|
المغرب لدي مثله مثل باقي دول العالم فقط يتميز بطيبة ناسه وجمال ارضه وحلاوة شبابه
ثانيا اللي يصير من خرفه ونصب هذا شي صحيح ومجرب لكن يحدث بين شخص جاي يدور شي غلط حتى وان كابر ونفى وبين شخص يحاول يلبي لك الشي الغلط (باختصار الاماكن الليليه وجو الطيور وغيره) ثالثا الشي هذا طبعا موجود سابقا في سوريا وفي مصر وفي لبنان وغيره .. فهذا مو عذر لاي احد يعمم سوء الاخلاق لناس المغرب الطيبين او سوء الخليجيين... رأيي الشخصي البسيط ان المغرب بلد يثير في داخلي عبط التاريخ بارضه وتاريخه يثير في الروح الطيبه في اهله وكرمهم وطيبة قلبهم .. شهادتي في المغرب مجروحه يعلم الله اني احترم واقدر كل انسان مسلم اخيرا تبي تشوف المغرب الحقيقي تجول بين اهلهوتاريخه واترك الحياة الليليه... |
اقتباس:
انت مش ملزم انك تدفع لاي عسكري الا اذا بتفك راسك غير كدا خليك صامل كل ما كلمك قله ما افهم و اذا عندك شيء هات مخالفة رسمية |
انا من الناس اللي لا اثق في كلام الناس كثيرا
ولا اصدق احكامهم كثيرا وفي تقييماتهم في فندق او بلد او مطعم او حتى منتج صناعي فكثيرا تجد التعليقات والتقييم عكس ماوجدته انت هناك ناس تسافر للمغرب لا ترى الشمس ابدا من المطار للفلة ومن الفله للمطار فاقدا للوعي طول وقته تجد السائق يحتقره والشغاله تحتقره وحتى طيره يحتقره ثم يكتب تقريرا عن تعامل هؤلاء معه فهل ناخذ برأيه وتقريره وملاحظاته لا والف لا ... ولكن من يجوب المغرب نهارا ويتعرف على كرم المغرب وطيبه واخلاق اهله الطيبه تجد ذلك يفوح عبيرا بين ثنايا تقريره فهو يذكر الاماكن ويلتقط لها صورا ويصدر احكاما عن مايرى ويصادف هذا مانستطيع الاخذ برأيه وتصديقه اخيرا دع القرار لك ودع الحرية لك ودع الاستكشاف لك ولا تكن امعة للناس ان قالو اذهب ذهبت وان قالو لا قلت لا تحيتي |
السلام عليكم جميعاً
بعض الناس وليس الجميع يعتقد بأن السفر هي مجرد فترة زمنية وهي في الليل فقط وهذا غلط .. فا بعض الناس ينقل صوره سيئه بحكم التجريه الي عاشها في مدة قضاها كامله ما بين السهر والنوم والجانب المظلم .. ويقولك الديره هذي فيها وما فيها .. عش هذه الاجازه بجميع مراحلها واكتشف المدينه والي راح يعجبك مو شرط يعجب غيرك فا الناس اذواق ومنها من يتفق ومن يخالف .. في النهايه السفره ومدى نجاحها يحددها صاحب الرحله باختياره وكيف يقضيها .. وتحياتي للجميع [emoji120][emoji120] |
يايجيك واحد مثل هذا متخرفن ويقول مافي شي مافي شي
المغرب جميله المغرب حلوه المغرب بلد مافيه مشاكل وتبون الصحيح تبوني احلف نص مصروفه تروح بخشيش والنص الثاني انزرف منه وهو مايدري عالعموم اخوي معاملة الخليجي كل واحد يقول كيف العب عليه بطريقه حلوه هههههههههههههههههه المهم في برنامج اسمه على خطى العرب سجل فيه |
اقتباس:
قالها لك الاخ العزيز اللي فوق ، اذا ماكنت تعرف للشغله اللي رايح لها اي كانت من انواع السياحه بلاش منها ، وبالنسبه لموظف المطار والشرطي لا تفتح على نفسك مجال ، والله ما اذكر قد اعطيت احد اكرامية بالغصب ولا همني لو يطلب من اليوم لبكره خله يولي ، امش عدل يحتار عدوك فيك |
اقتباس:
ياتميمي رديت عليك في موضوعك ، التجارب تختلف ، والله اني فريت اوروبا دولة دولة ودول الخليج كلها وبريطانيا وامريكا و والله ما اقولها فشخرة بس عشان تكون بالصوره وكلها تحصل فيها المشاكل اللي قلتها دام السياحة كلها سهر ونوم ومافيها التزام بالقوانين ، لانك مخطي يستغلونك لكن ماشي سيدة وتروح تسهر بأماكن معروفه ، مو تروح لمكان تكون فيه انت الخليجي الوحيد اكيد راح يشوفونك صيدة سهله خاصة اذا اخوياك من النوع اللي ادفع وخلنا نفتك لاننا غلطانين نصيحتي لك اقرا كثير عن السفر مو بس عن المغرب عن كل الدول شوف السياحة وشوف اماكن السهر وكلام الناس عن كل شي قارن يمين ويسار ، بتحصل نفسك بعد فتره تسافر وانت مرتاح وعارف وين تروح وين تجي و وش المكان اللي مفروض تدخله وش اللي مفروض ماتجيه خلاص الين متى الخليجيين يقعدون يسافرون على عماها وعلى تجارب شيبان راحو من قبل حتى مايعرف هو وين مسافر ولا شاف بنت باع اللي وراه واللي قدامه موفق ياعزيزي |
اقتباس:
سعودي حتى عندنا في نصب بس الدول الثانيه ياخذون شي قليل المغرب تطلع يمصونك وترجع تلقى ساعه او البوكس مفتوح وناقص وغير الملابس وغير وغير ههههههههههههه واكيد الي اول مره مو مثل الي متعود فاهم الكفت |
اقتباس:
ياعزيزي انا اشرح فقط ، وما أعطي لا بالمطار ولا غيره ، انا من عام 87 اروح للمغرب ولا تمشي علي حركاتهم وحافظ أساليبهم ، ولا تواجهني كثير من المشاكل اللي اقرأ عنها بهذا المنتدى ، ولاني ماروح حتى للأماكن الليلية فما عندي اي قصص غريبه ، تمشياتي نهار واذا سهرت أسهر بالسكن بهدؤ وبدون ازعاج ولا احتاج احد يجي يقول ان عندي ازعاج . على اي حال شكرا على تعليقك ،،،. تحياتي |
انا قاعد اوافقك الراي ياصديقي وانا مثلك بالضبط يالله لك الحمد ، وترا مايخوفك من اي دولة الا اللي رايح واخذ موقف بمكان وسخ ، موفق ياعزيزي واتمنى لك السعاده الدائمة
|
| الساعة الآن 04:08 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط