جييييييييتكم من مراكش واليكم التفاصيل

توي جاي من شهر تقريبا بس مافضيت اكتب الموضوع الا الحين

الزبدة الرحلة كانت لمراكش 10 ايام السكن في الروز قاردن وتوي قريت موضوع لشخص ماعجبه السكن واوفقه في بعض الاشياء

طبعا هذي مو اول مرة اسكن فيه وكل مرة اتمقلب لكن هذي الحمدلله كل شي تمام سبب رجعتي لاني كلمت صاحب الحجز واشترطت عليه بعض الاشياء وجتني بالملي والحمدلله كانت رحلة موفقة اخذت راحتي ع الاخر

نجي للسلبيات لا يخلو اي سكن من سلبيات في المغرب او غيره وتتخطاها في الرحلة القادمة

اول شي وجود حشرات بشكل مقرف في الفلة طبعا الفلة 3 غرف من الفلل الجديدة وحلوة نوعا ما وهذا شي طبيعي انت تقريبا بموقع شبه مزرعة وشي طبيعي تواجد الحشرات

اطلب منهم قبل الحجز يرشو الفيلا بمبيدات حشرية اللي على شكل مسحوق مافيها ريحة ولا شي وانا زيادة طقيت لي فليت لين بغيت اسهر برا سبحت الفلة وكتمتها لين رجعت افتح الشباك وصافي امورك هانية وشيك على الفيلا من اول يوم لاني شفت فيه حرق بالكنب ونسيت اخبرهم والحمدلله عدت بسلام

بس الشي هذا لازم هم اللي يحرصو عليه مو المستاجر وهذا تقدر تقول انهاا منهم

الشي الثاني يلازمهم كثرة اضاءات في الممرات لاني تعبت من الظلمة واضاءات قليلة واغلها عطلانة مدري كيف بتمشي لازم كشاف جوالك

الشي الثالث ياخي ابي اعرف مين اللي يختار النباتات ؟؟ في احد يزرع اشوااك

وين الجمال في الموضوع اشوااك ياناس لو طحت عليها وانت فاقد يمكن ترجع بتابوت

الحل ازالتها وحط ياخي ازرع ورود اشكال جميلة مب اشواك وصبار وماصبار ما ادري وش اسمها بس الزبدة كلها اشواك مالها اي جمال ولا ريحة حلوة ولا اي شي بس قروشة ع الفاضي

الشي الرابع ياخي الاغاني ع المسبح ترا مو لازم اعلى شي الواحد مايقدر يسولف مع اللي جنبه قصر الصوت الجو عليل وروقان مو كلشي ازعاج في ازعاج لو في الدسكو اقولك اوكي خذ راحتك بالصوت لانه دسكو بس ع المسبح جو رايق شوي بلاش ازعاج وعاد من زين ذا اللي يغني صوت يجيب الهم لاتغني ياخوي حط ديجي وصافي هههههههه

نجي لاسعار الخدمات تطلب ثلج اليوم 30 بكرا 50 بعده 40 على حسب الزرفة وكلواحد يعطي من راسه
على حسب ضمير اللي جاب لك الثلج

نجي للايجابيات

لزوم تتفق مع طباخه وتجيب انت الاغراض بنفس وهيا نفسها بتكون معها البطاقة اللي تفتح كل الفلل تخش الفلة وانتو نايمين وتطبخ وتطلع تصحى تلقى الاكل جاهز وفيه كاميرات على الفلل الحين يعني لاتخاف امورك هانية وفي طباخه اسمها جمعه طبخها واعر بزاف

الشي الثاني الصوت والضيوف بالراحة و ع الاخر

الشي الثالث التنظيف اطلبهم يجون صح يتاخرو بس يجون دقو على نزهة المديرة ديالهم هيا تزبطكم عاد خلك كريم شوي لاتصير جلف ما اقول كل مرة يعني مرة او مرتين ولاهنا خسارة اعتبرها هدية

والحمدلله خرجت بدون اي ضريبة كسر وعنف كالعادة وان شالله دوم

طبعا وانت طالع خلك حاسب كل شي كم دفعت وكم باقي لاني بغيت اتجحفل من واحد اسمه عبدالرحيم الله يهديه اقوله باقي كذا يقول لا ويقعد يجيب الحاسبة ويضرب ويقسم ويعطيني مبلغ خرافي انا حاسب الباقي درهم ينطح درهم يعني لاتسوي ذيب

لين طفش وقال خلاص كم باقي ايوووه خلك رجال

وعطيته الباقي وعطاني الجوازات مع اني ماحب يخلوها عندهم بس اجبروني يلا وش اسوي وخرجت بسلام بدون وجع راس اول مرة يصير كذا وان شالله دوم


طبعا من جهة اخرى سهرت في كاش مرة وحدة وسهرت في الدسكو حقهم اللي فيه واحد مسوي نفسه خليجي وهو من جنبها بس سهرة كذا عن قولة تغيير جو

وكانت رحلة واعرة السلام خير ختام

وشلون اسوي cc للي اسمه روز قاردن هنا ابيه يقرا موضوع ضاروري

الحمدلله على السلامه
يطلبون كم يوم اقل شي على شان تاكد حجزك ؟

يومين تحول المبلغ بالويسترن كذا حجزك مضمون انشا الله

الله يعطيك العافيه

الحمدلله على سلامتك . ورحلة موفقة ماشاء الله

__________________
دع اليأس وسافر واغربِ
واجتلي الحسن بأرض المغرب

اهلن سيكريت وحمدلله ع سلامتك

اتفق معك

بس بالنسبه للحشرات ياخي انا دافع مبالغ كبير متوقع ألقى منتجع نظيف ومجهز منيب فاضي اروح اشتري فليت وابخبخ الفيلا كل شوي

المفروض هذي من ادارة السكن تهتم بنطافة الفيلا من الحشرات

بعدين ماعطيتنا رايك بالمفارش والمخاد

والحمامات اللي مافيها لا مناشف طبعا مستحيل انشف فيها جسمي بس علشان احطها على الأرضيه

بخصوص عبدالرحيم انا يوم جيت اسوي تشيك اوت قعد يحسب بالآلة وقالي انت عندك سيفتي بوكس ومضيع الكرت طالب كرت جديد

وانا ماطلبت لا سيفتي بوكس ولا طلبت كرت جديد

المشكله مسجلها بفاتورتي

بعد شد وأخذ معاه دفعت بس اليومين الي علي ومشيت

هلا وغلا لا اخفيك المفارش الثقيلة حقت الشتا حرررر يارجل ماكنك في فندق

والمخدات صح صغيرة ماتجي لمخدة الفندق بس قدرت انام بكل سلاسة وبالنسبة للحمامت صراحة يوميا اغير المناشف اكلم نزهة تجيب لي 3 مناشف وزي ماقلت ماهي للتنظيف ابد كلها جربانه هههههه بس حقت ارضية لانها رخام ومويه الحمام تدخل ع الغرفة يمكن تتزحلط هههههه حقت ارضية

السرير بشكل عام يبيله تغيير ابي سرير زي حق الفنادق بس ماش كنه حق معارض ابو كللب خشب وسليب هاي مش حالك ههههه ومسمين نفسهم منتجع يسمعون بها ههههههه هذولي سمهم شقق المعارض الثقبة شي زي كذا ويخب ههههههههه

منتجع انتهى عليه الزمن خلاص تشليح

الحمدالله على سلامتك اخوي

كلامك صحيح بخصوص الايجابيات تاخذ راحتك عالاخر

بس احرص عالفلل الجديدة اما الشقق كآبه وقديييييمه مرره

والله المخدات العب فيهم كورة ههههه اخذت مخدات جديدة تمشي الحال

عبدالرحيم هذا نصااااب كبير يسجل اشياء ماهي لك فيه غيرك يدفع ومايدري وتمشي عليهم حاط علي سماعات وليزر واساساً مااخذتهم ههههه

بصراحه ماسكنت بالروز وكثير اسمع اخوياي مايمدحونه

1- صوت الاغاني على المسيح وازعاج
2- اثاث قديم
3- تعاملهم شوي ناشف
4- الاسعار على المزاج وعيني عينك

اتفق معك انا جاي منتجع او فندق اهم ماعندي النظافه والسرير المريح

كنت مطفي النور قبل واسكن بالنخيل وكنت احيب كل شي معي مخدات ومفارش

طفشت وسكنت باوتيل صاحب ديسكو معروف وريحت راسي

والى الحين مافيه منتجع زي العالم والناس نظيف وتعامل راقي وفخم
مافيه الا فلل خاصه بس للاسف تكون اقل شي 4 غرف

وعندي ملاحظه على الزكرت الله يهديهم فيه ناس تروح للمغرب مطفيه النور وتسبب مشاكل وحركات هيلق عشان كذا الجماعه مستهترين فينا وماجابو خبر