بخصوص ايجار السيارات

وجهك ابيض

الامور سهالات بالمغرب بس احنا نعقدها كثير

يعطيك العافية على هذا الموضوع القيم و اهتمامك على مصلحة اخوانك و اسمح لي أضيف نقطة من وجهة نظري اهم من توقيت الحجز و هي نوع التأمين. يا أخوان أغلبكم يستأجر تحت مسمى تأمين شامل بدون الإلمام بتفاصيل نوع التأمين الشامل. في المغرب و بإختصار التأمين الشامل المعروف لنا كخليجيين غير موجود الا في شركات التأجير العالمية. يعني لا قدر الله عملت حادث سواء انته المتسبب او لا ، التأمين يغطي جميع الأضرار بسيارتك او ممتلكات الغير او الإصابات بدون ان تتحمل أي تكاليف او تدفع مبلغ رمزي فقط مثل 500 درهم فقط.

هذا النوع من التأمين يتم شراءه بشكل منفصل و في بعض الحالات يكون سعره اليومي مساوي او أكثر مِم مبلغ ايجار السيارة اليومي. و يشمل اكثر من سائق بشرط ان تكون جميع الاسماء مكتوبة بالعقد.

بصراحه كسائح. اهم شي راحة البال. نصرف مبالغ على تفاهات و البعض يستغلي 200 او 300 درهم في اليوم على تأمين شامل يضمن لك راحة البال.


بالنسبة لأغلب شركات تأجير السيارات الغير عالمية. التأمين الشامل لديهم يصل ان تتحمل انته في حالة كنت المتسبب للحادث نسبة 25%
و الكثير يقولك السيارة مؤمنه تأمين شامل و عند وقوع حادث تكتشف ان نوع التأمين ضد الغير خصوصا ان كل شي مكتوب بالفرنسي.

ترا هاذي نسبة عالية خصوصا في حالة التسبب بحادث مع سيارة فارهة او وجود إصابات او وفاة لأنك راح تتحمل ربع تكاليف الإصلاح و فواتير المستشفيات و الديه او الديات.

كلام جميل وصحيح

والله يحفظك

__________________

و يحفظك من كل شر

ههههههههههههههههه حلوة

تدري وش المشكلة أخوي فيصل أنه لما توصل تلقى الاسعار فرق عن المعلنين، ولا اذا تبي الصدق فإنه شركات التأجير أفضل بمليون مرة وأوثق وتشوف السيارة قدام عيونك قبل ماتركبها، مو يحطونك أمام الأمر الواقع ويقولون لك يالله خودها وسير

وش الحل بالنسبة لمثل هالحال؟

الحل بسيط جدا لاتحجز ولاشي

اوصل ولف المكاتب وكاسر بالسعر

انصدمت انا من واحد ماخذ سياره من سمسار بالحجز هنا كانت اكسنت ٢٠١٦ بسعر ٣٨٠ درهم

وانا اخذتها من المكاتب ب ٢٤٠ درهم

اكسنت اوتوماتيك ٢٠١٧؟

صراحه كلام جميل ومن شخص ناصح لنا.

وكلام صحيح مليون بالميه .
وهناك فرق وكبير عن اغلب المعلنين.

تحياتي لك

فيصل تخيل معلن هنا مشهور ماودي أقول أسمه قلت له أنا أبي السيارة اكسنت لمدة شهر وخمسة أيام، رفض ينزلي عن 280 وأنت الآن تقول لي المكاتب 240 درهم!! والله شي يحير، بدل مايكون المعلنين أرخص يكون المكاتب ارخص منهم
هل انت اخذتها بالتأمين الشامل ولا بدون؟
أما خويك من ربع ربعنا اللي مايسألون ولا يفكرون ولا يشاورون لذلك ينلعب عليهم.