بسم الله الرحمن الرحيم
واثناء تناولي انا وسارة الغداء الي هو كبسة لحم الساعة 9 مساء
فجاة رسالة واتساب من ام طلااال ( المدام )
( طبعا ماتدري اني في المغرب )
والا كانت علوم
ترسلي صورت عشى مسويه اخوها وتقول وش رايك ارسلك عشى
المسكينة مادرت منهي الي تاكل معي
الله يغفر الذنب
المهم بعد الاكل تبادلنا قليلا من الحديث وكان حقيقة ممتع جدا
وفجاة رن هاتفها وقالت هذا بابا
بصراحة دخت وضاعت علومي وادور على باب الشقة ودي انحاش
قالت اشبيك عادي هذا بابا يطمئن علي
قلت والله بلاك ماتدرين وش يصير لو هالعلوم عندنا
المهم كلمت ابوها وكانت حاطه المكالمة على مكبر الصوت
ولا اخفيكم مافهمت شي كلامهم وش زينه بس المشكلة عندي
انتهت مكالمتها مع البابا تبعها وطبعا سناء الشغالة موجودة
قالت انت مطول هنا في مراكش قلت لا يوم الخميس راجع اسبانيا
قالت انت لوحدك هنا
هنا الشيطان قالي قولها ايه واطلب منها تبات معك
لكن الحمد لله تعوذت من ابليس وقلت ايه لوحدي لكن صراحة معي اصحابي ساكنين بجلييز
ولازم اكون عندهم الساعة 11
قالت بصراحة اشكرك على الكبسة بالسعودي ( الله يخلف عليك ) قلت يامال العافية حقتنا مهي حقتكم
عافيتهم النار الله يجيركم
ضحكت وبصراحة بغيت ابكي من جمال هالضحكة
وودعتها وبصراحة عطتني بوستين على خدي
ومااخفيكم حلفت ماعاد اغسل وجهي بعد هالبوستين
وللحديث بقية
ابو طلااال