ما الفرق بين السائح الاوروبي والخليجي

الله يرضى عليك ... شاكر ومقدر لتفهمك .

كلك ذوق ياغاليه .

__________________
لاتسمع كل ما يقال ولا تقول كل ما تسمع.

كفو الله يا سلاوية

كلام مية بالمية

كل عام وانتوا بخير و عيدكم مبارك هذا اول الكلام

من تالي اسمحوا لي ابين وجهة نظري ، و اشكر كل من ساهم برأيه

من خلال خبرتي بالسفر وهي خبرة مهي قليلة كونت وجهة نظر الا و هي

السائح الخليجي هو السبب الرئيس بالمعاملة اللي يتعرض لها و نخليه عرضة للاستغلال في اغلب الدول و بخاصة المغرب الحبيب. وانا من خلال كلامي ما اقصد الاساءة لاي شريحة و لكن اخص الاستغلاليين و لا شك ان بالمغرب شعب كريم و وفي و اصيل ذا نخوة.

السائح الخليجي نتيجة لاسباب يعرض نفسه للاستغلال ، ممكن اوجز الاسباب على الشكل التالي :

1- الفئة العمرية الشابة اللي ما بين 18 الى 26 سنة وخاصة الجديد منهم على اسفر يعطي صورة سيئة للسائح الخليجي و خاصة انهم بهالمرحلة العمرية يكونون عديمين الخبرة ونزواتهم تحركهم اكثر من عقولهم

2- الهياط اللي ما له داعي لدي بعض السواح، وترا صرف فلوسك بلا حساب ولا داعي يصغرك بعيون الناس ما يرفعك

3- جهل بعض السواح بالقوانين و خوفهم من كلمة شرطة بداعي و بدون داعي ، و السبب عدم معرفة القوانين و عدم وقوف السفارات الخليجية ورا ربعهم مثل ما تسوي السفارات الاجنبية

4- سواح سوريا والشام و جلبهم لعاداتهم السيئة للمغرب

5- السائح الخليجي هو اللي ماسك بورصة الاسعار و للاسف فان الغلا المتزايد بالايجارات و السهرات سببه هو السائح نفسه لو كان به تعاون و وحدة موقف كانت الاسعار نزلت الى النص اقل شي و ما كان السائح عرضة للاستغلال

و للحديث بقية

ومن وجهة نظري انه كلامك مافيه من الصحه شي


نفس الاعمار وهياط دبل 100 مره وسيارات خليجيه وقيمتها بالملايين

محد استغلهم في اوروبا والاسعار مثل ماهي ماتتغير

السبب ماهو الخليجي وكفايه جلد و عالفاضي

اسعار السهرات مناسبه جداً ، مرقص خايس بتونس طاولتك توصل 2500 ريال. اشوف الاسعار جداً عاديه والمغرب ارخص بما فيهم الدبليو

ماقدرة اعدل المشكله في المغرب نفسه ماهو في السايح الخليجي وشكراً

وجهة نظر لا شك اني احترمها

مع احترامي لرايك اكدال
بس الموضوع مقارنه فالتعامل مع الخليجي والاوروبي فالمغرب
ولامعروفه المغرب ماشي غاليه بزاف مقارنه بدول عربيه بزاف بتونس اللي ذكرتي وبلبنان
بس كمان اغلى من دول اخرى كمصر ، ومعروفه حتى فمصر النظره للخليجي واذا بننكرها افلامهم ومسلسلاتهم دايما يحطون ان الخليجي داك اللي ينضحك عليه ويصرف بلا حساب وكاش وو...

هي نظرة عممت ولو غلط ، لكن مجتمعاتنا كلها تاخذ صفه وتحطها بدوله كامله ، والمزيان يمشي فالرجلين
ماشي جلد بقدر ماهو غيرة ومحاوله تغيير

__________________
.


الوقت الذي تستمتع باضاعته ، ليس وقتا ضائعا

المشكله لا هي فالمغرب .. ولا هي فالسائح الخليجي .. ولاهي فالسائح الاوروبي ... عندنا وعندكم وعندهم وبكل مكان الزين والشين ..

المشكله ف ((( الفئه اللي يتعامل معاها الواحد ))) وهالاخيرة هي اللي تميز بين هذا خليجي وهذا اوروبي ... مو كل المغاربه يشوفو الخليجي بئر بترول متحرك لان مو كل المغاربه فقراء ولا كلهم جهلاء ... وبنفس الوقت مو كل الاوروبيين بخلاء ويتحاسبون عالكبيره والصغيره كيف ماعُمّمت الاقاويل عنهم ....


وبالتالي ...


المعامله تُحدد حسب طينة الاشخاص المتعامل معاهم ..

__________________
كلآم الناس بالنسبة لي ،، مكآلمة لم يتم الرد عليهآ ..!!!

فعلا المعالمه اللي تحدد ،
والخير في الناس مصنوع إذا جبروا والشر في الناس لا يفنى وإِن قبروا
لكن فئة كبيره من الناس تعمم وتاخذ عاللي تسمعه وتتوارث الافكار
وحنا نتكلم عن هذه الفئه ، ماشي الفئه اللي تعامل الانسان باخلاقه لا باصله ولا ببلده

فلما قلت بئر بترول او الاوروبيين يتحاسبون كان عن النظره العامه

__________________
.


الوقت الذي تستمتع باضاعته ، ليس وقتا ضائعا

لا مو لوحدك اللي قلتي بئر بترول او الاوروبيين يتحاسبون ... يعني ماقصدتك بردي .. لانه فعلا كيف ماذكرتي فئه كبييييييره للاسف عندنا يقولونها يعني معاكي حق هذا السائد ...

لكن تكلمت بصفه عامه .. لان فنفس الوقت اللي نلقى فيه سياح كانت تجربتهم مع المغرب سيئه بنلاقى سياح كانت تجربتهم مع المغرب ممتازة لابعد المقاييس .... ف مانقيس عالفئه او العينه الجاهله اللي تنغص عالسائح


والسياح بعد (بمختلف جنسياتهم) فيهم اللي يجون يمثلون بلدهم قدامنا احسن تمثيل وفيهم اللي يجي يخليك تاخذ فكرة مغلوطه عكل الشعب اللي هو جاي منه (وهذا غلط)

__________________
كلآم الناس بالنسبة لي ،، مكآلمة لم يتم الرد عليهآ ..!!!