تحذيرات عن تجربه في كازا

ان سلم رأسك وسلم منك راس غيرك فاالبواقي تهون
الحمدلله ياراعي الموضوع ما جاك شي وصحتك بخير ولا صدمت احد ولادعست نفس
السيارات وحوادثها وخسائرها تهون اذا مافيهاخساير ارواح وأنفس وإصابات خطيرة

انا والله مره سافرت على سيارتي لدولة خليجيه ووقت مطر وانحرفت السيارة وارتطمت بعامود كاميرات الرادار العملاق وانخلع من مكانه وتقطعت اسلاكة من الارض ساهر وتكسر العامود وتكسرت الكاميرات وقيمته 250000 ريال ومن سوء الحظ التأمين كان منتهي لانه أسبوعين ولكن هربت للفندق والمرور والشرطة ماشافوا شي
والصبح اخذ تاكسي واروح لمكتب التأمين وأعطيهم الاستمارة والرخصة والتأمين المنتهي واطلب تجديدة وأخذه منهم
وأروح لمقر الحادث وابلغ المرور ويجي ويكتب تقرير ان الحادث صار الصبح الساعة 10:30 صباحاً بعد تجديد التأمين بساعتين ويرسلني لمكتب المرور ويعطوني خطاب أسلمه لهيئة الأشغال العامه ومعه التأمين ولكن مااعطوني ورقة إصلاح السيارة المرور حتى انهي قضية الرادار وأروح للفندق وأخذ سيارتي وأروح لصناعيه وأكلم هندي سمكري وصلحها بدون ورقة إصلاح أعطيته صورة من تقرير الحادث المرور ومشت وصلحتها في ثلاثه ايّام وأخذها للمنفذ واركبها في سطحه للمدينه المنورة وارجع مِن المنفذ للمطار واسلم الفندق وعلى المطار وأركب الطيارة للمدينه
ولليوم محد سال عني ومع الخلاف الأخير راحت المشكلة وديرتها خارج الخريطة وسلامتكم

__________________
ليت لي من عناء البعد راحه
يابهجة الخاطر وكثر الأمنيات