زعطتي الثانيه للمغرب بأختصار وبعض الاحداث التي واجهتني

ارسنال · 2017-04-25T16:33:49+00:00

سلام عليكم .. صباح / مساء .. الخ ـــــــير على جميع المزاعيط في هالموضوع راح اكتب لكم عن رحلتي الثانيه الى المغرب وبسرد لكم الاحداث وبإختصار السكن السياره السهر الامكان الي زرتها بعض المشاكل الي واجهتها بداية رحلتي كامله انا وصاحبي كانت 22 يوم مقسمه مابين اوربا والمغرب طبعا انا كنت بفرنسا واسبانيا لمدة 8 ايام وبقية المده كانت بالمغرب 13 يوم طلعت من مطار شارل ديغول بفرنسا الى مطار كازا عن طريق الخطوط المغربية سعر التذاكر للشخص الواحد 900 ريال هبطنا بمطار كازا وماكان فيه زحمه ودخلنا وكالعاده سالني كم سؤال وطلبني فلوس شاف مافيه امل اني اعطيه قال ارجع عبي ورقة الدخول وتعالني مره ثانيه كلمته بكل ادب قلت المعلومات كامله وكاتبها بالانجليزي قال لا فيه فراغ ماعبيته عبيه وارجع اكتبها من جديد مزق الورقه وعطاني ورقه جديده ورجعني لاخر الصف قلت عطني قلم قال ماعندي غير واحد دبر راسك سكت مابي مشاكل اخذت قلم من مسافر و عبيتها من جديد ووصل دوري ورجعوني عنده دخلت قام يتكلم علي انه انت ماتعرف النظام وانت انسان المفروض تعبيها كلها وهذا يدل على جهلك وانت متعلم ومش امي جاهل ويرفع صوته ومادري وش عاد انا ارتفع ظغطي منه خلاص مليت وأقدح عليه واتكلم عليه طلع من مكانه وقام ينفخ وجاء سوبر فايزر عندهم ومسكني واخذني المهم انه قام يسال وعلمته بالسالفه كلها اخذ جوازي واخروني يمكن 10 دقائق اخر شيءراح ورجع وختم وجوازي وقال صافي توكل نزلت حصلت صاحبي ينتظرني وندور الشناط ماحصلته لفيت لفيت لفيت ماحصلته عطيت الورقه واحد وقلت طلع الشناط قال المعتمرين جو وزحمه 200 درهم قلت 100 وبسرعه خلال 5 دقائق وهي عندي المهم .. نزلت وفاء كاش حولت الفلوس وايدعتها بحسابي وعطيت المكتب حق السياره وطلعت حصلت السواق ينتظرني وعلى عين ذياب استاجرت ليله بالسويس ريحت يوم وسهرت بالبلاك هاوس واليوم الثاني ع مرااااااكش .. هاذي احداث اليوم الاول مرااكش ومادراك مراكش .. حركنا ع مراكش طبعا حاجز بالروز 10 أيام طبعا سكنت فيه المره الماضيه وسكنت في هالمره فيلا شخصين 2500 ريال وتهاوشت معهم المره الماضيه كانت الـ 2500 شامله الشغاله الحين لا السكن لحاله والشغاله لحاله وماخبروني الصدق انهم خموني ماعلموني حتى لما سجلت دخول ولا علموني يوم حجزت يوم صرت بطلع قالو عليك حق الشغاله عموما الروز للأمانه انا الي مريحني فيه الحريه التامه الي فيه وماحد يضايقك او يتعرض لك صح انه مخيس وقديم وكله حشرات بس الحريه الي فيه تشفع له بالنسبه لي انا عموما اخذت الفيلا يعني لا باس بها نظيفه التنظيف كان كل يوم اتصل عليهم يجون الشغاله جتني وعطتني الاغراض ارسلت السواق جابها وطباخه ممتازه جدا وطبخها عال العال ونظيفه ووميزه طبعا نظامي بمراكش كان كله سهر بسهر نوم مافيه ساعتين ثلاث ساعات اربع ساعات واصحى انا وصاحبي طبعا يوميا نسهر بديسكو سهرنا بـ w مرتين وسهرنا بـk ست مرات وسهرنا بـ 555 مرتين ونكمل بالفيلا طبعا الحجز طبعا w كنت احجز طاوله فيه بـ 2000 السنه الماضيه ومكانها حلو الان اقل طاوله تحت بــ 4000 درهم وفوق اقل طاوله بـ 2500 اخر شيء بعد وزحمممممه مووووووت البيست فل وماتقدر تتحرك جوه حلو بس زحمه واذا تبي طاوله لازم تحجز الساعه 4 الفجر واستغلال فظيع وعماد وفطوم حقة الحجز كل واحد اكذب من الثاني بالنسبه لــ k ماسكه دي جي كويتي الطاولات اسعرها يعني معقوله 4 أشخاص 2500 او 1800 يعني على حسب عدد الاشخاص جوه بطل للأمانه وحل بديل ومناسب للي مايحصل حجز بـ w تربل فايف عاد غربي وممتاز وانا احبه لاني احب الغربي طبعا صارت لي مشكله وهي ضياع بطاقة الصرافه وتقروشت قروشه مالها اول ولا تالي لا اقدر اسحب ولا عندي فلوس وحوسه للاخر أخذت السواق وعلى فرع وفاء كاش في مراكش وجيت عندهم قلت ابغى اسحب فلوسي كامله ماعلمتهم ان الكرت ضاع قالو لا مانقدر قلت ليش قالو هذا النظام تبغى تسحب لك حد معين تسحبه في اليوم اخر شيء علمتهم قالو لازم تراجع الشرطه وتوقع الورقه وتختمها من عندهم وتجيبها لنا عطوني ورقة ضياع واخذتها ورحت مركز شرطه قالو لا مانسويها لك لازم تسويها في مقاطعة المنطقه الي انت ساكن فيها يعني اقرب مركز شرطه للروز طلعت من عندهم وانا العنهم ورحنا ندور على المقاطعه التابع لها الروز في منطقة سيدي ابراهيم وبعد حوسه وبحث ودوران وسؤوال حصلنا هالمركز دخلت وعطيتهم الورقه والباسورد قالو اثبت لنا انك ساكن بالروز يعني يبون العقد وبعد محاولات وقعوها وختموها وحطو عليها طابع كذا صغير واخذتها وع البنك قالو لازم نفتح لك حساب جديد برسوم جديده ببطاقه جديده تعالنا بعد 3 ساعات قلت صبر جميل والله المستعان اوكي ورجعت بعد 3 ساعات واخذت الصرافه ومشيت تقريبا هذا كل شيء بمراكش بعد 10 ايام من السهر والصخب والوناسه قررت احرك على منتجع مزكان واخذت لي يومين فيه أستجمام واريح شوي وانام حجزت يومين في سويت بـ 7000 درهم شامل الإفطار وحركنا من مراكش وع ازمور المنطقه الي يتواجد بها المنتجع للأمانه منتجع واعر واعر واعر جدا وصلت وسجلت الدخول وعطوني سويت مطل ع المحيط ومنظر جممميل جدا وساحر طبعا فيه مطاعم فيه مقاهي في سبا في فعاليات وايفنتات واكتفتي دبابات وجت سكاي وخيول وكوره يعني منتجع متكامل المطاعم في مطعم مغربي مميز جدا اسمه مرجان بس لازم حجز فيه اكلهم خورافي وفيه كم مطعم انترناشونيال فرنسي ع اسباني ع اسيوي يعني مجموعة مطاعم عالميه طبعا الاسعار غاليه ونار يعني شخصين يمكن تاكلون وجبه بــ 700 درهم هذا اقل شيء ولازم حجز بالمطاعم او السبا كل شيء بحجز تتصل وتحجز بالنسبه للنايت كلوب تبع المنتجع فهو خايس جدا خايس لابعد الحدود اول شيء دي جي فاشل ثاني شيء شبه فاضي بعد يومين من الراحه والأستجمام سجلت خروج لانه عندي طياره بنفس اليوم قررت اخذ لي جوله على مدينة الجديده مريت الجديده وسيدي بو زيد وافطرت فيها فيها ومريت السوق تبعهم اخذت لي كم هديه وعلى كازا وع المطار سلمنا السياره ودخلت المطار وبدانا بمسلسل الشحاذه وطلب الفلوس من الي يشيل الشنط الى الشرطه الى المفتشين الى حقين الجمارك الى حقين الجوازات الى حتى عمال وعاملات النظافه وياقلب لا تحزن هاذي احداث رحلتي باخصتار ودمتم بود

kojar2015

مزعوط قدير

المشاركات: 210

تاريخ التسجيل: Jul 2014

2017-04-26, 12:30 AM

المشاركه #6

زعطتي الثانيه للمغرب بأختصار وبعض الاحداث التي واجهتني

اقتباس:

المشاركة الأصلية كتبت بواسطة Ibn aawa

طيب ايش الحل مع المعامله السيئه والاستغلال خلاص نسلم ونرضي بالحاصل
مافي حل ولا نهايه ولا حد لمسلسل الاستغلال وسوء المعامله
شي يخليك تكره تسافر للمغرب
الله يعين. ......

الحل بسيط جداً ،،، هي أشياء تعملها فقط :

1- احترام نظام الدولة ،،، ومعرفة الحقوق والواجبات.

2- النفس الطويل (( والطويل جداً )) مع فئات الاستغلال ،،، اذا لم تكن مخطأ طبعاً ،،، وأظهر لهم معرفتك بالنظام وطلب السفارة في حال التمادي .

3- إجعل جميع حجوزاتك موثقة .

4- عدم الخوف والخضوع للمبتزين ،،، وبالذات الفاسدين من رجال الامن (( وهم أقلية وتجدهم في أماكن السياح فقط ))

المواضيع المتشابهه للموضوع: زعطتي الثانيه للمغرب بأختصار وبعض الاحداث التي واجهتني
الموضوع	آخر مشاركة
زيارتي الثانيه للمغرب ومحتار والله ..	2021-01-30 03:12 PM
الرحلة التي اعادت لي الزعطة للمغرب	2021-01-29 10:46 PM
من طنجة احدثكم .. وبعض الاحداث والملاحظات .. تعالو هنا	2019-05-10 01:55 AM
بأختصار معلومات مفيده عن أغادير	2016-01-11 09:37 AM
مسافر للمغرب وبعض الاستفسارات	2012-09-11 08:43 AM