المغرب بنظرة فهد

فهد125 · 2017-01-15T21:00:16+00:00

السلام عليكم ورحمة الله وبركاته تحية لمزاعيط المغرب من ادارة واعضاء وزوار اولاً هذا مو تقرير مجرد فضفضة واللي منتظر تنسيق وكلام كبير يدق تراجع انا واعوذ بالله من كلمة انسان بسيط واحب الفلة والبساطة ثانياً: انا من زمان افكر اروح المغرب وادخل المنتدى واشوف المواضيع واكنسل لان كثير من المواضيع تتكلم عن النصب والسرقة والمداهمات .. والخ ثالثاً : بيوم ٧-١-٢٠١٧ شفت عروض الخطوط السعودية وقررت احجز وكنت مدلخ متوقع اليوم اخر يوم وحاولت احجز وكل ما دخلت رقم الفيزا رفض ورجعت اعيد الحجز لين الساعة ١٢ وقلت لعلها خيره وبعد ساعتين جاني ٦٠ مسج الغاء سجل حجز شكلي كنت حاجز الطيارة كلها ههههههه لان طلع كل مره يسويلي حجز جديد وهذي دلاخة من التطبيق حقهم ومن بكرا اكتشفت ان باقي يومين للعرض وتركته لاخر نص ساعة كعادتي الكريمة لان دائماً اذا حجزت بدري يطلعلي ١٠٠ مشكلة وكنت مسافر يوم ٩ داخل السعودية وصلت من المطار الساعة ١١ م وقلت ابي لاب توب ودخلت وحجزت ع يوم السبت ١٤-١-٢٠١٧ الساعة ١٤.٢٠ من الرياض لكازا بقيمة ١٤١٩ ريال وبعدها دخلت مزاعيط المغرب وليتني ما دخلت لقيت واحد رافع كل مواضيع السرقة والنصب من ٢٠١٣ الى اليوم ههههههه لكن انا متعود اتفأال اذا تشأم الاخرين المهم يوم ١٣ كنت رجعت مدينتي ودخلت حجزت من مدينتي للرياض وكان فيه فرق بين الرحلتين حوالي ٦ ساعات وحاولت انام ما قدرت انام وصلت الرياض حول تسع الصباح واستلمت شنطتي وقصيت البوردنق وشحنت الشنطة وطلعت ورحت لمقهى واحلى شيشة لين وقت الرحلة ورجعت المطار وصرفت مبلغ ٨٠٠ ريال من بنك البلاد بالمطار تقريباً ٢.٣٢ قالي الموظف الافضل تصرف من المغرب قلت ابي مبلغ صغير احتياط وركبنا الخطوط السعودية كنت اخذ كرسي جنب الشباك من جهاز الخدمة الذاتيه قلت ع الله يكون جنبي احد زين لكن للاسف الكرسي اللي جنبي فاضي واللي جنبه وحده افريقيه مشغلة رسوم متحركة وطول الرحلة تضحك والظاهر متعطره بقاز المهم كنت افكر بالجوازات والجمارك والتكاسي والشفارة وبالاخير قلت خلها ع ربك وصلت المطار ونزلت وكان فيه سعودي قال اول مره قلت يس قال لا تدفع لهم شيء قلت ولا يهمك وصل دوري عطيته الجواز قال اول مره قلت يس طالع ورقة الدخول وختم الجواز قال تفضل قلت وين شكلي نزلت بالسودان بالغلط هههه طلعت رحت السير صراحة الشنط تأخرت تقريباً نص ساعة واخرتها جت الشنطة وسحبتها ع السير ودخلتها وطلعت واخذتها ومشيت وتاكدت اني نازل بالسودان طلعت الصالة ولقيت الصرافين وجاني واحد قال تبي سياره عندي اكسنت ٢٠١٧ بـ ٢٥٠ وبدون جواز ولا ضمان قلت عطن رقمك وافكر قالي البنك هذا افضل سعر صرف ٢.٦٥٢ المهم صرفت منه وطلع فعلاً الافضل ورحت وفاء كاش وفتحت حساب واخذت البطاقة وطلعت لاتصالات المغرب اخذت شريحة وقلت بسم الله الحين يبدأ الاكشن مع التكاسي زي ما يقولون طلعت الوضع هادي ولقيت واحد قالي تبي تكسي وكان لاباس وعليه شعار قلت ايه قال تفضل جاب مرسيدس سودا قلت ابي عين ذياب كم قال ٣٠٠ درهم قلت اخر شيء قال هذا سعرنا المهم ركبت وقلت له اعط الشب ٢٠ درهم واحاسبك ومشينا والرجال طلع محترم جداً واخذنا واعطينا بالطريق لين وصلت الفندق وحاسبته ٣٢٠ حقه وحق الرجال الاول دخلت الفندق قلت عندي حجز من بوكنق قال تفضل ودقيقه وطلعت الغرفة وصليت ونزلت سالت الحارس عن مطعم ومقهى وقال هذا يبعد ١٠ متر عن الفندق دخلت وجلست وتعشيت مشاوي مع شيشة ومشروب وكان فيه غناء وبعض الزبائن يهزون ومنتظر النصب طلبت الفاتوره جابها ٣١٠ درهم طبعاً الحين تأكدت اني بالسودان طلعت ونمت صحيت ٩ الصباح وطلعت ومسكت كورنيش عين ذياب وكان الجو برد وفيه هوا شديد والكورنيش مليان ناس ‏[url]https://i.imgur.com/Q1KXq5f.jpg[/url] لين وصلت موركو مول ‏[url]https://i.imgur.com/Do3S4A8.jpg[/url] ودخلت وافطرت ‏[url]https://i.imgur.com/uHbqLTI.jpg[/url] الشيء الجميل هذا مع اتاي وطلعت ركبت تكسي احمر صغير وشغل العداد ووصلني الفندق ٦ درهم وحصلت مكان قريب الفندق فيه شيشة وبعد ما خلصت طلبت الحساب جابلي فاتوره ١٠٠ درهم ٧٠ شيشة و ٣٠ اتاي وانا بالمطعم نزلت تطبيق اوبر وطلبت تكسي من التطبيق لطماريس واتصل فيني واحد قال طالب طكسي قلت ايه قال اوگ جاي وبعد ٤ دقائق وصل وركبت وكانوا ٢ شباب تكلمنا وقالوا ان شغلنا بالمغرب للحين مو رسمي واصحاب الطاكسي حاقدين علينا وكانوا في قمة الاخلاق حاسبتهم ١٠٠ درهم ونزلت طماريس واخذت فره ودخلت مطعم وطلبت طاجين لحم بالبرقوق وسمك مشوي عشان اجرب ‏[url]https://i.imgur.com/mCYJqnm.jpg[/url] ‏[url]https://i.imgur.com/SJ5a6X4.jpg[/url] وجلست تقريباً ساعتين وطلبت الحساب ٢٠٠ درهم وطلعت ما حصلت تكسي وانتظرت مع انه برد واخيراً لقيت تكسي وقال ما اروح عين دياب بس بوصلك التكسي الابيض ١٠ درهم واخذت تكسي ابيض ٥٠ درهم لين وصلت الفندق واتمنى اكون اضفت شيء المغرب جميل واهله اجمل

فهد125

مزعوط خبير

المشاركات: 3,443

تاريخ التسجيل: Jul 2016

2017-01-17, 02:07 PM

المشاركه #1

اليوم بمراكش طلعت الصباح ورحت مشي لجليز حول كيلو ونص وافطرت بمطعم قريب من ماك بيض بالخليع مع اتاي ٣٥ درهم
https://i.imgur.com/wf5JqwF.jpg

وبحثت بقوقل عن مقهى وحصلت واحد بزنقة تحت بالقبو اسمه cafe113 حلو وهادي
https://i.imgur.com/lxvRKzA.jpg

والله يا شباب ماحد كلمني ولا شفت شيء من الكلام اللي يقال

مازن جدة

مزعوط نشيط

المشاركات: 52

تاريخ التسجيل: Dec 2012

2017-01-17, 02:14 PM

المشاركه #2

تبي نصيحة دورلك رحلة الى اوكايمدن تجربة تشوف الثلج و تتغدى هناك و ترجع
تجربة لن تندم عليها

فهد125

مزعوط خبير

المشاركات: 3,443

تاريخ التسجيل: Jul 2016

2017-01-17, 02:15 PM

المشاركه #3

اقتباس:

المشاركة الأصلية كتبت بواسطة مازن جدة

تبي نصيحة دورلك رحلة الى اوكايمدن تجربة تشوف الثلج و تتغدى هناك و ترجع
تجربة لن تندم عليها

ان شاء الله بروح
لكن وين احصل رحلة
وشاكر لك مقدماً

مازن جدة

مزعوط نشيط

المشاركات: 52

تاريخ التسجيل: Dec 2012

2017-01-17, 02:28 PM

المشاركه #4

اقتباس:

المشاركة الأصلية كتبت بواسطة فهد125

ان شاء الله بروح
لكن وين احصل رحلة
وشاكر لك مقدماً

والله يا اخوي فهد ما اعرف بالضبط لان دايما اروح مع السواق او اكون مستاجر سيارة اتوقع لو تسال الفندق اللي انت ساكن فيه ممكن يجهزون لك رحلة

فهد125

مزعوط خبير

المشاركات: 3,443

تاريخ التسجيل: Jul 2016

2017-01-17, 02:28 PM

المشاركه #5

اقتباس:

المشاركة الأصلية كتبت بواسطة مازن جدة

ماقصرت

مرامير

مزعوط نشيط

المشاركات: 102

تاريخ التسجيل: Mar 2012

2017-01-23, 09:45 AM

المشاركه #6

كمل يافهد متابعينك

فهد125

مزعوط خبير

المشاركات: 3,443

تاريخ التسجيل: Jul 2016

2017-01-23, 05:20 PM

المشاركه #7

اقتباس:

المشاركة الأصلية كتبت بواسطة مرامير

كمل يافهد متابعينك

ابشر

نزز

مزعوط جديد

المشاركات: 26

تاريخ التسجيل: Jan 2017

2017-01-23, 11:31 AM

المشاركه #8

مشتاقين لسوالفك يا فهد عطنا العلوم

فهد125

مزعوط خبير

المشاركات: 3,443

تاريخ التسجيل: Jul 2016

2017-01-23, 05:20 PM

المشاركه #9

اقتباس:

المشاركة الأصلية كتبت بواسطة نزز

مشتاقين لسوالفك يا فهد عطنا العلوم

تسلم من ذوقك يالغالي

فيتا

مزعوط خبير

المشاركات: 3,396

تاريخ التسجيل: Aug 2015

2017-01-23, 11:49 AM

المشاركه #10

متابع
جوعتني وبالعافيه ان شاءالله

المواضيع المتشابهه للموضوع: المغرب بنظرة فهد
الموضوع	آخر مشاركة
كيف نرتقي بالسياحة في أي بلد نزورة كي ينظر لنا بنظرة ايجابية	2017-05-05 12:51 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

المغرب بنظرة فهد

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)