اقتباس:
المشاركة الأصلية كتبت بواسطة حربي اصيل
اهم شي في السفره الامان دور علي الموقع الامن حتي وان كان غالي لانه لاقدر الله صار شي راح تدفع حق السفره كله عشان تخارج نفسك
انت صادق وانا اخوك بس المنتجعات صارت استغلال وجشع واسعار فلكيه وعلى شي اي كلام وانا قلت بجرب المره هذه وابعد عنها واحكم وغير كذا حتى المنتجعات صار فيها قبل فتره مداهمات يعني العين على الخليجي في اي مكان وتبي الصراحه احنا السبب نروح هناك نفسق ولو قال الشي هذا ب1000 درهم وهو مايسوى ميه قلنا خلاص هاته هذا غير البخاشيش والتنقيط والاكراميات والسيارات الفارهه والطاولات اللي وصلت الى 10000 درهم في الصيف
يارجل طاوله ب 4000 ريال ليش مصنوعه من ذهب والا بكتبها باسمي انا اصلا من شفت اسعار الطاولات والتنقيط والرش والإهداءات الصبيانيه والمجاكر وشيلات الانديه غسلت يدي وبطلت اروح اسهر برا السكن الا مره او مرتين وعلى البار وكم لفه وامشي
هذا كل كوم وتعال شوف ربعنا وقت المزايدات وصلوها الين 4000 درهم. سلامات وفي الاخير نقعد نقول ليش وليش ونتحلطم ولكن خلاص هذا الشي البعض منا سببه والنتائج العكسيه والسلبيه تتوالى ودمتم