المغرب بنظرة فهد

فهد125 · 2017-01-15T21:00:16+00:00

السلام عليكم ورحمة الله وبركاته تحية لمزاعيط المغرب من ادارة واعضاء وزوار اولاً هذا مو تقرير مجرد فضفضة واللي منتظر تنسيق وكلام كبير يدق تراجع انا واعوذ بالله من كلمة انسان بسيط واحب الفلة والبساطة ثانياً: انا من زمان افكر اروح المغرب وادخل المنتدى واشوف المواضيع واكنسل لان كثير من المواضيع تتكلم عن النصب والسرقة والمداهمات .. والخ ثالثاً : بيوم ٧-١-٢٠١٧ شفت عروض الخطوط السعودية وقررت احجز وكنت مدلخ متوقع اليوم اخر يوم وحاولت احجز وكل ما دخلت رقم الفيزا رفض ورجعت اعيد الحجز لين الساعة ١٢ وقلت لعلها خيره وبعد ساعتين جاني ٦٠ مسج الغاء سجل حجز شكلي كنت حاجز الطيارة كلها ههههههه لان طلع كل مره يسويلي حجز جديد وهذي دلاخة من التطبيق حقهم ومن بكرا اكتشفت ان باقي يومين للعرض وتركته لاخر نص ساعة كعادتي الكريمة لان دائماً اذا حجزت بدري يطلعلي ١٠٠ مشكلة وكنت مسافر يوم ٩ داخل السعودية وصلت من المطار الساعة ١١ م وقلت ابي لاب توب ودخلت وحجزت ع يوم السبت ١٤-١-٢٠١٧ الساعة ١٤.٢٠ من الرياض لكازا بقيمة ١٤١٩ ريال وبعدها دخلت مزاعيط المغرب وليتني ما دخلت لقيت واحد رافع كل مواضيع السرقة والنصب من ٢٠١٣ الى اليوم ههههههه لكن انا متعود اتفأال اذا تشأم الاخرين المهم يوم ١٣ كنت رجعت مدينتي ودخلت حجزت من مدينتي للرياض وكان فيه فرق بين الرحلتين حوالي ٦ ساعات وحاولت انام ما قدرت انام وصلت الرياض حول تسع الصباح واستلمت شنطتي وقصيت البوردنق وشحنت الشنطة وطلعت ورحت لمقهى واحلى شيشة لين وقت الرحلة ورجعت المطار وصرفت مبلغ ٨٠٠ ريال من بنك البلاد بالمطار تقريباً ٢.٣٢ قالي الموظف الافضل تصرف من المغرب قلت ابي مبلغ صغير احتياط وركبنا الخطوط السعودية كنت اخذ كرسي جنب الشباك من جهاز الخدمة الذاتيه قلت ع الله يكون جنبي احد زين لكن للاسف الكرسي اللي جنبي فاضي واللي جنبه وحده افريقيه مشغلة رسوم متحركة وطول الرحلة تضحك والظاهر متعطره بقاز المهم كنت افكر بالجوازات والجمارك والتكاسي والشفارة وبالاخير قلت خلها ع ربك وصلت المطار ونزلت وكان فيه سعودي قال اول مره قلت يس قال لا تدفع لهم شيء قلت ولا يهمك وصل دوري عطيته الجواز قال اول مره قلت يس طالع ورقة الدخول وختم الجواز قال تفضل قلت وين شكلي نزلت بالسودان بالغلط هههه طلعت رحت السير صراحة الشنط تأخرت تقريباً نص ساعة واخرتها جت الشنطة وسحبتها ع السير ودخلتها وطلعت واخذتها ومشيت وتاكدت اني نازل بالسودان طلعت الصالة ولقيت الصرافين وجاني واحد قال تبي سياره عندي اكسنت ٢٠١٧ بـ ٢٥٠ وبدون جواز ولا ضمان قلت عطن رقمك وافكر قالي البنك هذا افضل سعر صرف ٢.٦٥٢ المهم صرفت منه وطلع فعلاً الافضل ورحت وفاء كاش وفتحت حساب واخذت البطاقة وطلعت لاتصالات المغرب اخذت شريحة وقلت بسم الله الحين يبدأ الاكشن مع التكاسي زي ما يقولون طلعت الوضع هادي ولقيت واحد قالي تبي تكسي وكان لاباس وعليه شعار قلت ايه قال تفضل جاب مرسيدس سودا قلت ابي عين ذياب كم قال ٣٠٠ درهم قلت اخر شيء قال هذا سعرنا المهم ركبت وقلت له اعط الشب ٢٠ درهم واحاسبك ومشينا والرجال طلع محترم جداً واخذنا واعطينا بالطريق لين وصلت الفندق وحاسبته ٣٢٠ حقه وحق الرجال الاول دخلت الفندق قلت عندي حجز من بوكنق قال تفضل ودقيقه وطلعت الغرفة وصليت ونزلت سالت الحارس عن مطعم ومقهى وقال هذا يبعد ١٠ متر عن الفندق دخلت وجلست وتعشيت مشاوي مع شيشة ومشروب وكان فيه غناء وبعض الزبائن يهزون ومنتظر النصب طلبت الفاتوره جابها ٣١٠ درهم طبعاً الحين تأكدت اني بالسودان طلعت ونمت صحيت ٩ الصباح وطلعت ومسكت كورنيش عين ذياب وكان الجو برد وفيه هوا شديد والكورنيش مليان ناس ‏[url]https://i.imgur.com/Q1KXq5f.jpg[/url] لين وصلت موركو مول ‏[url]https://i.imgur.com/Do3S4A8.jpg[/url] ودخلت وافطرت ‏[url]https://i.imgur.com/uHbqLTI.jpg[/url] الشيء الجميل هذا مع اتاي وطلعت ركبت تكسي احمر صغير وشغل العداد ووصلني الفندق ٦ درهم وحصلت مكان قريب الفندق فيه شيشة وبعد ما خلصت طلبت الحساب جابلي فاتوره ١٠٠ درهم ٧٠ شيشة و ٣٠ اتاي وانا بالمطعم نزلت تطبيق اوبر وطلبت تكسي من التطبيق لطماريس واتصل فيني واحد قال طالب طكسي قلت ايه قال اوگ جاي وبعد ٤ دقائق وصل وركبت وكانوا ٢ شباب تكلمنا وقالوا ان شغلنا بالمغرب للحين مو رسمي واصحاب الطاكسي حاقدين علينا وكانوا في قمة الاخلاق حاسبتهم ١٠٠ درهم ونزلت طماريس واخذت فره ودخلت مطعم وطلبت طاجين لحم بالبرقوق وسمك مشوي عشان اجرب ‏[url]https://i.imgur.com/mCYJqnm.jpg[/url] ‏[url]https://i.imgur.com/SJ5a6X4.jpg[/url] وجلست تقريباً ساعتين وطلبت الحساب ٢٠٠ درهم وطلعت ما حصلت تكسي وانتظرت مع انه برد واخيراً لقيت تكسي وقال ما اروح عين دياب بس بوصلك التكسي الابيض ١٠ درهم واخذت تكسي ابيض ٥٠ درهم لين وصلت الفندق واتمنى اكون اضفت شيء المغرب جميل واهله اجمل

فهد125

مزعوط خبير

المشاركات: 3,443

تاريخ التسجيل: Jul 2016

2017-01-23, 10:35 PM

المشاركه #1

اقتباس:

المشاركة الأصلية كتبت بواسطة رااايق

إن دخلت طريق الأفلام الهندية تراك طالق بالثلاث

عاد اللي يدخل طريق الأفلام الهندية صعب يخرج منه

ههههههههههههه

تطمن انا فاشل بالطريق هذا وحتى لو حاولت مارح تضبط معاي

فهد125

مزعوط خبير

المشاركات: 3,443

تاريخ التسجيل: Jul 2016

2017-01-23, 09:21 PM

المشاركه #2

https://i.imgur.com/DAfDi7h.jpg

يطيح جفن الليـل واهـز كتفـه
نجم يفز، وباقي الليـل مطفـي

واحاكي الجدران عن مثل غرفـه
ماتشبه الجدارن ويطول وصفـي

وتملني الجدارن واظهر لشرفـه
تحت السماء واسكر الباب خلفـي

ريحٍ تهب وتسكن العظـم رجفـه
وتموت ريح وتسكن اوراق نزفي

على الروابي تهطل دموع وطفه
ويصب لمع بروقها وسط طرفي

ياطاري الغدران ، والعمر رشفه
مع قلّها ، ياليتها ييـوم تصفـي

ليت الشوارع تجمع اثنين صدفـه
لا صار شباك المواعيد مجفـي

الحب واجد مير الأقـدار صلفـه
والارض واجد لكن العزم منفـي

والي اعرفه راح مانيب اعرفـه
ولااظن يذكرني اليا اقلبت مقفـي
اقبلت
ماهو حبيبي مورد القلـب حتفـه
ولاهو حبيبي يفرح بوقت ضعفي

مُّر ثمر هالليل ، وامـر قطفـه
يالحنظل الي صرت اذوقه بكفي.

هذا وتّو الليـل مـاراح نصفـه
ياليل بعض اللي مضى منك يكفي

رااايق

مزعوط برونزي

المشاركات: 651

تاريخ التسجيل: Feb 2016

2017-01-23, 10:14 PM

المشاركه #3

وين أرضك اللحين؟

فهد125

مزعوط خبير

المشاركات: 3,443

تاريخ التسجيل: Jul 2016

2017-01-23, 10:37 PM

المشاركه #4

اقتباس:

المشاركة الأصلية كتبت بواسطة رااايق

وين أرضك اللحين؟

قبل شوي وصلت مراكش جاي من اغادير

والان اتسكع بزنقة يوغسلافيا المتفرع من شارع الحسن الثاني

شكلي ادمنت المهلبية حقت ازار

رااايق

مزعوط برونزي

المشاركات: 651

تاريخ التسجيل: Feb 2016

2017-01-24, 10:06 AM

المشاركه #5

اقتباس:

المشاركة الأصلية كتبت بواسطة فهد125

شكل المهلبية ذي تبي تصير أشهر من رأس على علم

عموما بنحطه بالمفضلة الين نوصل مراكشششششش

فهد125

مزعوط خبير

المشاركات: 3,443

تاريخ التسجيل: Jul 2016

2017-01-24, 12:14 PM

المشاركه #6

اقتباس:

المشاركة الأصلية كتبت بواسطة رااايق

شكل المهلبية ذي تبي تصير أشهر من رأس على علم

عموما بنحطه بالمفضلة الين نوصل مراكشششششش

انا خايف من الاعراض الانسحابية للمهلبية

ان شاء الله مارح تندم عليها

abdu1408

مزعوط نشيط

المشاركات: 135

تاريخ التسجيل: Jul 2017

2017-08-03, 02:19 PM

المشاركه #7

اقتباس:

المشاركة الأصلية كتبت بواسطة فهد125

وش كانت وسيلة نقلك بين مراكش و اغادير ؟
و يا ريت تشرح لنا الطريقه :D

فهد125

مزعوط خبير

المشاركات: 3,443

تاريخ التسجيل: Jul 2016

2017-08-04, 04:02 AM

المشاركه #8

اقتباس:

المشاركة الأصلية كتبت بواسطة abdu1408

وش كانت وسيلة نقلك بين مراكش و اغادير ؟

و يا ريت تشرح لنا الطريقه :D

السبراتور والستيام هم وسيلة النقل

اي طريقه تبي؟

abdu1408

مزعوط نشيط

المشاركات: 135

تاريخ التسجيل: Jul 2017

2017-08-04, 09:07 PM

المشاركه #9

اقتباس:

المشاركة الأصلية كتبت بواسطة فهد125

السبراتور والستيام هم وسيلة النقل

اي طريقه تبي؟

انا ناوي استخدمها بسفرتي الجايه لاني لحالي و لانها بتكون ارخص لي.. من كازا لطنجه و من طنجه لكازا لمراكش ثم لاغادير

ف السبراتو او الستيام هم قطار ولا باص ؟

و مثلا لو ابي اروح من كازا الى اغادير بتكون مباشره ولا لازم انزل و اركب القطار الثاني و كذا

و كم تبعد محطة القطار في كازا عن المطار ؟

و شاكر لك تجاوبك اخوي

فهد125

مزعوط خبير

المشاركات: 3,443

تاريخ التسجيل: Jul 2016

2017-01-23, 10:50 PM

المشاركه #10

https://i.imgur.com/xcmCbf5.jpg

رجعت مطعم ازار وجتني البنت اللي كانت مسئولة عن الطاولة قالت اهلين سيد فهد

قلت لها تعالي من وين جبتي اسمي لان ما اذكر اني عطيتهم الاسم ولا حتى حاسبت بالفيزاء

قالت من تعليقك بتريب ادفايسر

بعض الاماكن تحسسك بقيمة حضورك وتعليقك على الخدمة

بسطيلة لذيذه جداً
https://i.imgur.com/89KC4TY.jpg

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه للموضوع: المغرب بنظرة فهد
الموضوع	آخر مشاركة
كيف نرتقي بالسياحة في أي بلد نزورة كي ينظر لنا بنظرة ايجابية	2017-05-05 12:51 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

المغرب بنظرة فهد

روابط سريعه

الذين يشاهدون محتوى الموضوع الآن : 2 ( الأعضاء 0 والزوار 2)