اليوم نكمل وعذرا على التأخير
رابعا:الزعطة
نمنا طبعا بالفندق اللي اسمه عبر المحيط وليس "عبر الحيط" كفشه "خطأ مطبعي"
واقوم على الساع 12 وازهب عمري واتصل على صاحبة الشقة واسألها عن الشقة
قالت الشقة الحين فاضية تقدرون تجون واذا طلعتوا الطاكسي كلمني عشان اوصفه.
صحيت زميلي طبعا بالسعودية اصحي فيه ساعتين مايقوم... بالمغرب بالهمس تحصله ناقز
تقول "مختلع"ويقوم يضحك لسا ماستوعب الوضع....ويجهز عمره ونأخذ اغراضنا ونعمل شيك اوت قالوا موظفي الريسبشن "اجلسوا بالفندق تروا الوضع عادي والضيوف يطلعون بس تفتحون غرفة ثانية ونعمل لكم ديسكاون شكرناهم وقلنا وضعنا جاهز ومشينا...
نزلنا تحت الا والجو بصراحة ممتاز غيوم وهواء عليل وتنفرج الأسارير ونروح مطعم قريب
مواجه للفندق ونأكل فيه "غداء مع فطور"مش ولابد ولكن "سد القبر لو بخشبة"
بعد الغداء ننزل نوقف الطاكسي الأحمر "الشباب قالوا لنا ادق التفاصيل جزاهم الله خير"
شوي ويجي هاك الطاكسي معاه طير ولا في الخيال متربع قدام نقوم انا وابو الشباب ونركب ورى ونتصل على "صاحبة الشقة" وتوصف السايق وحن العموم "يمين انظر" جهة مرتبة الراكب ودردشة مع هاك الزين شوي الا والسايق يكلمنا ضيع الطريق ويقول
"عيط عيط" ويقول الزميل ياخوي مابكينا وحن صغار تبينا نبكي اليوم شيبان وتتلافا الوضع
العصفورة وتقول يقصد اتصل على "صاحبة الشقة" للوصف ضيعنا قال اشوى...
المهم وصلنا ومادري كيف كان الطريق بس مشغولين .
حصلنا الشقة جيدة وموقعها جيد والاهم انها امنة ....خلصنا معاها وضبطنا الامور "طبعا الشقة بالمعاريف قريب التوين" واتفقت مع الزميل على السهر بالشقة بعدها رحنا التوين
العصر تقريبا ونزلنا السوق اللي تحت "اسيما" وخذينا اغراضنا "فواكه,عصيرات,موالح,اجبان ,مكسرات .........) تقريبا 1100 درهم طبعا خاليه من اللي بالي بالكم "حن الثنين مالنا فيه".
رجعنا وريحنا وكنت ابي
شيشة واسمع من الشباب عن الديوان وندز للديوان طبعا
مش بعيد بالطاكسي ونوصل على الساع 6 وكان الجو حلو والمكان شبه خالي الا بعض الجلسات ونجلس على طاولة قدامنا طيرين واحد منهم:
نصف زين الخلايق في عيونه ### وباقي الزين في باقيه كله
وهي اللي تعبتني شخصيا لان انا بلاي وجرحي العيون الناعسة
:
كنت احسب الرمش لاسلهم حنون ## واثر رمش العين مايوي لحد
والثانية للزميل وهي صاروخ ارض جو وكفى...
الكل عارف هنا النظرات والابتسامات"الله يسامحكم من شانكم كتبت التقرير والحين هاجت بي الذكرى والله يزينها"
وتم التعارف
والساع 8 تقريبا غادروا متعذرين بظروفهم
انا يوم ارسل عيونه لقلبي ### عطيته مهجتي والمعطي الله
بعدهم جلسنا نهوجس فيهم ونشيش للساع 10 تقريبا وصار المكان عامر
والطيور زين وازين بس خلاص ....
مشينا الشقة وسهرنا هناك سهرة حلوووووووووووه"انا بصراحة قلبي مش معاي وقتها" الين الفجر صلينا ونمنا وانا
كل احلامي هاك الطير اللي بالديوووووان ........ نكمل قريبا