رحلتي بعد شهر لشمال المغرب احتاج مساعدتكم

السلام عليكم ورحمة الله وبركاته

يااخوان حجزت بعد شهر بأذن الله للمغرب لمدة 20 يوم
مقسمه 10 ايام شمال المغرب و10 ايام مراكش
سبق زرت كازا ومراكش والرحله هذي مخطط بأذن الله اتجول لشمال المغرب
ياليت اللي زار طنجه ومكناس وفاس وتطوان يخبرونا عنها اكثر هل تنصح لزيارة أي وحده من مدن الشمال

اسف ع الاطاله واتمنى من احد الافاده شكرأ لكم جميعأ ...

صباح الخير

ودي افيدك لكن خبرتي بالشمال ضعيفه
بس البركة بالمزاعيط ولا تحرم نفسك من جولة بالمنتدى تراه كنز معلومات

سفره موفقه

حياك الله
انا زرت السنه الماضيه طنجه جميله هالمدينه حقة تمشيه سكنت بشقه دبرها لنا السوق بعد طلعة روح لانا وصلنا بالليل وكنا متواعدين مع صاحبة شركه نستاجر شقه وقابلناها وودتنا لها كانت في مجمع إسكان ع الطريق الساحلي الي يودي تطوان وجبل موسى وفنيدق بعد نقطة التفتيش
موقع المجمع ممتاز جدا ومرتفع بالجبل والشقه رخيصه وفخمه جدا واذا كنت مستاجر شقه علويه مطله على البحر بيكون المنظر خرافي بس مع الأسف كان ملاك والمجمع اصلا بعيد وكانت الشقه ارضيه كنسلنا ورحنا سكنا بشقه في العماره الي فيها مقهى بانوراما مقهى مشهور ع البحر بطنجه
بصفه عامه طنجه حقة تمشيه اذا انت مش راعي سهر يوميا وراعي استكنان تصلح لك اماكن السهر فيه اثنين الي هو الديوان ووناسه وكل واحد اخيس من الثاني لان المارينا عندهم هدموه وبيبنونه من جديد واذا بتبحث عن سكن ابعد عن المنطقه الي فيه ماكدونالديز على البحر كل حرامي ونصاب وشحاذ موجود عند ذاك المكان
تطوان مريت منها مرور الكرام جلست تغديت فيها ومريت الكورنيش تبعهم مدينه هاديه جدا مش مدينة صخب مثل طنجه وحقة استكنان فظيع ودخلت السوق اخذت لفه ومشيت

طنجه جميله ورايقه حقت 4 أيام تتجول فيها عندك وسط المدينه ومقهى الحافه ومنتزه الرميلات ومغارة هرقل ولابد من جوله على قرى الشمال من ملا باطا وانت طالع ولابد تخصص يوم لتطوان عندك الشواطئ مارتيل capo negro بالعربي الجبل الاسود تلقى على مدخل الجبل بوابه عندها الحارس استئذن منه بذوق وخذلك لفه في الجبل متعه ثم أذهب لوسط البلد رايقه بس الله يعينك على المواقف ما تحصل الا بطلوع الروح وبعدها اطلع لجبل بوعنان تحصل عين ماء و مقهى صغير فيه ماكله زينه اطلب طاجين شطون ولا تنسى تدعيلي راح تشوف تطوان اذا جلست الى بعد المغرب عروس وفيه مكان جنب بوعنان اسمه العين الزرقاء وانت طالع بعنوان على اليمين انت خذ يسار من عند البقاله مكان رائع وقريه هادئه يعيبها الطريق ديالها لاكن المكان يستاهل ولابد أنك متغدي وخذ معاك سناك ولا تنسى ترمس الشاهي بعدها روح شفشاون عن طريق عين الحصن طريق لا يمل وبالله سلملي على الزينات اما شفشاون حكايه لوحدها عندك وطى الحمام الساحه الرئيسيه بالمدينه بعدها على رأس الماء واطلع من هناك على بوزعافر مشي طبعا تلقى هناك مسجد يسمونه الاسباني لا تنسى تأخذ ماكله خفيفه معاك واذا انت بطل تعمل براد اتاي حول ذاك المكان بعدها عندك اقشور منطقه خلابه اذا انت فيك شده للمشي وخذ العزبه وطبخ لابد تروحلها من الصباح وخصص لك يوم مفتوح تزور كامل المنطقه شئ خرافي والسكن لا تشيل همه عندك booking او لا وصلت هناك بتحصل بالزاف ولا تسكن بالفندق اللي فوق المدينه كافيه الا هو لو بلاش نسيت والله اسمه هاد شوف كم يوم بتجلس بعدها انزل على فاس عن طريق وزان ولا تنسى زيت الزيتون من وزان على الطريق يا كثر المعاصر لا وصلت فاس لا بد من زيارة مولاهم يعقوب وخذلك حمام كبريتي ولا تخلي احد يعلمك مساج تخيل قروي وسويلك مساج هاتها وفي فاس منطقه جميله جدا انا ارتاح فيها تشوف فاس كامله اللي عند فندق المرينيين ولا تدخل الفندق جنيه آثار قديمه افرش هناك وضبط البراد وعيش يا صاحبي واذا امكن خلي معاك ترمس الشاهي وعبيه من اقرب قهوى
هذا وسلامتك والمتابعين

4 أيام طنجه 2 يومين تطوان 4 أيام شفشاون واذا ارتحت في أي مدينه زود يوم ولا اثنين
بالنسبه للسكن شوري لك بطنجه hotel Leo Rio بتلقها في booking شقق فندقية 5 نجوم وسعرها ممتاز لا تسئلني عن الضيوف اخوك ماله بالسوالف هذي
وبتطوان عن طريق booking وبشفشاون فندق برادور والباقي بيوت ضيافه كلها موجوده في booking
واتمنى لك رحله سعيده

الف شكر يالغالي على هذي المعلومات القيمه حمستنا للشمال بزياده الله يسعد قلبك

:maroc (1197): ياخي والله مدري وش اقول لك لو تكون مرشد سياحي معي اكون شاكر لك هههههههههه الله يوفقك وسيتم حفظ ردك لما فيه من معلومات عن الشمال بشكل عااام الله يسعدك دنيا واخره

الله يسعد ايامك جدول رحله ممتاز :morocco_5 (163):

بالنسبه للضيوف مالي فيهم هالمره ابي اتجول بالمغرب الحبيب :)

الله يسعدك يا صاحبي ويمتعنا ويمتعك بمغربنا الجميل ولا تنسى الترمس اهم شي

كفيت ووفيت اخ عبدالله بعد اللي قلته مافي زيادة الى
مرينا سمير يبغالها يوم وفي المساء تروح للمضيق :maroc (921): وتمشى على رجلك ولاتنسى تعشى في الطازج حقنا تراه فاتح فرع هناك

__________________
توقيعك ملكك متى ماوضعته على الورق اصبح ملك غيرك