلب منك فلوس سوي نفسك ماتسمع. بالنسبة لي اتمتع بمعاملة خاصة من قبلهم بسبب سفري الكثير للمغرب للتجارة والسياحة فاضطر الى العطاء. وهنا العطاء يقصد به الهدايا. [B]الهدايا[/B] بحكم اني متوقع اني حاتعرف على ناس شراواكم. اشتري التمر وماء زمزم للمعارف بالمغرب وزيارتهم والمتبقي يتم اعطائه لمن ارى ان يستحقها. [B]الاماكن السياحية[/B] - جامع الفنا والسوق الداخلي تلاقي كل المشغولات المغربيه من فخاريات وطواجن والمنتجات المغربيه من صابون مغربي و زيت الارجان والانارات بما في ذلك الزيتون المغربي و زيت الزيتون. حتلاقي بسطات كثيره وتلاقي بسطات المشاوي والحريرة (ما انصحك في تجربتها اذا ما تعرف الاكل المغربي لان مستواها ما يستاهل التجربة) - المامونية والملاح: طبعا الملاح كانت لليهود في قديم الزمان ولكن لا يوجد يهودي واحد في مراكش. تلاقي الرياض كثيره في الملاح والمامونية يوجد فيها ا اذا معاك كم مليون درهم تطقطق عليهم بلاك جاك ههههههه. - اوريكا: جبال الاطلس العجيبة والنهر من الجبل والسحب اللي ما تحجب الرؤية وماتعرف النهر وينه بس تسمع صوته. تجربة كانت رائعه لكن ما قدرت اكمل لاخر الجبل بسبب حجب السحب (وقتها السرعه القصوى كانت 5 كم) - اكوا بارك: الحديقة المائية في الصيف كانت جدا رائعة وحلوة. تستاهل الزيارة والتجربة - احتمال كبير الاستقبال يطلب منك اكرامية [B]اغراض تحتاجها قبل سفرك:[/B] - ادوية متعود عليها (الادوية بالمغرب اما مغربية او فرنسية) - دخان او سجاير (خاصة اللي دخانه خفيف لانه اخف دخان في المغرب هو الحطب) - هدايا (تمر غالبا) - شاحن سيارة[/CENTER] [B][CENTER]ملاحظة: اقفل باب غرفتك دايما في خروجك من البيت او وجود شخص داخل البيت[/CENTER][/B] [CENTER][B]واخيرا... اشكركم على قرائتكم ومشاركتكم واتمنى اني افدتكم وفي حالة الاستفسار فانا في خدمة الجميع[/B][/CENTER]

كابتن M

مزعوط مبتدء

المشاركات: 37

تاريخ التسجيل: Jul 2017

2017-07-13, 04:45 PM

المشاركه #16

هلا وغلا بالجميع ممكن تخبروني أفضل مكان للسكن في مراكش يكون وناسه وفله وشبابي ويسمح بدخول ضيوف بدون تعقيد ولا بخشيش

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: رحلتي لمراكش المغرب وتوصياتي
الموضوع	آخر مشاركة
رحلتي لمراكش يوم 7 / مايوو	2013-05-21 12:15 AM
رحلتي لمراكش 10 ديسمبر	2012-12-07 06:30 PM
رحلتي لمراكش 26/1/2011	2012-09-23 05:45 PM
رحلتي بعد شهر لمراكش	2012-04-01 02:52 AM

الساعة الآن 04:12 PM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

رحلتي لمراكش المغرب وتوصياتي

روابط سريعه