بسم الله الرحمن الرحيم
وبعد وداع سارة ( سبحان الخالق المصور )
جلست اقول ياولد الحين الساعة 10 ونص ومافيني نوم ليه مااطلع اكتشف المدينة
وسويت بعض الاتصالات بالواتس مع بعض الصيع الي سبق لهم زيارة مراكش
وقالو لي انت انسان صوفي ولاتسكر ولاندري وش مزاجك هذا
لكن تدري رح الديوان وتفرج وانبسط
قلت في نفسي لازم اخوض التجربة واشوف وش عندهم الديوان
وشغلت حبيب القلب ( الجي بي اس ) لكن بصراحة اكتشفت انه غير فعال في المغرب
وقفت طاكسي وقلت لو سمحت بغيت الديوان قال مرحبا بيك خليك وراي
ومشيت وراه بالاكسنت الي معي الين وصلنا
سبعين بوديقار عند الباب تقول داخل القصر الملكي
المهم جيت عند الاستقبال قابلني واحد يتكلم سعودي بطلاقة وقال ياهلا وسهلا انت حاجز هنا
قلت لا والله بس حبيت احجز قال انت لوحدك قلت ايه بالله وحدي
قال طيب 1500 درهم الطاولة ولك 12 طلب
قلت وشهي الطلبات مثلا قال مشروب وبيرة
قلت والله مااشربها كبدي ماتتحمل هالمشروبات الي تقول عنها
ضحك وقال انت غريب تدري ابعطيك طاولة بالف ولك 6 طلبات
قلت مثل ايش
قال ريد بول مشروبات غازية معسل
قلت ماشي احجزلي هالطاولة
ودخلت وشفت الي مدري كيف اوصفه
وبصراحة تعرضت لكمية معاكسات رهيبة
لدرجة رحت للمراية قلت لايكون اشبه مهند وانا ماادري :
المهم لفت نظري وحدة لابسه لبس غريب عكس البقية الي هم من غير ملابس الا شوي
قلت ياولد لازم اكلمها واشوف وش قصة هاللبس طبعا كانت لابسه لبس مثل لبس اخواتنا السودانيات
ناديت الي نزلي المعسل وقلت كلم هالبنت قلها تتفضل معي
وفعلا جت جلست وسالتها عن لبسها قالت انا صحراوية وهذا لبسنا ونفتخر فيه
قلت والله والنعم
قالت انا من مدينة العيون
وعزمتها على ريد بول وقالت ابي مشروب قلت امعصي وزعلت ومشيت
وشوي الا اشوف هذاك العود الي فوق الخمسين ماخذها معه قلت عز الله ناوي على الشر هالعود الليلة
وللحديث بقية
ابو طلااال