المغرب بنظرة فهد

فهد125 · 2017-01-15T21:00:16+00:00

السلام عليكم ورحمة الله وبركاته تحية لمزاعيط المغرب من ادارة واعضاء وزوار اولاً هذا مو تقرير مجرد فضفضة واللي منتظر تنسيق وكلام كبير يدق تراجع انا واعوذ بالله من كلمة انسان بسيط واحب الفلة والبساطة ثانياً: انا من زمان افكر اروح المغرب وادخل المنتدى واشوف المواضيع واكنسل لان كثير من المواضيع تتكلم عن النصب والسرقة والمداهمات .. والخ ثالثاً : بيوم ٧-١-٢٠١٧ شفت عروض الخطوط السعودية وقررت احجز وكنت مدلخ متوقع اليوم اخر يوم وحاولت احجز وكل ما دخلت رقم الفيزا رفض ورجعت اعيد الحجز لين الساعة ١٢ وقلت لعلها خيره وبعد ساعتين جاني ٦٠ مسج الغاء سجل حجز شكلي كنت حاجز الطيارة كلها ههههههه لان طلع كل مره يسويلي حجز جديد وهذي دلاخة من التطبيق حقهم ومن بكرا اكتشفت ان باقي يومين للعرض وتركته لاخر نص ساعة كعادتي الكريمة لان دائماً اذا حجزت بدري يطلعلي ١٠٠ مشكلة وكنت مسافر يوم ٩ داخل السعودية وصلت من المطار الساعة ١١ م وقلت ابي لاب توب ودخلت وحجزت ع يوم السبت ١٤-١-٢٠١٧ الساعة ١٤.٢٠ من الرياض لكازا بقيمة ١٤١٩ ريال وبعدها دخلت مزاعيط المغرب وليتني ما دخلت لقيت واحد رافع كل مواضيع السرقة والنصب من ٢٠١٣ الى اليوم ههههههه لكن انا متعود اتفأال اذا تشأم الاخرين المهم يوم ١٣ كنت رجعت مدينتي ودخلت حجزت من مدينتي للرياض وكان فيه فرق بين الرحلتين حوالي ٦ ساعات وحاولت انام ما قدرت انام وصلت الرياض حول تسع الصباح واستلمت شنطتي وقصيت البوردنق وشحنت الشنطة وطلعت ورحت لمقهى واحلى شيشة لين وقت الرحلة ورجعت المطار وصرفت مبلغ ٨٠٠ ريال من بنك البلاد بالمطار تقريباً ٢.٣٢ قالي الموظف الافضل تصرف من المغرب قلت ابي مبلغ صغير احتياط وركبنا الخطوط السعودية كنت اخذ كرسي جنب الشباك من جهاز الخدمة الذاتيه قلت ع الله يكون جنبي احد زين لكن للاسف الكرسي اللي جنبي فاضي واللي جنبه وحده افريقيه مشغلة رسوم متحركة وطول الرحلة تضحك والظاهر متعطره بقاز المهم كنت افكر بالجوازات والجمارك والتكاسي والشفارة وبالاخير قلت خلها ع ربك وصلت المطار ونزلت وكان فيه سعودي قال اول مره قلت يس قال لا تدفع لهم شيء قلت ولا يهمك وصل دوري عطيته الجواز قال اول مره قلت يس طالع ورقة الدخول وختم الجواز قال تفضل قلت وين شكلي نزلت بالسودان بالغلط هههه طلعت رحت السير صراحة الشنط تأخرت تقريباً نص ساعة واخرتها جت الشنطة وسحبتها ع السير ودخلتها وطلعت واخذتها ومشيت وتاكدت اني نازل بالسودان طلعت الصالة ولقيت الصرافين وجاني واحد قال تبي سياره عندي اكسنت ٢٠١٧ بـ ٢٥٠ وبدون جواز ولا ضمان قلت عطن رقمك وافكر قالي البنك هذا افضل سعر صرف ٢.٦٥٢ المهم صرفت منه وطلع فعلاً الافضل ورحت وفاء كاش وفتحت حساب واخذت البطاقة وطلعت لاتصالات المغرب اخذت شريحة وقلت بسم الله الحين يبدأ الاكشن مع التكاسي زي ما يقولون طلعت الوضع هادي ولقيت واحد قالي تبي تكسي وكان لاباس وعليه شعار قلت ايه قال تفضل جاب مرسيدس سودا قلت ابي عين ذياب كم قال ٣٠٠ درهم قلت اخر شيء قال هذا سعرنا المهم ركبت وقلت له اعط الشب ٢٠ درهم واحاسبك ومشينا والرجال طلع محترم جداً واخذنا واعطينا بالطريق لين وصلت الفندق وحاسبته ٣٢٠ حقه وحق الرجال الاول دخلت الفندق قلت عندي حجز من بوكنق قال تفضل ودقيقه وطلعت الغرفة وصليت ونزلت سالت الحارس عن مطعم ومقهى وقال هذا يبعد ١٠ متر عن الفندق دخلت وجلست وتعشيت مشاوي مع شيشة ومشروب وكان فيه غناء وبعض الزبائن يهزون ومنتظر النصب طلبت الفاتوره جابها ٣١٠ درهم طبعاً الحين تأكدت اني بالسودان طلعت ونمت صحيت ٩ الصباح وطلعت ومسكت كورنيش عين ذياب وكان الجو برد وفيه هوا شديد والكورنيش مليان ناس ‏[url]https://i.imgur.com/Q1KXq5f.jpg[/url] لين وصلت موركو مول ‏[url]https://i.imgur.com/Do3S4A8.jpg[/url] ودخلت وافطرت ‏[url]https://i.imgur.com/uHbqLTI.jpg[/url] الشيء الجميل هذا مع اتاي وطلعت ركبت تكسي احمر صغير وشغل العداد ووصلني الفندق ٦ درهم وحصلت مكان قريب الفندق فيه شيشة وبعد ما خلصت طلبت الحساب جابلي فاتوره ١٠٠ درهم ٧٠ شيشة و ٣٠ اتاي وانا بالمطعم نزلت تطبيق اوبر وطلبت تكسي من التطبيق لطماريس واتصل فيني واحد قال طالب طكسي قلت ايه قال اوگ جاي وبعد ٤ دقائق وصل وركبت وكانوا ٢ شباب تكلمنا وقالوا ان شغلنا بالمغرب للحين مو رسمي واصحاب الطاكسي حاقدين علينا وكانوا في قمة الاخلاق حاسبتهم ١٠٠ درهم ونزلت طماريس واخذت فره ودخلت مطعم وطلبت طاجين لحم بالبرقوق وسمك مشوي عشان اجرب ‏[url]https://i.imgur.com/mCYJqnm.jpg[/url] ‏[url]https://i.imgur.com/SJ5a6X4.jpg[/url] وجلست تقريباً ساعتين وطلبت الحساب ٢٠٠ درهم وطلعت ما حصلت تكسي وانتظرت مع انه برد واخيراً لقيت تكسي وقال ما اروح عين دياب بس بوصلك التكسي الابيض ١٠ درهم واخذت تكسي ابيض ٥٠ درهم لين وصلت الفندق واتمنى اكون اضفت شيء المغرب جميل واهله اجمل

الصادق

مزعوط خبير

المشاركات: 1,778

تاريخ التسجيل: Feb 2014

2017-05-14, 09:49 PM

المشاركه #1

موفق سفرة سعيدة

فهد125

مزعوط خبير

المشاركات: 3,443

تاريخ التسجيل: Jul 2016

2017-05-15, 03:12 AM

المشاركه #2

اقتباس:

المشاركة الأصلية كتبت بواسطة الصادق

موفق سفرة سعيدة

وياك يارب

شموخ كازا

موقوف

المشاركات: 22,580

تاريخ التسجيل: Jan 2017

2017-05-15, 03:50 AM

المشاركه #3

تسلم عيونك فهد

فهد125

مزعوط خبير

المشاركات: 3,443

تاريخ التسجيل: Jul 2016

2017-05-15, 03:56 AM

المشاركه #4

اقتباس:

المشاركة الأصلية كتبت بواسطة شموخ كازا

تسلم عيونك فهد

وعيونك شموخ

نورتي

مشعل

المغرب بنظرة فهد

المشاركات: 3,976

تاريخ التسجيل: Apr 2013

الدولة: KSA

2017-05-16, 10:20 AM

المشاركه #5

تقرير رائع فهد الزين ديالنا
كتبت فابدعت
تقبل مروري

__________________
‏هلا بالصمت دام الصمت ما يجرح مشاعرنا.

فهد125

مزعوط خبير

المشاركات: 3,443

تاريخ التسجيل: Jul 2016

2017-05-17, 05:04 AM

المشاركه #6

اقتباس:

المشاركة الأصلية كتبت بواسطة سمو الذات

تقرير رائع فهد الزين ديالنا
كتبت فابدعت
تقبل مروري

نورت اخوي سمو الذات

باريس للعقار

موقوف

المشاركات: 357

تاريخ التسجيل: Apr 2016

الدولة: وسط مدينة طنجة

2017-05-17, 03:36 PM

المشاركه #7

و نتمنى أن تزور طنجة أيضا عروسة الشمال انشاء الله

فهد125

مزعوط خبير

المشاركات: 3,443

تاريخ التسجيل: Jul 2016

2017-06-06, 12:24 AM

المشاركه #8

اقتباس:

المشاركة الأصلية كتبت بواسطة باريس للعقار

و نتمنى أن تزور طنجة أيضا عروسة الشمال انشاء الله

ان شاء الله بزورها

شاعر كازا

مزعوط خبير

المشاركات: 3,264

تاريخ التسجيل: May 2017

الدولة: saudia arabia

2017-06-06, 01:49 AM

المشاركه #9

اقتباس:

المشاركة الأصلية كتبت بواسطة فهد125

ان شاء الله بزورها

الله يسعدك يافهد وتقرير رائع قراته الان من اول صفحة حتى اخر صفحه
واتوقع ان جوك اليم وحس مرهف وخيال واسع ومن الطيبين الاوفياء
لكن عندي سوال ضروري تعلمني انا اخوك الصغير من دخولك الى ارض المغرب حتى خروجك منه كم انفقت من المال ؟

__________________
ليت لي من عناء البعد راحه
يابهجة الخاطر وكثر الأمنيات

فهد125

مزعوط خبير

المشاركات: 3,443

تاريخ التسجيل: Jul 2016

2017-06-06, 02:08 AM

المشاركه #10

اقتباس:

المشاركة الأصلية كتبت بواسطة مزعوط جديد2017

الله يسعدك اخوي مزعوط واتمنى حصلت فايده

والرائع مرورك

بالنسبه للمبلغ مو متذكر بالضبط لكن بحدود 10 الاف ريال

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه للموضوع: المغرب بنظرة فهد
الموضوع	آخر مشاركة
كيف نرتقي بالسياحة في أي بلد نزورة كي ينظر لنا بنظرة ايجابية	2017-05-05 12:51 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

المغرب بنظرة فهد

روابط سريعه

الذين يشاهدون محتوى الموضوع الآن : 2 ( الأعضاء 0 والزوار 2)