مشاكلنا بمراكش من الالف الي الياء .. يادافع البلاءء

م التميمي · 2017-02-01T22:59:00+00:00

بسم الله الرحمن الرحيم السلام عليكم يالمزاعيط مدري اكيف ابدا بسس الاكيد راح اكون صريح معكم كانت مدة الرحله 14 يوم العدد ثلاثه اول خمس ايام وبعدها صرنا 6 وصلنا كازا طلعنا شرايح وخذنا سياره صغيره ايجارها ب 350 درهم باليوم كان السعر مبالغ بشكل وهذا الي مايححز من قبل يلعب عليه بعدها قابلنا الادرك قبل ندخل مراكش قالو عندكم مخالفتين مسرع وخويك ماربط الحزام كويس قلنا نبي مخالفه يبي الفين درهم جلطني والي معي يقولون نبي نعطيك الف ونبي نمشي ويقول لا ابي الفين وانا قلت ولادرهم عطني مخالفه شافني اتهاوش مع اخوياي قال خلاص عطوني الف وصافي بعدها توجهنا للنخيل درقاوي كنا حاجزين من عندهم لطعونا من عشر الصبح لين 1 الظهر يقولون لين نفضي الفله لكم خذناه باليوم4000 ثلاث غرف بعدها اخوياي حطو فلوس القطه بالخزانه لان الخزانه بغرفتي يعد اليوم الاول اذا شغلنا اغاني علطول يدق الباب يقول قصر او عطني بخشيش غير الضيوف فوق الساعه 4 مافي دخول الا بمبلغ 200 درهم وفوق وقبل الساعه 4 الفجر 100 درهم ، المهم بعد ثالث يوم جو اخوياي يحسبون كم صرفنا ولقو الفلوس ناقصه فوق 5000 الف درهم تخيلو مااتهموني بالسرقه ولاتجرا احد يقولها بسس الي جلطنا البوكس ماحد يعرف رقمه الي حنا الثلاثه والخزانه بغرفتي انا دايركت قلت ياعيال والله ماقربتها ولاتوقعنا ابد الشغالات هم الحراميه ابد بعد ثالث يوم مسك البوابه وااحد شايب قال مافي دخول اي ضيوف نهائيا خذنا عفشنا وطلعنا لقيت عطري وساعتي مسروقه ، ورحنا لمجمع اتوقع اسمه قاردن ستي بالنخيل خذنا ثلاث غرف ب 3500 درهم باليوم كان مجمع لدرجه لو يدخل عندك ضيف طبو عليها ههههههههه والصاله صغيره جلسنا يومين لان جو ثلاثه من اخويانا جلسنا يوم كامل ندور فله كويسه مالقينا بعد تعب لقينا فله ست غرف ب 6000 الاف درهم ادري والله يتقولون غاليه بسس تعبنا من استغلال الحراس حقين المجمعات نبي فله خاصه ومانبي ازعاج وماصدقنا لقيتا المهم طحنا بشغاله نصابه وحارس سراق كل يوم ينقص غرض مره جوال ومرره كريمات ومره ملابس انا ماحد قريني عارفين لساني طويل ، اقول للعيال مشينا طلعنا ويردون يقولون لاتقروشنا قلت بكيفكم ودي اقولكم رحنا وطلعنا لكن للاسف من شارع محمد لين سهرات بالكلوبات الي الفله ههههههههههه اخر شي يوم جينا نرجع السياره قالو الاستماره مو موجوده ادفع الفين درهم حتى وانت رايح يمصونك .. تدرون وش استفدت من الرحله هذي : وثق حجزك من سياره من فله قبل سفرتك بمده واسال عن كل شي وخل حجزك يومين جرب عشان ماتاكل خبور ... ياليت دخلت هالموقع الجميل اكتشفت منكم ان نصكم مسروق فلوسه من البوكس. لاتطلع مع ناس تدفع للرايح والجاي بخشيش .. لاتثق بالشغاله ابد ابد ابد ابد ابد ... اكشتفت السفر لحالي اجمل بكثيرر ... لاتسكن بمجمعات خذو فله خاصه وريحو راسكم اذا كنت لحالك اسكن باانجليز يارب يقرا موضوعي واحد بيسافر وينتبه .. واخيرا وليس اخرا ان المغرب جميله وفيها الطيب والخبيث وللاسف ماطحت الا بالوسخين بالسفره الاولى .. سفرتي الجايه راح اعوضها ان شاء الله

S3oodll

مزعوط نشيط

المشاركات: 60

تاريخ التسجيل: Jan 2017

2017-02-02, 05:27 PM

المشاركه #1

اقتباس:

المشاركة الأصلية كتبت بواسطة تساهيل ياحظي

مساكم ورد

مشاكلنا بمراكش من الالف الي الياء .. يادافع البلاءء

ياشباب حجزت فله خاصه في الوزيريه في مراكش كيف وضعها كم تبعد عن الكاش الديوان احنا اربعه اشخاص هل تنصحون نستاجر سياره من المطار افضل اوفر كم ياخذون تامين افضل مكان للجار سيارات رحلتنالسبوع الجاي ياليت تفيدوني الله يسعدكم المثل يقول من أستشار ماخب نبي شوركم يخوينا.

الموقع حلو قريب من الدبليو والديوان ومكانها ارقى من النخيل لكن بالنسبه للوضع هناك والضيوف ما ادري ، بالنسبه للسياره ادخل هنا بالمنتدى على البراء كار كلم عمر وقول له عطني رقم اشرف وخذ منه سياره صغيره بقيمة 300 درهم اليوم شاملة كل شي وراح يقابلك في المطار يعطيك السياره

تساهيل ياحظي

مزعوط مميز

المشاركات: 253

تاريخ التسجيل: Sep 2015

2017-02-02, 05:37 PM

المشاركه #2

اقتباس:

المشاركة الأصلية كتبت بواسطة S3oodll

الله يعطيك العافيه اخوئ مشكور

S3oodll

مزعوط نشيط

المشاركات: 60

تاريخ التسجيل: Jan 2017

2017-02-02, 05:23 PM

المشاركه #3

فيلا ب4 الاف وش ذا الاستغلال؟ اسمحلي والله يا اخوياك يرعون وحتى لو سافرو من قبل شكلهم يروحون يصرفون قرض كامل ويرجعون ، تقدر تنبسط 10 ايام وكل يوم سهره وكل السفرية ماتكلفك 10 الاف لكن رتب امورك وبالنسبه للشرطة مايتعرضونك لو انك ماشي عدل لكن خل يشوفون عليك مخالفة مسرع او حزام عطهم 100 درهم وخلاص مهوب تقول كم قيمة المخالفة اكيد بيقول لك بالألوف

ع العموم الحمدلله ع السلامه ومعوض خير

asamou

مزعوط فضي

المشاركات: 722

تاريخ التسجيل: Jan 2017

2017-02-02, 05:58 PM

المشاركه #4

اقتباس:

المشاركة الأصلية كتبت بواسطة S3oodll

بالنسبة للشرطة مثل ماقلت احترم النظام ماراح يتعرضو لك لكن المخالفة تمشي على الكل حتى احنا اهل البلد مايرحمونا و100درهم ماعادت تقنعهم اما بالنسبة للسكن فلازم تحجز عن طريق شخص تعرفهم واسمح لي اقول انه في بعض الخليجين يتباهون بجنسيتهم امام الناس وهذا يخليهم مطمع للنفوس الخبيثة

م التميمي

مزعوط مبتدء

المشاركات: 43

تاريخ التسجيل: Jan 2017

2017-02-02, 10:28 PM

المشاركه #5

اقتباس:

المشاركة الأصلية كتبت بواسطة asamou

احترم النظام او مااحترم يشوف خليجي كأنه شايف شنطة فلوس تمشي مايبي 100 او 200 يبي الف او الفين مدري ياخذون من اهل البلد ياخذون منكم الف هههههههههههههههه

م التميمي

مزعوط مبتدء

المشاركات: 43

تاريخ التسجيل: Jan 2017

2017-02-02, 10:23 PM

المشاركه #6

اقتباس:

المشاركة الأصلية كتبت بواسطة S3oodll

والله العظيم مانسرع ورابطين حزام وقعد يقرقر ساعه تحس انك مسوي جريمه ثم يرجع يقرقر يبي فلوس ويصعب الامور عليك حالف معطيني معطيني انا لو لحالي بقول ماراح اعطيك درهم لو اجلس عشر ساعات بس معي ناس تتقروش

والله يسلمك ياعيني

S3oodll

مزعوط نشيط

المشاركات: 60

تاريخ التسجيل: Jan 2017

2017-02-02, 05:47 PM

المشاركه #7

الله يعافيك في الخدمه يابعدي

فطوم مراكش 1

مزعوط خبير

المشاركات: 20,506

تاريخ التسجيل: Aug 2015

الدولة: مراكش

2017-02-02, 05:50 PM

المشاركه #8

هما اربعه وياخذون سيارة صغيرة
ماااا تجي
وين بيحطو شناطهم :what:

__________________
سأظل أتنفس الأمل والتفاؤل وأضيء الكون بابتسامتي رغم كل شيء

S3oodll

مزعوط نشيط

المشاركات: 60

تاريخ التسجيل: Jan 2017

2017-02-02, 06:13 PM

المشاركه #9

اقتباس:

المشاركة الأصلية كتبت بواسطة فطوم مراكش ١

هما اربعه وياخذون سيارة صغيرة
ماااا تجي
وين بيحطو شناطهم :what:

اجل خلاص ياخذون رنج هههههههههههه

فطوم انتي شكلك المجنونة اللي اعرفها

فطوم مراكش 1

مزعوط خبير

المشاركات: 20,506

تاريخ التسجيل: Aug 2015

الدولة: مراكش

2017-02-02, 06:16 PM

المشاركه #10

اقتباس:

المشاركة الأصلية كتبت بواسطة S3oodll

اجل خلاص ياخذون رنج هههههههههههه

فطوم انتي شكلك المجنونة اللي اعرفها

الرنج يصلح لاربعه

ما اظن انا بس اجي اجي منو اللي تعرفها؟ ^_^
ذابحتن اللقافه هههههه

__________________
سأظل أتنفس الأمل والتفاؤل وأضيء الكون بابتسامتي رغم كل شيء

المواضيع المتشابهه للموضوع: مشاكلنا بمراكش من الالف الي الياء .. يادافع البلاءء
الموضوع	آخر مشاركة
ممكن ترتبون رحلتي من الالف الى الياء ... واكون شاكر وممنون	2015-06-07 02:36 AM
تصرفات الشباااب من الالف الى الياء	2012-04-02 04:39 AM
طلبات الحريم من الألف الى الياء	2011-03-16 06:43 PM
الف مبروك الالف عضو لمنتديات مزاعيط المغرب وعقبال المائة الف	2011-01-17 05:41 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

مشاكلنا بمراكش من الالف الي الياء .. يادافع البلاءء

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)