بخصوص ايجار السيارات

صباح الخير للجميع

لي تقريبا حول السنه وانا بهذا المنتدى

واتصفح كل المواضيع فيه

بشكل يومي

للافاده والاستفاده

لكن ماشدني هو موضوع تأجير السيارات !!

بعض الاخوان يعتقد انه شي مقدس لازم احجز السياره قبل السفر

الاهم عندك هو السكن مو السياره

والسبب تقريبا بنسبة ٩٩.٩٩٪‏

من اللي يكتبون عن موضوع ايجار السياره يقول حجزت ووصلت هناك مالقيت نفس السياره او مايلاقيها ع طلبه او مايلاقي اصلا حجزه

فالموضوع مايستاهل ياخوان

اوصل المطار وخذلك لفه على المكاتب وشوف الاسعار

وشوف المتوفر وكاسر بالسعر

وشوف اللي يناسبك

يعني لو تأخرت نص ساعه اوساعه بموضوع السياره

مراح تختفي المغرب

او تطلع من المطار وماتلاقي المغرب

او مسوي نفسك انك عملي وعلى on time

ووراك مشاوير مهمه وبتعطلك الساعه اللي تدور على اجار سياره

لانه اذا حجزت بالاخير راح توصل وبتتأخر على ماتخلص اجراءات السياره

يعني هي نفسها ببلدك تتنقل بالمطارات بين المدن وتوصل وتروح مكتب ذيب ولا بدجت ولا المفتاح وغيرهم وتستأجر سياره
وتتوكل على الله

ليش التناقض العجيب الغريب في السفر !!!؟


والبعض يقول واصل تعبان مافيني ادور

على اساس اذا وصلت بتلاقي السياره عند سلم الطايره مثلا ؟ ولامسوين لك خدمة المكتب التنفيذي !!؟

الموضوع سهالات ياخوان لاتحجز ولاتحول لشي ماشفته بعينك خلك فطين

احنا شعب مستعجل ع كل شي وفي كل شي

وكذلك السكن

ليش تحجز وتحول وتوصل وماتلاقي طلبك !!؟

اوصل واحجز فندق اول ليله

وانزل دور بنفسك

او اتصل على احد السماسره هنا وروح معه شف السكن المناسب على الطبيعه افضل لك من صور الواتس


ودمتم باحسن حال

كلام سليم اخوي فيصل وعين الصواب
مهما حجزت او لا اغلبهم يعمل حركات ويأخرك ساعتين اقل شي ويحدك على نوع ثاني غير اللي حجزته راح يستغلونك وراح تتاخر السياره ...انا شخصيا لي تجارب بالحجز المسبق وانصدم باللي ذكرته قبل شوي او اروح بنفسي والخيار لي واحصل سعر ارخص وافرض شروطي

فعلا كلام صائب

__________________
ياراعي الغر العذاب المباهيش
رش الكبود اليابسه من عطشهااااا
دنق علي وطمن الراس بشويش
واحي العروق الذابله وانتعشهااااااا

احسنت اخي

كلام جميل وصحيح

كلامك عين العقل ..

شكراً فيصل ..

غير سليم كلامك اخي
احيان كثيره وصادفتني يقلك مافي سيارة و وقتها كل برامجك تخرب او تدفع تكسي وتروح تستاجر وتصير عليك دبل

اولا حاب اشكرك على اول موضوع ترد فيه بعد تسجيلك بالمنتدى هو موضوعي

وهذا ان دل على شي يدل على اهتمامك الكبيررر جدا بالموضوع

ثانيا ياخي الكريم هذا مطار وجهة بلد

يعني مليان مكاتب كرا للسيارات

من عرفت المغرب وانا انزل بدون حجز واستأجر من اي مكتب
وماصارت معي قالولي مافي سيارات

وحتى في اعز المواسم او الزيارات للوفود ماصار معي هالشي

فغريبه صارت معك انت واحيان كثيره بعد !!!؟ على قولتكً


يمكن بس حظك العاثر وقتها او نوعية السيارات اللي تطلبها انت

فيصل ممكن تمسح الرسايل عندك فالخاص لاني ارسلك ماتوصلك
بغيتك في موضوع ..

هلا اخوي تفضل