اقتباس:
المشاركة الأصلية كتبت بواسطة |مشعل|
السلام عليكم يا جماعه
بوص حضرتك،،،الموضوع من الاخر،،،اول مره اروح المغرب :D
راعي سفر وفريت واجد،،،بس هالمره نويت اشوف وش سالفه المغرب
اولا انا لحالي رايح لاغادير نهايه جولاي لين بدايه اوقست
جوي سهر وبحر ... وبعد فرفره على المواضيع جاز لي موضوع الطيور،،،ابي بروستد هههههههه
فيه كميه استفسارات واجد...بسدحها والي له علم يتنقا
- عشر ايام مدفوع السكن والطيران خالصين منه...ابي صرفيه اليوم الواحد كم تقريبا بالدرهم المغربي..من سهر واكل وشرب...ميزانيتي تقريبا صرفيه فقط...٢٠-٢٥ الف ريال سعودي.
- السكن اخترت انلاتنتك بالاس...وش وضع الضيوف فيه ؟ وهل هو سكن نظيف والا خرابيط؟
- الجوال والشريحه...يهمني جدا النت...بيكون معي الجوال السعودي للضروره وابي اطلع شريحه مغربيه ورقم مغربي
اي شركه اخذ؟ يهمني النت اكثر من المكالمات
- انا رايح على الخطوط المغربيه،،،وترانزيت كازا...بكازا لازم اطلع شنطتي والا استلمها باغادير على طول؟
- فيه اي اجرائات لازم اسويها بالمطار؟ من جمرك وجوازات؟ والا سعوديين ماعندنا مشكله؟
- صرف العمله وين افضل مكان هنا والا هناك والا بكازا ؟
- ما راح استاجر سياره،،،الي فهمته ان الديره صغيره والتكاسي بكل مكان،،،وخمسين درهم توديك لاخر مكان وميه درهم بالليل...صحيح هالكلام؟
- جوي بالسهر اجنبي اكثر من عربي...وبيجي كم يوم لازم اروح لحقين احلى تحيه هههه...وش افضل الاماكن النظيفه والراقيه حبتين؟
- السوق السوداء بمطار اغادير...اخذ اغراضي من سوق اغادير او كازا او الخير واجد بالديره؟ :D
- انا راعي قهوه سوداء بقوه،،،فيه قهاوي حلوه هناك؟ مابي زي ستاربكس ودانكن دونات...اقصد كوفي شوبس رايقه...والا اخذ عدتي معي؟
- موضوع اللغه..اتكلم انجليزي كويس وعربي يرقل...هل بواجه مشكله بالتواصل هناك ؟ :D
- موضوع الجواز،،،هل امشي بصوره من الجواز او الرخصه السعوديه؟ والا ما يطلبونها هناك؟
هذا الي عندي الحين واكيد اكيد اكيد عندي دبل هالاستفسارات،،،بس استلمو هالدفعه والخير قدام :morocco_5 (92):
- الميزانية 2000 ريال لليوم الواحد تكفيك وزيادة، طبعاً غير السكن والتذكرة.
- اتلانتيك بالس فندق جميل بس يمنع دخول الضيوف، عندك خيارات رويال أطلس أو أماديل أو شقق مارينا أو صحارى، أنصحك برويال أطلس.
- الشريحة خذ من شركة اينوي، وخذها من أي بقالة جنب الفندق، واشحنها من عنده، 12 جيجا نت مع اتصال محلي ساعتين مع دولي 10 دقايق، كل ابوها ب200 درهم، واحتمال مسويين عرض تطلع بأقل.
- اطلب من الرياض التشييك ان يعني العفش تستلمه في أغادير، ونصيحة اذا وصلت كازا لا تطلع من المطار انتظر في صالة الرحلات الداخلية، صح أن الصالة كئيبة ومافيها الا كافي وبار وبتدخن في الحمام، بس المشكلة اذا طلعت من مطار كازا بيكروشوك اذا رجعت ببخاشيش وغيره عارفين ما عندك وقت وتبي تلحق الطيارة.
- الاجراءات انك اذا وصلت مطار أغادير تعبي كرت الدخول عربي/ انجليزي، وليتك تحتفظ بالبوردبنج باس معك احتمال يطلبه موظف الجوازات، بعد الجوازات تستلم العفش، بتلقى جنب العفش محلين صرافة لا تصرف منهم لأنهم نصابين، وبتلقى جنبه السوق الحرة وهو صغير جداً عنده الأساسيات بس وبيطلب الجواز في حالة الشراء ، متى ما استلمت عفشك وجيت تطلع من الجمرك ابتسم ابتسامة خفيفة لموظف الجمارك يا راح يمشيك يا راح يقولك حط عفشك في جهاز التفتيش.
- أول ما تطلع من الجمارك للجمهور برة بتلقى محل صرافة في وجهك سعره بطل، اصرف منه، ومو شينه قبل تصرف تشوف سعر الصرف للي جنبه وتشوف من الأحسن.
- ما يحتاج ايجار سيارة لأن الديرة صغيرة.
- خذ عدة القهوة معك، ذول قهوتهم اتاي (شاي اخضر).
امشي بصورة الجواز وخل جوازك في الفندق في السفيتي بوكس.
وبالتوفيق