راجع من الروز قاردن قبل كم يوم

انا قبل يومين جيت من المغرب وكنت ساكن بالروز قاردن ولما جيت اخرج اتهموني بكسر الرف الجبسي اللي تحت الشاشه وقالو انه فيه منشفه ناقصه مع العلم اني ما استعملت مناشفهم ابد وهاذي عاده لي بالسفر اجيب اغراضي الشخصيه معاي والرف والله انه كان مسكور من يوم اخذت الفله بس هم الله يكافيهم يسحبون جوازك ولما تجي تخرج يبتزونك علشان عارفين ما انت فاضي لهم وراك رحله وطلبو مني مبلغ ١٥٠٠ درهم لما اتصلت على ابو ادم نزلها لي الى ١٠٠٠ على اساس انه تجمل معي .... انصحكم اللي يبي يسكن عندهم لازم يشيك معاهم على كل حاجه عشان ما يتعرض لشي مقل هذا ويبعصون جوه ... والله يوفق الجميع

معوض خير اخي الكريم...وغلطي وغلطك اننا ماشيكنا وقد تكون نهاية المطاف والايام الجميلة مع الروز والله اعلم...وابو ادم احيان مافكر اني الومه لأن الموظفين اذا تكلموا معه يكبرون الأمور ويبينون له ان الشخص هذا سيء وغلطان والمضحك في الأمر يوم اقولهم عادي عندكم تظلمون الشخص يرد ويقولي احنا ماظلمناك ونعرفك شخص محترم بس الاشخاص اللي عندك اكيد حارقين الكنبه ههههههههه يعني الا والا الموضوع راكب فيك ولو قلنا انه نصب من الموظفين ماتوقع لأن المبلغ مسجل بالدفتر وعندك ايصال فيه وسبق وقلت انه جاني كلام ان ابو ادم يسمع من طرف واحد واللي هم موظفينه مع ان الشي هذا غلط ولكن تبقى حرية شخصية له واذا كثر الكلام عن الروز راح يقلون الزباين وحنا مانبي الشي هذا يصير لأني اشوف ان الكلام بالمنتدى كثر على الروز...انا صراحة اتمنى من ابو ادم يوضح لنا بخصوص الأمر هذا وليه ان يوم تجي مايقولون لك روح شيك مع الموظف زي لمن تستأجر سياره تروح تشيك مع الموظف ولا حنا ندخل بدون تشييك وهم حلال فيهم يشيكون بعدنا......وسالفة الجوازات للمعلومية قانونياً لايحق لأي مكان انه يسحب جوازك ولو احد كلم السفارة راح تصير مشاكل بخصوص الموضوع ذا ولكن انا اخليه عندهم لأني احس انه بأمان هناك فقط لاغير ولا لو جينا للنظام لايحق لأي مكان انه يسحب جوازك قطعياً!!!

فيه عندهم غرفه فيها سفتي بوكس امام الاستقبال يعني مو عذر ياخذون الجواز ادفعله مدة الاقامه وخل جوازك معك نصيحه
قد تحتاجه تحت اي ظرف بأي مشكله دربك ع المطار

اي عارف اخوي واستخدمت الغرفة ذي قبل برحلتي السابقة...لكن الأن يوم فتحت حساب بوفا كاش حسيت اني ماراح استفيد منها...وبخصوص انه اي مشكله عالمطار لاتنسى اخوي انك موقع على عقد بينك وبينهم يعني ببلاغ واحد انت ممسوك في المطار لكن لا قدر الله حصل مشكلة ولا شي وقتها الواحد يلجاء للسفارة وهي تتصرف حسب لوائح وانظمة البلد!!! يعطيك العافية

انا اذا دافع لهم مدة الاقامه كامله مع مبلغ تأمين بسيط وجوازي معي

اي مشكلة لي بالمغرب ما اقصد السكن وجوازك معك بوقتها لايردك الا المطار هذا مااقصده

انا كنت اجدد عندهم كل يومين احتياط لأي ظرف يحصل...ماحب الزم نفسي بدفع المدة كاملة ماتدري وش يصير....وسالفة اي مشكلة والمطار الله لايجيب المشاكل بس من وجهة نظري اخلي الجواز عندهم اريح لي واذا صارت لي اي مشكلة عادي اعمل تشيك اوت واخذ جوازي ودرب السلامة!!! دمت بود اخي الكريم