هُنا يومياتي فالمغرب ..

سلام عليكم ورحمة الله وبركاته مسائكم خير وسعاده ..
االرباط اجلتها لبكره ان شاء الله عزموني الشباب في مطعم شوي بتطوان ورحت معاهم ..
اليوم صحينا الساعه ١٠ ونص الصباح رحنا للبنوراما افطرنا الحمد الله خليع ورغايف واتاي وقهوه نص نص ٥ اشخاص حاسبنا ب ٢٢٥ درهم وطلعنا سيارتين كانت جولتنا على ..

منطقة القصر الصغير
ميناء طنجه المتوسط
الفنيدق دخلنا وسط البلد مرينا سوق المسيره اخذنا معنا حلا يدفع البلا مرينا الكورنيش ع طريقنا
المضيق اكثر الي فيها شاليهات وفنادق ..
منطقة مرتيل وقفنا في مقهى اسمه شط الشمال مقابل الشاطي تقهوينا اتاي جلسنا فيه ساعه ريحنا دقينا سلف ع تطوان تمشينا في وسط البلد صراحه تطوان مدينه جداً رائعه طلعنا خارج تطوان لمطعم الشباب الي عازميني فيه مطعم شوي اسمه النزهة الذبايح معلقه يقطع من الذبيحه ويشوي طلبنا نص كيلو كفته ونص كيلو شيش طاوق وربع كيلو ريش وكباب وسلطات و 5 عصير سبرايت تغدينا الحمد الله المطعم اكله لذيذ ونظيف وخدمتهم ممتازه حاسبنا ب ٣٨٠ درهم ومشينا ع طنجه ..