هُنا يومياتي فالمغرب ..

حياك ويحفظك ..

عطونا اسامي مقهى او كوفي في مراكش يكون فيه مباريات الدوري السعودي اليوم الزعيم يلعب ولازم نشوف المباره ..

عندك الديوان والمقهى اللي جنب وناسه واحتمال تكون شغاله في الييت اذا مافيه مباره بنفس الوقت بالدوري الاوربي
وكذلك المطعم الخليجي في قيليز
وان شاء الله فوز النصر العالمي

ماقصرت الف شكر ..
الوعد الليله ان شاء الله بناكلكم

البارح زرت مقهى شيشه وبار في فندق سوفتيل صراحه مكان جداً راقي ولعشاق الهدوء والروقان وخدمتهم ممتازه اسعاره شوي غاليه بس يستاهل انصح فيه لعشاق الهدوء صاحبي عطاه ٩/١٠ انا ١٠/١٠ وجبة الفطور في كوفي لونتري في شارع محمد السادس جيد نوعاً ما واسعاره فاالمعقول

مقهى سوفتيل ..




فطورنا في الكوفي ..

عندك مقهى الف ليلة و ليلة و سكاي ارماني و في اكاسيا جنب كاش اذكر فيها بين سبورت بس ام بي سي برو ماني متذكر

مشكور طلو ..
لاهنت ..

أولاً مبروك فوز الزعيم، رغم أني لازعيمي ولا عالمي، لكن يستاهل الأزرق

تقرير جميل ومميز ومفيد، شكراً لك على التفاصيل التي يحتاجها المزاعيط

ولاتنسى القبوع الفاتح

مسائكم ورد ..
ياهلا بالجميع نورتو الطرح ..
امس رحنا مطعم البهجه الخليجي تغدينا فيه نفر لحم ونص دجاحه مشوي واحد سفن المطعم اكله مش بطال لاكن اسعاره مبالغ فيها وكاتبين فالمنيوم سعر وفي الفاتوره سعر قلت ليش التناقض فالسعر قالو المنيوم قديم قلت طيب غيروه واكتبو الاسعار الجديده عشان تكونون واضحين مع الزباين كل وجبه زايدين ١٠ درهم مو مشكلة الفلوس بس الاستغفال مايصلح حاسبنا ب ٣٣٥ درهم وبعدها رحنا وناسه جنب المطعم جلسنا بنتابع المباره التلفزيون يقطع يشتغل دقيقه ويطفي ٥ دقايق جانا المباشر قال الطاوله ب ١٠٠٠ درهم قلت ايش قلت لخويي مشينا مشينا ال ١٠٠٠ درهم ع تلفزيون يقطع ومكان كتمه وتابعت المباره فالجوال ومبروك الفوز لبنو هلاال وطلعنا للمرجان وتقضينا كذا غرض واتجهنا للمنار مول كان المكان عامر بالزاف تمشينا فيه وجلسنا في كوفي عند النافوره اخذنا شاهي احمر وكيك وقهوه تركي ومويه ب ١١٢ درهم جلسنا فيه للساعه ١٢ فالليل ورجعنا الشقه ونمنا