مشاكلنا بمراكش من الالف الي الياء .. يادافع البلاءء

م التميمي · 2017-02-01T22:59:00+00:00

بسم الله الرحمن الرحيم السلام عليكم يالمزاعيط مدري اكيف ابدا بسس الاكيد راح اكون صريح معكم كانت مدة الرحله 14 يوم العدد ثلاثه اول خمس ايام وبعدها صرنا 6 وصلنا كازا طلعنا شرايح وخذنا سياره صغيره ايجارها ب 350 درهم باليوم كان السعر مبالغ بشكل وهذا الي مايححز من قبل يلعب عليه بعدها قابلنا الادرك قبل ندخل مراكش قالو عندكم مخالفتين مسرع وخويك ماربط الحزام كويس قلنا نبي مخالفه يبي الفين درهم جلطني والي معي يقولون نبي نعطيك الف ونبي نمشي ويقول لا ابي الفين وانا قلت ولادرهم عطني مخالفه شافني اتهاوش مع اخوياي قال خلاص عطوني الف وصافي بعدها توجهنا للنخيل درقاوي كنا حاجزين من عندهم لطعونا من عشر الصبح لين 1 الظهر يقولون لين نفضي الفله لكم خذناه باليوم4000 ثلاث غرف بعدها اخوياي حطو فلوس القطه بالخزانه لان الخزانه بغرفتي يعد اليوم الاول اذا شغلنا اغاني علطول يدق الباب يقول قصر او عطني بخشيش غير الضيوف فوق الساعه 4 مافي دخول الا بمبلغ 200 درهم وفوق وقبل الساعه 4 الفجر 100 درهم ، المهم بعد ثالث يوم جو اخوياي يحسبون كم صرفنا ولقو الفلوس ناقصه فوق 5000 الف درهم تخيلو مااتهموني بالسرقه ولاتجرا احد يقولها بسس الي جلطنا البوكس ماحد يعرف رقمه الي حنا الثلاثه والخزانه بغرفتي انا دايركت قلت ياعيال والله ماقربتها ولاتوقعنا ابد الشغالات هم الحراميه ابد بعد ثالث يوم مسك البوابه وااحد شايب قال مافي دخول اي ضيوف نهائيا خذنا عفشنا وطلعنا لقيت عطري وساعتي مسروقه ، ورحنا لمجمع اتوقع اسمه قاردن ستي بالنخيل خذنا ثلاث غرف ب 3500 درهم باليوم كان مجمع لدرجه لو يدخل عندك ضيف طبو عليها ههههههههه والصاله صغيره جلسنا يومين لان جو ثلاثه من اخويانا جلسنا يوم كامل ندور فله كويسه مالقينا بعد تعب لقينا فله ست غرف ب 6000 الاف درهم ادري والله يتقولون غاليه بسس تعبنا من استغلال الحراس حقين المجمعات نبي فله خاصه ومانبي ازعاج وماصدقنا لقيتا المهم طحنا بشغاله نصابه وحارس سراق كل يوم ينقص غرض مره جوال ومرره كريمات ومره ملابس انا ماحد قريني عارفين لساني طويل ، اقول للعيال مشينا طلعنا ويردون يقولون لاتقروشنا قلت بكيفكم ودي اقولكم رحنا وطلعنا لكن للاسف من شارع محمد لين سهرات بالكلوبات الي الفله ههههههههههه اخر شي يوم جينا نرجع السياره قالو الاستماره مو موجوده ادفع الفين درهم حتى وانت رايح يمصونك .. تدرون وش استفدت من الرحله هذي : وثق حجزك من سياره من فله قبل سفرتك بمده واسال عن كل شي وخل حجزك يومين جرب عشان ماتاكل خبور ... ياليت دخلت هالموقع الجميل اكتشفت منكم ان نصكم مسروق فلوسه من البوكس. لاتطلع مع ناس تدفع للرايح والجاي بخشيش .. لاتثق بالشغاله ابد ابد ابد ابد ابد ... اكشتفت السفر لحالي اجمل بكثيرر ... لاتسكن بمجمعات خذو فله خاصه وريحو راسكم اذا كنت لحالك اسكن باانجليز يارب يقرا موضوعي واحد بيسافر وينتبه .. واخيرا وليس اخرا ان المغرب جميله وفيها الطيب والخبيث وللاسف ماطحت الا بالوسخين بالسفره الاولى .. سفرتي الجايه راح اعوضها ان شاء الله

م التميمي

مزعوط مبتدء

المشاركات: 43

تاريخ التسجيل: Jan 2017

2017-02-02, 10:28 PM

المشاركه #51

اقتباس:

المشاركة الأصلية كتبت بواسطة asamou

بالنسبة للشرطة مثل ماقلت احترم النظام ماراح يتعرضو لك لكن المخالفة تمشي على الكل حتى احنا اهل البلد مايرحمونا و100درهم ماعادت تقنعهم اما بالنسبة للسكن فلازم تحجز عن طريق شخص تعرفهم واسمح لي اقول انه في بعض الخليجين يتباهون بجنسيتهم امام الناس وهذا يخليهم مطمع للنفوس الخبيثة

احترم النظام او مااحترم يشوف خليجي كأنه شايف شنطة فلوس تمشي مايبي 100 او 200 يبي الف او الفين مدري ياخذون من اهل البلد ياخذون منكم الف هههههههههههههههه

م التميمي

مزعوط مبتدء

المشاركات: 43

تاريخ التسجيل: Jan 2017

2017-02-02, 10:30 PM

المشاركه #52

اقتباس:

المشاركة الأصلية كتبت بواسطة faisal81

وسبق قلنالكم السفر وحدك افضل بكثير من القروبات

الشغاله لاتثق فيها ولاتاخذها
روح المرجان قضيلك مقاضي نواشف افطر بسكنك
والغدا والعشا عادة وجبه وحده بعد المغرب

الشغاله ماتسلم شرها وشر سرقتها للاغراض

الدرك والبوليس اربط حزامك وماحد يتعرضلك

اذا على السرعه وبعض المخالفات ف ١٠٠ توفي بالغرض

طيرك لايجلس معك اكثر من يوم
خل قلبك فندق

لاتثق باحد تقابله حتى لو كان ابن بلدك

في قليز تلاقي كثير واقفين يعرضون خدماتهم
اللي يقولك تبي مغربي واللي يقولك عندي اماكن سهر افضل وغيره كثير

لاتثق فيهم

وانت رايح تسهر وبسيارتك حاول تمشي على مهلك
بتلاقي ناس يترصدون لك عند الاشارات
من باب شحاذه فلاتعطيهم وجهه
قزاز السياره لاتنزله لهم

في اماكن السهر ان دخلت بتكت تذكره
ترا لك طلب واحد
وكل طلب بعده ب ١٠٠

انتبه يقولك ٢٠٠

افتح حساب في المطار من وفا بنك او الشعبي وحط فلوسك فيه
وحاول تتعامل بالكريدت اكثر شي

في جيبك لاتشيل اكثر من اللي تحتاجه

جوازك خبيه في مكان سكنك مايخطر ع بال احد

لاتصدق كذبة السفتي بوكس تراه نصب ويسرقونه

فحاول تصرف ع قدك

ضيفك لاتدفعله الا ثاني يوم

وحاول تكون واضح بالسعر معه بالبدايه

كرا السيارات المكاتب كثيره بمطار كازا
فحاول تاخذ لك لفه وتعرف على الاسعار

وبالنسبه للسياره لو تاخذها من مراكش افضل لك بكثير
اطلع قطار ع مراكش واستاجرها من مراكش اوفر لك
لانك بتدفع حول ٤٠٠ تعبي ديزل وانت خارج من مراكش
وعندك حول ١٠٠ رسوم طريق
هذه ٥٠٠ غير اللي بيدفعك اياه الدرك بالطريق

اركب القطار ب٢٠٠ فرست كلاس وحطها نومه ماتفرق ساعتين

وسلمها وانت مسافر بمراكش واطلع قطار اوفر لك

كلام كبيرررررررررررر يافيصل
حطيت النقط على الحروف
بعد قلبي ياشيخ

م التميمي

مزعوط مبتدء

المشاركات: 43

تاريخ التسجيل: Jan 2017

2017-02-02, 10:32 PM

المشاركه #53

اقتباس:

المشاركة الأصلية كتبت بواسطة faisal81

موضوع السفر لوحدك افضل بكثير

اولا انت حر نفسك
ثانيا تقدر تعمل كنترول على ميزانيتك

اللي يقول اوفر مبلغ مع القروب غير صحيح هي نفسها

اذا ع السهر ماتبي تدخل تكت تلاقي شباب كثير هناك قط معهم وخذلك طاوله

السفر وحدك تسلم من الاحراجات في الميزانيه

الناس طبيعتهم مو سوا

لذلك يمكن اخوك معك لكن يختلف عن مودك ومزاجك

فتضيع العلوم وتصير الحساسيات في موضوع الميزانيه والفلوس

خصوصا بعضهم يفللها للاخر ويطلبك وبكره يقولك ماعطيتني شي ماذكر انك اعطيتني او اخذت منك

انا احكيلكم من واقع تجارب في هالموضوع

انا الروحه الثانيه بروح لحالي وبااخذ اصغر سياره ايجارها 200 درهم تقل علبة صلصه

وصدقت لحالك احلالك

م التميمي

مزعوط مبتدء

المشاركات: 43

تاريخ التسجيل: Jan 2017

2017-02-02, 10:35 PM

المشاركه #54

اقتباس:

المشاركة الأصلية كتبت بواسطة faisal81

كذلك موضوع السيارات

استأجرت رنج او بورش او اكسنت او حنطور

الطير مايهمه الا اللي بتدفعله

لذلك خذلك ارخص سياره وهي وسيله مش غايه

كذلك السيارات الفخمه تفتح العيون عليك من البوليس او الدرك

ويترصدون لك

لذلك خذلك ارخص سياره اوتوماتيك

فيصل سلمت يمينك على النصايح

ومشكوو حبيب قلبي

فعلا كلام جميل وصريح

واحب الصريح

م التميمي

مزعوط مبتدء

المشاركات: 43

تاريخ التسجيل: Jan 2017

2017-02-02, 10:37 PM

المشاركه #55

اقتباس:

المشاركة الأصلية كتبت بواسطة فطوم مراكش ١

اللي يجي باللين وحسن تعامل عادي يمكن يستاهل 100 او 200
بس اللي يطلع عينه ويجي كنه يبي حلال ابوه ابدددددددد لو المخالفه فيها مليون .. سجلو مخالفه ابرك من انه ياخذ درهم واحد

بصراحه فطوم قليل اشوف مغربي مبتسم هههههه

دايمم معصبين

طبعا مو الكل

bobo03

مزعوط جديد

المشاركات: 2

تاريخ التسجيل: Jan 2017

2017-02-02, 10:41 PM

المشاركه #56

معوضه ان شاء الله والجايات اكثر والله اللي يبعد عن مراكش بأذن الله ينبسط مراكش اوضاعها صارت دمار ولاتنفع بريال

بحيح

مزعوط نشيط

المشاركات: 50

تاريخ التسجيل: Mar 2016

2017-02-02, 11:21 PM

المشاركه #57

يالربع كيف وضع بابليون اخبره اخر مرة قبل سنه ونص

فطوم مراكش 1

مزعوط خبير

المشاركات: 20,506

تاريخ التسجيل: Aug 2015

الدولة: مراكش

2017-02-02, 11:24 PM

المشاركه #58

اقتباس:

المشاركة الأصلية كتبت بواسطة بحيح

يالربع كيف وضع بابليون اخبره اخر مرة قبل سنه ونص

البابيلون انتهى

__________________
سأظل أتنفس الأمل والتفاؤل وأضيء الكون بابتسامتي رغم كل شيء

بحيح

مزعوط نشيط

المشاركات: 50

تاريخ التسجيل: Mar 2016

2017-02-02, 11:27 PM

المشاركه #59

ليش انتهى مافهمت

بيضاوي

مشاكلنا بمراكش من الالف الي الياء .. يادافع البلاءء

المشاركات: 1,563

تاريخ التسجيل: Mar 2016

2017-02-02, 11:47 PM

المشاركه #60

كثير من الشباب يحب يطلعوا مجموعه يعتقدون بتخف عليه المصاريف.

ياشباب الفلل مصاريف كثيره ويمكن تتجاوز ماتدفعه وانت لحالك .

عموما حمدالله ع السلامه ، والحياه مدرسه .

__________________
الحياة ليست عدو لنا بل صديق مشاكس

المواضيع المتشابهه للموضوع: مشاكلنا بمراكش من الالف الي الياء .. يادافع البلاءء
الموضوع	آخر مشاركة
ممكن ترتبون رحلتي من الالف الى الياء ... واكون شاكر وممنون	2015-06-07 02:36 AM
تصرفات الشباااب من الالف الى الياء	2012-04-02 04:39 AM
طلبات الحريم من الألف الى الياء	2011-03-16 06:43 PM
الف مبروك الالف عضو لمنتديات مزاعيط المغرب وعقبال المائة الف	2011-01-17 05:41 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

مشاكلنا بمراكش من الالف الي الياء .. يادافع البلاءء

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)