مزاعيط المغرب - السفر الى المغرب

السلام عليكم ورحمة الله وبركاته
السكن بمراكش نزلت بفندق اسمه TEMPOO اليوم ١٧٠ ريال فندق نظيف جداً وطقم العمل ودود وخدوم
‏https://i.imgur.com/iL4HKAF.jpg

الفندق امانتهم عالية مره حاسبتهم ع يومين وطلعت وانا طالع حسيت ان المبلغ اللي دفعته اكبر من السعر وقلت عادي وانا راجع قالت لي موظفة الرسبشن انا غلطت بالحساب وعطني بطاقتك اسوي اعادة لمبلغ ١٨٢ درهم

احذت تكسي واتفقت معاه ياخذني جولة بمراكش واتفقت معاه ١٥٠ درهم وكان كببر بالسن ومحترم جداً وعطاني نبذه عن اغلب الاماكن اللي زرناها
رحت
حديقة ماجويل
وجامع الكتبة
وسوق الفناء
وقبور السعديين
والمنارة
واماكن ثانيه نسيتها

واخر شيء وداني مطعم اسمه شهرمار بسوق الملاح
‏https://i.imgur.com/fhE1VxQ.jpg

‏https://i.imgur.com/u7G8UOw.jpg

صراحة ما قصر وكان ينتظر وعطيته اكثر من حقه لانه يستاهل

رجعت الفندق سالتهم عن حمام مغربي قالوا فيه واحد حلو بالعمارة بجانب الفندق
ورحت لهم وحجزت وكانت صاحبته اسمها مريم
حمام مغربي ٢٥٠
ومساج ٣٠٠
اخذت حمام مغربي وعطتني بكج لليدين هدية (قص اظافر .. الخ)

اليوم الثاني رحت اوريكا اخذت هونداي بـ ٦٠٠ بس كان الجو برد وهواء وطلعت للشلال الاول فقط ونزلت تغديت ورجعت
‏https://i.imgur.com/8zwLRNF.jpg

اعجبتني فكرة تبريد الماء والعصائر
‏https://i.imgur.com/lnsA3N8.jpg

طاجن
‏https://i.imgur.com/UJxUdlQ.jpg

بالليل كنت ابي مكان اتعشاء واسهر فيه بحثت بخرائط قوقل و tripadvisor حصلت مطعم لبناني مغربي تقييمه عالي اسمه Azar وفيه عشاء وشيشة وطرب ومو بعيد عن الفندق تقريباً ٥٠٠م
رحت وصراحة كان الاكل رائع جداً والمشروبات اجمل اما الشيشة مو بمستوى المطعم

اخذت منهم بسطيلة بالدجاج وكتنت لذيذه جداً
‏https://i.imgur.com/yNjShGr.jpg
واخذت طنجية مراكشية

والحلى كان مهلبية بس صراحة اكتشفت انه مضحوك علي طول عمري اللي راح لانهم يعطوني حاجه ويقولون انها المهلبية
مع اني من عشاق المهلبية لكن بعد المذاق هذا ما اعتقد برجع اكلها الا هنا
‏https://i.imgur.com/6lsickM.jpg

الحساب كان ٧٠٠ عشاء وشيشة وكوكتيل بس المبلغ يستحقونه وزياده

ملاحظة بسيطة
١-بالنسبة للتكاسي ابعد عن جليز ومحطة القطار ورح تحصل تكاسي رخيصة وسواقينها فيهم نظافة وتعاملهم حلو
٢- التنقل بين المدن عندهم باصات ستيام و سبراتور كلهم نفس السعر وفيه القطار بس ما يوصل جميع المدن