قُل حسبيَ الله ونعمَ الوكيل فكُل نمّام

قالوا حكو بـــك قلــت وش هـــم يقــولون ؟
****وش قيــــل فيــنــــا يالوجيــــه الفليــــحه


شوفوا مــــرد الهـــرج وش هـــم يطرون
****حتى نعرف مـــــزوره من صحيــــحــــــه


كـــــــان الكـــلام من المعـادي على هون
****بعض المسبـــه بالمجـــــالس نزيحــــــــــه


تجيــــه عربـــــان من اللـــــه يخــــافــون
****عن الظليـــــمه ينصحونــــــه نصيحـــــه


لو كـان خلق اللــــه على الحـــق يمشون
****كـــــان القلـــوب من الخطــــا مستريحه


كـــم واحـــد بعروض الأجــــواد (مفتــــون)
****وهو سلومـــه يفضحنّــــه فضيــــحــــــه


وكـــم واحــــد يطعـــــن وهو فيه طعـــون
****يذم ريــــح النــــاس والشيــــن ريحـــــه


بعض كلام النــــاس تهمــــــات وظنــــون
****قــــول تنميــــه الوجيـــــــه الوكيـــــحـه


والظلـــم لو فــــازوا هلــــه مايدومـــــون
****راع الظليمـــــه لا تبـــــاطا مطيحـــــــه


والنــاس هذا النـاس من عصـر ذا النون
****كل(ن) على دربـــه ركـــــابه مشيحـــــه


مقـــرود يامــن بــــدّل اللــــون باللـــــون
****بعض الكـــــلام يحرفــــه عـــن صحيحه





" الله ينجينا وإياكم من مرض الإفساد بين الخلق وأكل لحم إخوانا المسلمين "

__________________
كلآم الناس بالنسبة لي ،، مكآلمة لم يتم الرد عليهآ ..!!!