كل ما يجب أخد الحيطة والحذر منه في المغرب

:o:o:o:o

هام_لأصحاب_السيارات

مؤخرا تم توزيع سيارات فمعظم أنحاء المملكة أو بالأحرى المدن الكبيرة و الطرق الرئيسية.. هاد السيارات هي من نوع Volgswagen CADI و كيسوقها موظف عادي يعني سيفيل و فنفس الوقت ماشي سيارات عادية بل كتحمل فوسطها رادار لمراقبة السرعة بدون ما يعرفها السائق المخالف.. هاد السيارات مكتكونش فوسط المدينة لا كتكون فالغالب واقفة فالطرق الوطنية و بالضبط فالأجزاء المخصصة لسرعة 60 كم فالساعة يعني باش يرصدو عدد اكثر من الضحايا.. و في الطرق السيارة بطبيعة الحال لي معندناش الحق نفوتو 128 كم فالساعة و هاد السيارة كتكون غاااالبا كتمشى بسرعة ما بين 80 و 100 كم فالساعة يعني مكتجريش باش ترصد كذلك عدد أكبر من المخالفين.. لحد الآن لوكشي واضح ندوزو للأهم


نوع السيارة كيف قلنا Volgswagen_CADI
و لونها رمادي و كلهم كيحملو الترقيم ديال مدينة الرباط يعني 1-أ أو دال أو هاء..
و الترقيم لي على يسار اللوحة و لي هذا هو الأهم فالموضوع حاولو تحضيو معهم بزاااااف و تردو البال راه عندهم ترقيم موحد كلهم كيحملو رقم 47 على يسار اللوحة الاختلاف كاين غير فالأرقام لي حدا 47.. يعني على هاد الشكل 1 - أ - .....47
أو 1 - ه - .....47
أو 1 - د - .....47

أقول و أكرر مكيجريوش بزاف اللون ديالهم رمادي الترقيم ديالهم كما ذكرت أعلاه
و هاد شي يلا قلناه راه غير باش تستهلك بلا ما تهلك
و شكرا