اقتباس:
المشاركة الأصلية كتبت بواسطة M 2 j e D
هاذي مافيها كلام المغرب تستحق الزياره
اول شيء حط في بالك اذا انت رجال قلبك خضر وتخاف ع نفسك من التعلق و ع فلوسك لاتروح اذا انت من النوع هاذا راح تدمن ع المغرب وبتنسى مصر وشرق اسيا بتصير سردادي مردادي ع المغرب ..
ثاني شيء اذا جوك تمشيات وماتحب تستقر في مدينه معينه 26 يوم كافيه تلف المغرب كله انا جلست 18 يوم لفيت نص المغرب
البلد ماهي غاليه بالحيل اسعار المعيشه والسكن والتنقل ممتازه بس ابتعد عن الدسكوهات والمراقص لانه مايستهلك الميزانيه الا هي
افضلك تستاجر سياره عشان تنبسط وتشتري راحتك السواقه بسيطه وكل
شيء واضح امامك .
الميزاينة 20 الف ريال من غير التذاكر ان شاء الله تكفيك
حط مبلغ طواري 2000 الى 3000
ارشحلك المدن التاليه ..
مراكش 4 ايام : ابرز الاماكن السياحية
اوريكا / ساحة الفناء / قرية علي بالفلاح / قصر الباهية / حديقة ماجوريل
فاس ومكناس وافران 3 ايام اسكن في مكناس المناطق هاذي قريبه من بعض تروح وترجع في نفس اليوم
الشمال طنجه / تطوان/ شفشاون /الفنيدق / المضيق / القصر الصغير / مرتيل / اصيله / العرائش 7 ايام
اغادير والجنوب 7 ايام
الرباط يومين / كازا 3 ايام
موفق خير ..
هلا والله بالبداية قريت تقرير رحلتك وأستمتعت كثير
وجوك ٨٠٪ زي جوي وبخصوص القلب أبشرك مقفل ومضيع المفتاح
من أسباب أني بروح وحداني قروبي حق السفر جوة نوم بالنهار وسهر الليل
وبحكم بلد أزورة أول مرة أبي الحرية بدون قيود أدج مكان ما أبي
الميزانية ما حددت إلى الان والله لين أخذ فكرة كاملة عن البلد
منورني يا صاحبي ويعطيكم العافية