ما الفرق بين السائح الاوروبي والخليجي

اعطيك الزبده
الاوروبي وراه سفاره قويه و تحميه حتى لو كان غلطان
و حنا لنا الله ليت السفاره يردون عليك

تعليق خفيف

الاجنبي ينام الساعه 10 الليل
الكثير من الخليجيين يجي العصر وهو شابك الخطاف مانام ..

ههههههههههههه
والله يا سهم االمنايا الاجانب نصايبهم واجد
و يسوي اللي يبي جهارا نهارا حتى الدرك ما يفتح فمه
و الخليجي متحرم و عاقل كل وقته مصايبه بالليل و مقفل الباب
ع العموم ترى اماكن لهو الخليجيين هو اللي تفرق المعامله
كل ماً ابتعدت عن هالاماكن تبدا تشوف اهل المغرب الطيبييين
من درك و مواطنين

كلامك صحيح، المغرب فيها أماكن جنان غير الأماكن المعروفة، و تنبسط فيها أكثر و تشوف أهل البلد الطيبيين و جذا تشوف المغرب بالشكل الصحيح. أما الأماكن المعروفة أكيد فيها إستغلال و معاملة مو حلوة. المغرب حلو بالنهار و كل ما تستغل النهار اكثر كل ما تحب المغرب أكثر.

هذه الجمله تلخص الحال ....


‏الانسان البريء يرتبك وتركبه التهمه

اتوقع من وجهه نظري المتواضعه ان الكلام في هذا الموضوع صعبه الرد فيه بكلمتين او ثلاث لانه راح يكون فيه ظلم للطرفين لانه فيه اشياء اعمق لازم نتكلم فيها لتحديد نتيجه ليش وصلو لهذا النوع من السياحه او ليش وصلنا لهذا النوع من السياحه مثل التربيه والحاله الماديه والاجتماعيه ومكان التربيه والحاله العمريه خلينا فقط نتكلم عن الحاله العمريه كمثال يعني صعب تشوف سائح برازيلي عمره ٢٠ سنه وتقارنه بسائح امريكي ٤٠سنه او سائح عربي عمره ٢٥تقارنه بالماني٥٠سنه لانه كل واحد ظروفه وحالته تختلف عن الثاني

لكن اللي انا اتفق عليه هو الحاله العمريه اشوف وهذا من اللي شفته ليس بالمغرب لكن بلدان اخرى انه الشخص في مرحله الشباب سوا اوربي او خليجي عندهم نفس الاهداف وصعب تجي المغرب وتقول وتشوف الاوربي وتصفه بالكمال لانه اغلبهم كبار سن او معه زوجته وتظلم الشاب الخليجي وتقول انه متهور او ما يفهم بالسياحه لانه اغلبهم اعمار صغيره وحاله الماديه ممتازه فهو يعيش مرحلته لا اكثر ولا اقل لكن لو تروح تروح بلد ثاني تشجع على السياحه الشبابيه للاوربين مثل تايلند او اي بلد ثاني راح تشوف اشياء من شبابهم تعكس مرحلتهم العمريه وطريقه تفكيرهم

والشخص السائح اتوقع مو ملزوم يزور الجبال والمتاحف والاماكن الطبيعيه عشان نسميه سائح او ننتقده على افعاله هي صح او خطاء

السياحه من وجهه نظري هي سكن ملائم لمتطلباتك وحاجاتك ومكان راحه واستجمام ووسيله مواصلات تقضي فيها امورك اليوميه لكي تعود لبلدك بطاقه ومعنويات مختلفه قبل سفركك..

بصراحة انت بطل اللي جبت الفئة العمرية بالموضوع

صحيح كلامك ولي عليه تعليق قادم

كلامك جداً جميل و يلخص الموضوع بشكل مبسط جداً، هنيئاً على تفكريك أخوي. السائح الأوربي في تايلند مسوي الهوايل. ولو ترجع ل التاريخ و على سبيل المثال حالة الجيش الأمريكي في تايلند وكم منهم رجع الى بلده مدمن و أمراض و غيره.

كنت بمقهى تروبيكانا

وكان فيه ثلاثه اوروبين
مسوين غزل بالمقهى

والمصيبة واضحة السماجة فيهم

المهم انا خليت كل شي بيدي
وثبت الزوم عليهم
اشوف وش تاليتهم

ويمر الوقت ووضعهم ملفت للنظر
واخر جلسة لهم كانت مع بنت وطول الكلام معها

واشوفها معصبة وجووها تعكر اخترب

شكلها كسرت عيونهم وراحو

وطلعو برى المقهى

انتظرت لين قامت البنية

ولحقتها برى

قلت ممكن سؤال
ليش عصبتي على اللي قبل شوي

قالت ياثقل دمهم
سامجين
ويبغون كل شي ب 100 درهم




مشيت من عندها وانا اغني
ياحسرتي ياوجودي
ياكسر قلبي وعودي

عرفت وقتها ليش لما ندخل مكان
العدسات علينا
والتحرش بنا
والابتزاز فينا
وحنا مساكين

هاللحين انت عرفت وشهي بلوتنا
البعض منا لا سافر تجيه حالة احساس بان فلوسه فلوس حرام ما لها اي قيمة لذلك يقولون له 1000 قال تم ولو قالوا 1500 قال تم ما تسوا اعكر مزاجي عشان 500 بعكس حالة الاوروبي اللي معطي قيمة لنفسه وفلوسه

وفوق نص ربعنا سفريتهم كلها بدين و قروض و عامل فيها هارون الرشيد