((اتبع النقاط التالية وانضم لعالم المثقفين))

دابا دابا · 2011-05-18T17:11:42+00:00

[COLOR="DarkRed"][SIZE="5"]((اتبع النقاط التالية وانضم لعالم المثقفين)) 1 امحط اللحية و الشنب . 2 إذا سألك أحد من تسمع له قل لفيروز وشاديه حتى لو انك ماتسمع إلا لمزعل وسعد جمعة . 3 إذا قالوا لك من شاعرك المفضل قل محمود درويش و ادونيس حتى لو انك ما تقرأ إلا لضيدان بن قضعان وسعد بن جدلان . 4 ابتعد عن المباشرة في الكلام واعمد إلى " التفعيط " و " التمطيط " وبدل ما تقول "في البداية " قل : " بادئ ذي بدء " وبدل ما تقول "وهذا يدل على " قل : " وهذا إن دل < /SPAN> فإنما يدل على " ... لا تقعد تقول صعبة ومشوار ومدري إيش لازم تصبر وتتحمل ...ترى الثقافة مهيب سهلة !!!!.. 5 إذا كتبت مقالاً فلازم تطعمه ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية والديماغوجية والميكافيلية " ولاهوب لازم تحطها وأنت تكتب المقال لا... إذا قضى الأمر أبد لزهن فيه كلمة منا وكلمة مناك الين يقضن "" إن ما كتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه ألف موسوعة ""؛ وانتبه تقول : "الرأسمالية و الأشتراكيه والقومية " ترى ذي الكلمات حقت مثقفين منول .. أما الحين ما عاد يوكلن عيش. 6 كثر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . التيوقراطيه ". وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف ما في احد يبي يسألك ويقول وش معنى ذا الكلمة عشان ماينكشف " جهله " ويدرون الناس انه مهوب مثقف. 7 خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا روايه . 8 انتبه انك تؤرخ بالهجري حتى لو كان هو تاريخ المسلمين ترى المثقفين مايؤرخون إلا بالميلادي ويفضل بعد انك إذا كتبت قصيده حداثيه تكتب الشهر كتابه مهوب رقم زي كذا " حزيران 2007 " أما ذا الشهر حق مثقفين بقوه وينصح بعد انك تحط تحت التاريخ أي عاصمة أوربيه " لندن , جنيف , باريس " حتى لو انك كاتب القصيدة في حريملاء وإلا شقراء. 9 إذا جاء معك مقابله في التلفزيون " حش" في الشعر الشعبي وشرشحه حتى لو انك تحبه وقل انه شعر البسطاء والعامة و الدهماء وانه معول من معاول هدم اللغة ولابد من إعلان الحرب عليه دون هوادة !!! 10 إذا سألك احد وش الجرايد اللي تقراهن انتبه تقول له عكاظ والا الرياض !! عشان مايدري انك قروي , لا.. وقل الحياة والشرق الأوسط والاقتصادية حتى لو انك مابعد شفتهن على الطبيعة ..بس لزوم الثقافة. 11 إذا قال لك احد وش الأجواء اللي تجد فيها نفسك , لاتفضحنا وتقول إذا جلست مع أهلي والا إذا طلعت للبر والا إذا صرت اضبب !! لاياحبيبي , قل له أنا تأسرني الليالي البيروتيه المقمرة وخصوصا في فصل الخريف حتى لو انك ما تفرق بين الخريف و" المربعانيه ". 12 حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك انك من كبار المثقفين. 13 لا تجيب طاري الخميس والجمعة ، بل حاول تقول الويكند ، ولا تقول الشهر الماضي بل قل لست مونث ، عشان يقولون واااااو لغته رااااقية خخخخ. 14 إياك وعلي الطنطاوي أو غيره من الأدباء أو الكتاب اللي مثله ، بل استبدله بأدونيس ، أو أينشتاين ، وشرواهم " شرواك الطيب" كذا بتكون مثقف 100%[/SIZE][/COLOR]

صفحة 3 من 3

دابا دابا

توحشتك وكنموت عليك

المشاركات: 360

تاريخ التسجيل: Apr 2011

الدولة: الرياض Ksa

العمر: 50

2011-05-22, 09:20 AM

المشاركه #21

رد: ((اتبع النقاط التالية وانضم لعالم المثقفين))

اقتباس:

المشاركة الأصلية كتبت بواسطة مخاوي الشنطه

موضوعك اعجبني
انت شخصت حالت شريحه كبيره من شريحة المثقفين وانا اشوف انهم بصراحه عندهم حالات نفسيه صعبه
وتحس انهم عايشين في عالم اخر غير عالمنا الله يعينهم على انفسهم
واصل بمواضيعك الرائع متابع وبقوه لكتاباتك

يخليك ربي .......... :Abu Ahmed (469):

__________________

مرهفة الاحساس

مزعوط خبير

المشاركات: 5,026

تاريخ التسجيل: Mar 2011

الدولة: ^^

2011-05-22, 09:21 AM

المشاركه #22

رد: ((اتبع النقاط التالية وانضم لعالم المثقفين))

الخنبقراطيه وبسسسسسسسسسس

__________________
ۋقفِتيُ [مِثل] الشجَر [امِۋۋت] بَسُ ، مَاطِيحُ

دابا دابا

توحشتك وكنموت عليك

المشاركات: 360

تاريخ التسجيل: Apr 2011

الدولة: الرياض Ksa

العمر: 50

2011-05-24, 10:57 AM

المشاركه #23

رد: ((اتبع النقاط التالية وانضم لعالم المثقفين))

اقتباس:

المشاركة الأصلية كتبت بواسطة مرهفة الاحساس

الخنبقراطيه وبسسسسسسسسسس

هههههههههههههههههه فيه وحده احلا منها

................... الهدرهققراطيه ...................

__________________

صفحة 3 من 3

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: ((اتبع النقاط التالية وانضم لعالم المثقفين))
الموضوع	آخر مشاركة
كرماً افيدوني على الإستفسارات التالية	2017-05-29 03:34 PM
أبي مساعدتكم في بعض النقاط يامزاعيط	2016-02-20 04:02 PM
هل يسمح بدخول الضيوف في الأماكن التالية	2015-07-06 07:17 AM
الى مراكش .. ومحتاج اعرف بعض النقاط	2014-11-20 04:13 PM
حياة نملة: 30 صورة مذهلة لعالم النمل!!!	2012-06-19 05:27 PM

الساعة الآن 05:04 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

((اتبع النقاط التالية وانضم لعالم المثقفين))

روابط سريعه