طبعاً الأمن في المغرب وبحكم التجربة (أتكلم عن أغادير تحديداً) أمن وأمان ولا يقل عن الرياض، الله لا يغير عليهم وعلينا.
وبالنسبة لتونس ومع احترامي لمحبيها وبحسب ما نشوف في الأخبار فالأمان فيها لكم عليه.

وصح أن كل بلد فيها الخير والطالح
لكن كرأي شخصي بحت وبحكم التعامل الشخصي مع التوانسة والمغاربة رجال وحريم، فلا يتقارنوا بالمغاربة أبداً، المغاربة وأتكلم عن الشعب بصفة عامة (مو فئة الهشك بشك وتوابعها) فيهم قناعة وفيهم طيبة وما فيهم شوفة نفس، عكس التوانسة فيهم شوفة نفس وثقليين طينة بطريقة عجيبة اقلها بالنسبة لي.

الشاهد ما توافقت معهم حريمهم ورجالهم، مو عاد أروح ديرتهم.

اسمح لي يامهندس لاتقارن امن وامان الرياض بأكادير ولاتجادلني [emoji23]

أقول خلك حذّر ومحتاط ومرتب وضعك في اكادير

السعوديه مافي مثل أمنها وأمانها عسى الله يديمه

والله وأنا أخوك كلامي بحكم التجربة الشخصية وعن أغادير تحديداً، ومو سالفة اسبوع ولا اسبوعين يمكن مجموع الأيام الي جلستها في أكادير في 2018 فقط حول 82 يوم، أسمع عن كازا ان وضعها غير.
ولا يمنع أن الواحد يحتاط عموماً ويفتح عينه.

والله يديم علينا في السعودية وعلى حبايبنا في المغرب نعمة الأمن والأمان.

شاكر لك نصيحتك

عندك رقم للواتس

الله يخليك حبيبنا ومشكور على كرمك . نريد تعطينا عن احسن مدينة في تونس نتوجه لها ونوعية السكن وهل هناك شقق أو فنادق وكذلك أماكن الترفيه والترويح

اعتقد أن شعب تونس أرقى في التعامل من المغرب

تونس زرتها شهر أكتوبر سنه 17 وبعدها زرت بالمغرب قبل رمضان اللي فات
فرق كبير من ناحيه التعامل تونس بلد قديم في السياحه .
التعامل في المطار في المطاعم والمقاهي في السكن بلد منظم في كل شئ.
الان الدينار نزل كثير امام الريال فرق عن المده اللي رحتها بكثير .
ايجار السياره نظام ممتاز 5ايام ب 300 دينار 1500تأمين رجعوه لي كامل عند تسليم السياره.
في المغرب تامين 500 درهم على انه يرجع عند تسليم السياره ولما سلمنا السياره قالو هذا تامين شامل ما يرجع نصب احتيال. نصبوا علي.
التوانسه تعاملهم مماز لللضيف من وصوله المطار حتى المغادر.
في المغرب خويي دفع بخشيش على شان ختم الخروج انا اعتذرت اني مفلس.ويالله مشاني وهو غضبان.
وكل مكان لازم تدفع ولا ما تمشي امورك

الحق يقال بكثير عندهم كرامه وعزة نفس ما شفتها في اي بلد عربي

مشاركه فيها فائده من شخص مجرّب بنفسه مش سمع من وكالة قال
تشكر أخوي ويا ليت تقارن لنا باقي الأمور بين البلدين للإستفاده أكثر .

هلا وغلا بك ابن عمان حياك يالغالي.
شرفتني اي سؤال اقدر اجيب انا حاضر