|
الحمد لله على السلامه ومتابعينك اخوي منكم نستفيد
|
اليوم الخامس
صحينا من النوم وافطرنا ولقيت لصاحبي ابو خالد مكالمه اللى ساكن بحي الرياض واللى موعدنا معاه اليوم نسهر عندهم بفلتهم دقيت عليه يقول لا زم تجون تتعشون وتسهرون قلنا بنجيكم سهره الساعه 9 بنكون عندكم والعشاء بنتعشى هنا بالشقه فرفض كثر الله خيره يقول كل شئ رتبته وتعالو بدري من الساعه 5 قلت يا ابو خالد نجيب ضيوف معنا قال لا ضيوفكم تحصلونهم قدامكم انا بضبطكم قلنا اوكيه قلت ارسل الاحداثية للفله وارسلها قلت موعدنا الساعه 5 عندكم نجيب عصيرنا قال يكون افضل علشان ما ينقص شئ او نتعلق ويا شين التعليقه .... جاء نفسنا في سمك غداء وكانت الوجهه مطعم العائلة على شاطئ سلا هذا المطعم مشهورررر جدااااااااااا عند المغاربه والسبب اولا الموقع على البحر والسمك طازج واسعاره رخيصه جداا وسبحان الرازق المطاعم اللى جنبه فاضيه وهو فل ما تحصل مكان فاضي وزحمه وشغل مرتب طلبنا صحن مشكل كبير فيه ربيان وسمك واثنين طاجن سمك وحاسبنا تقريبا 120 درهم وبقي كمان صراحه صاحبي انجن على لذه الاكل والرخص رجعنا الشقه واتاي ونمنا شوي وقمنا تجهزنا وشغلنا الموتر على الساعه 4.30 وعلى حي الرياض وصلنا حول الفله ودقيت وطلع لي العساس ودخلنا الفله يا سلام جلسه قدام الفله على المسبح خياليه سلمنا على الشباب وجلسنا بالحديقة وقهوه وتمر وعلوم رجال صلبنا في الحديقه ودخلنا جوه الفله كان برد صراحه الفله فيها اربع غرف نوم بحمامات وفيها صالون ومطبخ وديسكو اسفل فله خياليه مع شغالتين وسواق جو الضيوف ياهلا والله حنا مستحين من اصحابنا وتصافينا على قرعه وانت وحظك عموما تعشينا ذبيحه بالفرن يا شيخ بلا مندي بلا خرابيط شئ خيالي وبعد العشاء نزلنا اسفل الديسكو مكان مراتب واضائات حلوه وكنبات وسماعات ترج مخك من قوتها وكانت سهره ممتعه واعتبرها افضل السهرات نسيت اقول انعزم طبعا صاحب الفله اسمه عزيز وصراحه دخلت فيه بقوه وتعرفت عليه انسان محترم جدا وواصل مرره سهرنا الى السعه 6 الصباح وما حسينا بالوقت الفله متعاونه مع تاكسي لان اسماعيل مانع ان احد يجي ويخرج ينتظر تاكسي بالشارع ارسلنا ضيوفنا ولحقناهم بالسياره وافطرنا بالشقه ونمنا طبعاً الفله فخمه وجديده تقريبا لها 4 سنوات ومكانها جميل ما حولك جيران ولا كشف وفيها عزل خيالي طلعت فوق للحمام اكرمكم الله ما سمعت صوت الاغاني من قوه العزل يقول صاحبي سعرها 3000 درهم لكن تستاهل بصراحه حسيت انا وصاحبي اننا مظلومين في الشقة كلمت اسماعيل قلت بستاجرها منك الفتره القادمه قال عطني رقمك اخزنه لان اي شخص مو مخزن رقمه عندى ما راح اجر له لانه قال الفله خاصه لي والزبناء ديالي يكفوني قلت سجلني زبون وراني صورة اثنين من لاعبين كرة القدم المشهورين من السعوديه في جواله متصور معهم بالفله عموما قلت اهم شئ اذا كلمتك رد وراعنا قال اذا انتو اثنين بعطيكم ب 2000 فقط شغاله واحده وتستخدمو غرفتين فقط وتتقيدو بالتعليمات ممنوع احد يجيكم بتاكسي اذا تبغو تجيبو احد عن طريقكم فيه تاكسي خاص نتعامل معاه قلت صافي عموما انتهى هذا اليوم واي استفسار حاضر |
واصل تايقر التقرير حلو ومتابعك لي سفره عن قريب انشاء الله بكون وحداني تنصحني بالرباط
|
اقتباس:
|
تقرير احلى عشر ليالي في الرباط
رووووووعه اكمل يا بطل
|
تقرير واااو تفصيل ومفيد هذي التقارير اللى بحاجتها في منتدنا .. بصراحة دخلت فكرة زيارة الرباط.. واصل يانمر متابعك وبقووووة يسعدك ربي
|
ياسلام عليك
متابع يابطل تقرير واعر بالزاف |
الرباط محرومة من تقارير قوية مثل تقريرك
تفاصيل وأسماء وأسعار ومعلومات مشوقة وواضحة وهذا اللي يبحث عنه كل مسافر للرباط |
احداثية مطعم العائلة للسمك في شاطئ سلا
سجل هذه الاحداثيه في قوقل ماب والسمك اللى عنده مقلي فقط 8C6M354J+W6 واذا تريد سمك مشوي فرش فيه موقع مشهور وزحمه جدا في الاجازات واسعاره رخيصه جدا ومعروف عند اهل الرباط تشترى السمك فرش من اللى يبيعون وبجنبهم كشكات وتختار بهاراتك وشوي على الفحم وموقعه على شاطى سلا الرملي وهذه احداثيته في قوقل ماب 8C6M25Q9+H3 واشكركم على تشجيعي وما ادري ليه ما فيه اهتمام بالرباط معنى الرباط فرش في كل شئ وانا حرصت ذكر الاماكن المشهوره واللى يقول الرباط مافيها شئ ما يعرف شئ انا اقول لكن الفرق بين صرفيه الرباط ومراكش 7000 ريال للشخص بعد التجربة وفي المقابل الرباط نظيفه من كل النواحي وسا اتكلم عن الشواطئ الحلوه للسباحه والتنزه معنى اني ما رحتها في سفريتي لاخيره لان الجو كان برد . |
تقرير مميز يالغالي
سجلني من المتابعين |
| الساعة الآن 03:32 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط