رد: عشرة ايام في رباط الحسن
الحلقة الولى
تخطيطنا للرحلة كان خمسه ايام في الرباط وخمسه في مراكش كنا ثلاثه وسافرنا اربعه والتحق بنا خامس.
الرحله كانت على الخطوط القطريه عن طريق الدوحه وتم شرا التذاكر ب 3000 ريال للشخص. سافرنا على القطريه وكانت ممتازه الرحله لولا هبوطها في تونس كان قلق شوي.
في تونس اقتبسنا كلمات وحكم ثورتهم حتى حرفناها الى غايات واهداف اخرى.
" هرمنا هرمنا لأجل هذه أللحظه التاريخيه "
و
" تعس ديارها وديار غيرها "
ولكم التخيل بماذا استخدمت.
وصلنا مطار محمد الخامس الساعه 9 صباحا وكان الوضع هادي.
الغريب ان افراد الجوازات والجمارك لم يطلبو اي شي عكس المرات السابقه وكان ترحيبهم حار.
طلعنا من المطار واتصلنا على السواق اللي جايب السياره من الرباط وطلع ابو الشباب نايم وكان يفكر ان رحلتنا بالليل. قال أنا جايكم وفعلا خلال ساعه ونص وهو في المطار.
استقبلنا على سيارتنا البيجو 407. كنا مستاجرينها بمعرفه ابو راشد.
مشينا من المطار والجو خيال امطار وغيوم وخضار يمين ويسار شي يفتح النفس ويرد الروح.
وصلنا الرباط وعلى طول رحلنا لمكتب تاجير السياره وقابلنا صاحب المكتب اللي كان ونعم الرجل استقبال وتعامل. دفعنا له فلوسه وكان إيجار السياره ب500 درهم باليوم.
اخذنا السواق للشقق اللي كنا مستاجرينها بعد عن طريق معرفه ابو راشد اللي ماقصر معنا.
كان المفترض ان تكون الشقتين في نفس العماره لكن ماطلع احد المستاجرين اخذنا شقتين في عمارتين متقابلات.
الشقق كانت جيده جداً. وموقعهم على شارع ولد عمير وكل الخدمات واللي تحتاجه قريب جداً.
الشغالات في الشقق كانو ممتازات من كل النواحي والوضع الامني والنفسي ممتاز بزاف.
نزلنا أغراضنا وقلنا ننام للعصر
صحيت العصر والشباب باقي نايمين طلعت اعس ديارها وديار فال بن عمير وكانت بدايه ممتازه
اخذت كافي في فينيسيا ايس وروقت البال لساعتين وغسلنا تعب الرحله على أحلى مطره.
بعدها مريت السوبرماركت وشريت الأغراض اللي نحتاجها
رجعت للشباب وحصلتهم صاحين بس مالهم نفس بالطلعه تعبانين.
جلسنا وتعشينا وضبطنا الشيشه وسهرنا في الدار حتى هرمنا.
وللحديث بقيه
التعديل الأخير تم بواسطة saadora ; 2011-05-20 الساعة 03:23 PM
2011-05-14, 08:30 AM
المواضيع المتشابهه للموضوع: عشرة ايام في رباط الحسن
العرض العادي
الدرهم المغربي مقابل عملات الخليج