فطومه في مدينة الرياح ( الصويرة موكادور )
مستعجله على عمري ....
بس ترا ذاكرتي ضعيييفه والمصداقيه والشفافيه شعاري لهيك حبيت اسدح اللي صادفت قبل انسى الاحداث
اليوم الثاني: صحيت على صوت المنبه حاطته ساعه ثمانيه وشوي لانه عندي موعد مع لكواد ضبطته قبله ( لكواد تمشية ع الدباب بين المنحدرات وسط الرمال على الشط والغابه ) وصراحة لاول مرة بحياتي اسويه ولاول مرة اركب الدباب بس وعزته وجلالته لو ما كان الدباب ذو اربع عجلات ما كنت ركبته
المهم من صحاني المنبه ساعه ثمانيه وشوية قلت اروح ع شرفة البيسين ( العالم صاحية جالسه تفطر ) عل وعسى يطير النوم رغم اني شفت وجهي بالمرايا وشررررردت " عيووني حمررر لو مية قطرة ما راحت الحمرة منهم" من شفت حالي هيك رفعت الجوال وكلمت منسق الرحلات وأجلت موعدي لبعد ساعة تناعش وحده هييييك >>>> التوصيه تلعب دور ....
غفيت وبعدها صحيت ركض ع الدش غيرت وطلعت مسكت طريق الذيابات ( منطقه خارج عمران الصويره بس ما تبعد كيلومترين ثلاثه اربع المهم قرييبه ) ورحت لها من طريق فرعي قليل الي يعرفه ....وصلت على الفندق ملتقى عشاق هالنوع من الهواية مدري الرياضه > لاني بعدها حسيت عظامي تفككت من كثر التعب واخذت قهوة وانتظرت خالد راعي الدباب
لاااااااا وقبل ابتدي جننته لاني اول مره في حياتي اسوق دباب بس الشي اللي خلاني اصمل هو انه عنده اربع عجلات
علمني المدرب عليه وبسم الله بسرعه تعلمت واللي خلاه يستغرب مني اني قلت ابغى اتمشى بكيفي ولا احد يروح معي --- في هذا الوقت اجا ولد خالتي وجلس يتحدى يقول ما تقدرين -بس عشان يجنني لانه عارف طبعي اموووت بشي اسمه تحدي - قلت تعال اوريك شطارة بنت خالتك وطلعنا وبحكم اني معرف الطريق من الغابه للبحر كان هو دليلي - الله لا يوريكم وقفت قلبه بجي عند الهضاب واتردد واجلس افحط يمين شمال وهو يصارخ يقول خلي المقود انا بسوق .... وساعتها يزيد حماسي وادددددعس - مشيت ع التراب بين الشجر وع الرمل ولا والكارثه اني ماسكه الجوال واصوووور سنابات ولا علي منه ولا عن حالي انقلب ما انقلب آخر همي بس ولله الحمد كنت موفقه في التصوير ومو شهاده مني ابد لاني اعتبر حالي ولا شي بس هذي شهاده من شافو وي خوفي يكونو يجاملوني بس هههههههه( ترا بذبحكم بلا رحمه ولا شفقه)
سقت الدباب وما انكر كان فيني خوف بسبب المنحدرات ( خفت انقلب وتتكسر عظامي ساعتها منو يرجعني على مراكش لكن ي فرحتي باخذ اجازة كذا يوم ههههههه اللهم سترك وعافيتك ) بس كتمته وتحديت حالي وتحديت ولد خالتي اللي كانت ايده ع قلبه - يحق له راعي عيال رغم سنه الصغير - وكما جرت العاده بس شردت عن الناس والعالم جلست اصااارخ وهذي عادتي قدام البحر اساوي كذا ... جربوها ما راح تندمووون ابدددددددد وبتحسون براحة نفسيه وكمان الحبال الصوتيه راح تنبسط هههههههههه
و بعد التفحيط رجعنا وسلمنا الدباب وبعدها رجعت ع الفندق تروشت وشلت انواع الرمال والتراب مني ... لكن صراحة تجربه جديده تستحق العنا وباذن الله كلما اجيت ع الصويره راح اكررها
ع السرريع غيرت وطلعت للميناء كنت مشتهيه سردين مشوي ( اروع أكله عندي) اشتريته هو وسمكة مدري شسمها المهم بحكم اني بنت البحرررررررررررر بعرف اذا السمك جديد ولا له ليله ار ليلتين / السردين اخذته ب 15 درهم فقط والسمك ب 40 درررهم فقط اللهم لك الحمد على الرخص
بالعاده اخذ مقاضي غداي او عشاي واوديهم عند مطاعم شعبيه بالمدينه القديمه واطلب منهم يطبخونها ع الشي اللي ابغى وبثمن جد زهيد ما يزيد عن 40 او 50 درهم
لكن هالمره اشتهيت آكل وسط الميناء عند البحر والنورس والرياح
بعد خلصت أكلي والحمد لله على النعمه توجهت الى أزقة وأحياء المدينه القديمه اتمشى واسولف مع حالي ومع الجوال والله العظيم صح اتمشى لحالي لكن يجي ذاك الاحساس اللي الواحد يشعر كنه بين احبابه
لانه الصويره شي خيااال شي عجيب شي مقدر اوصفه بكلام مدري الناس تحس كذا مثلي ولا انا معطياها اكبر من حجمها ....
ولا ابد هذا اقل شي في حق هذي المدينه تخيلو لو الواحد يلبس خييشه ويتمشى فيها ماخد حوله وكلن ملتهي في حالو وكمان الاماكن العامه فيها / مطعم بار ديسكو ما يشترطون تلبس كعب او لبس قصير او رسمي عشان تدخل له ... هما متعودين وماشيين ع نهج الاجنبي وهشي راق لي جداااااااااااا لانه راحتي في لبس بسيط رياضي بعيدا عن طق طق طق حق الكعب ولا كاسيه عاريه ...
المهم بعد وصلت لباب دكاله وهي نقطه الانطلاق للمدينه القديمه و لكن و بما اني ابتديت التمشيه من آخرها إرتأيت ان ارجع لنقطه بدايتي بالتكسي ( تكاسيهم يودونك اي مكان بالنهار 6 دراهم واي مكان بالليل 7 مدري 8 دراهم ومن تعطيه لو عشر دراهم يرجع لك الباقي وانت وجودك وكرمك تعطيه اللي تبي) ويستاهلون لانه الطمع مو معميهم مو مثل حقين مراكش 200 ي سلااام لدرجة العالم صارت تشتكي من قلة التكاسي لانهم اغلبهم يفضلون العمل بالليل مع ناس الليل ....
ما عليينااااااااا
من وصلت كان بنيتي اروح ل taros جو ولا اروع وموقعه استراتيجي وجوه شي خيااال ورواده اجانب
طلعت فوق واتسنترت في موقع على كيف كيفي ويا حلاة جوه ( مطعم كوفي بار ) والله انه الواحد ما يحس فيه بالوقت وبالعاده يقهرني الملل اذا جلست بمكان اكثر من ساعه لكن هالمكان من ساعه خمسه تقريبا وانا فيه اليييين حداعش وشوي ولكم ان تتخيلو الطلبات طول هالوقت ( ما راح اقول وشنوع هالطلبات هههه)
المهم من كتبت الجزء الاول من تقريري الشبه مفصل اجاني جوال من اخوي وصديقي وابن ديرتي اسفي يقول عطني المسؤول اكلمه( شغال بالسياحه بعد) ... عطيته وقال له ي ويلك لو تاخذ منها ريال واحد (ودي اقول رضاة الوالدين بس ما ينفع ههه) وهاتك يا الدلع ومززه وبريوات ع كيف الكيف
احس اني سرحت وانطلقت في سيرة ذاتيه لهيك اكتفي بهذا القدر في سرد احداث اليوم والبعض عارفين التكمله ويا فديتهم والشكر موصول على دعمهم وحبهم ومساندتهم لمخلوقه فاهيه
2017-05-14, 07:00 AM
المواضيع المتشابهه للموضوع: فطومه في مدينة الرياح ( الصويرة موكادور )
العرض العادي
الدرهم المغربي مقابل عملات الخليج