رحلة الولع ... وتسعة ايام بكازا الجمال!!

الله يسلم قلبك ومتابعتكم هي وقودي للاستمرار

نكمل ...... بعد مادق الجوال مالحقت عليه كان بغرفتي افتح الا والحبايب هم اللي متصلين
اجي وافتح المس كول يا مال فرقا العين ### ولا اشوف رقمه جعل الارقام يفدونه
واقوم واتصل بعد التحية والسلام سألتني تغديتوا قلت لا والله لسا قالت طيب حن جايين
ورح نتغدى سوا قلت اوكي بس وش خاطركم فيه عشان نطلب الغداء لين تجونا قالت اذا جينا نتفق لسا بدري انتظرنا الحبايب وفعلا وصولوا بعد مامروا اسيما واخذوا معاهم كل اغراض الطبخ "خضار - بهارات - دجاج - خبز الخ " ولما جوا قالت ام العيون الناعسة انا نفسي اليوم اطبخ وتذوقوا طبخي اسوي لكم طاجن ... والله مافي داعي تتعبين!! قالت: انا والله خاطري اطبخ المهم طبخت وحاولنا نساعدها بس للأسف ثلاثتنا مالنا فالطبخ زميلة ولد العم طلعت فاشلة بالطبخ "جلست تبشر بحبة بطاطس الين جهز الغداء وهي لسا"
المهم جهز الغداء ونتغدا افضل غداء على قولت الزميل لو نزل بمزاد علني كان يحطم الارقام القياسية ويدخل موسوعة جينيس للارقام القياسية بالمذاق الاحلى والاكمل والامثل ....... بعد الغداء سواليف ودردشه وعلوووووووم
حكاوي ما قدر اكشفها انا اللي بس يعرفها ### فواتير الشقا شفها وراجع صفحة كتابك
"الشادي"
وكانت الجلسة عامرة باالنكت ومحاولة تعليم للهدرا المغربية واللي رسب فيها الزميل
باسباب " الميخي" ؟؟ اللي يعرف يقوووول؟؟!!!
استمرينا الين وقت الذهاب للشيشة كالعادة وعزمونا من بكرا على الغداء عند واحده منهم بالبيت "يصير يوم الجمعة" وبصراحة الّحوا بالطلب ولكن شخصيا احب الدقة ولااحب
يحصل شيء غير محسوبة عواقبه وحاولوا اقناعي ورفضت واعتذرت بأدب قالوا اجل حنا
نسوي لكم الغداء ونجيبه قلنا لا انتم اليوم غديتونا كثر خيركم وحن بكرا اصروا وقبلنا انهم يجيبون لنا غداء جاهز من عندهم من البيت ....وقمنا قلنا نبي نغير الكوفي للوناسة
والتغيير وفعلا رحنا عين دياب وجلسنا بكوفي مايحضرني اسمه بس جوه حلو والاحلى انه بعين دييااب ونسيم الأطلسي يعطي جو من الشاعريه والرومانس يفوق الوصف واعتقد بان الخيال لايستطيع الوصول لوصف ذلك الجمال

استمتعنا ووصلنا لختام الجلسة وادعنا الأحبه رجعنا البيت تعشينا وقلنا اليوم نغير نرووح
للسيزار "بالشريتون" وفعلا رحنا للسيزار وكان كلاااااااااس جوه حلو جدا جدا والاغاني
كوكتيل عربي وغربي وكان من الاغاني اللي اعجبتني " ماصدقت نتلاقا انا ماني مصدقني ......؟" لماجد المهندس
والله السهره حلوه بالزااااااف طلعت ابداعات لان المكان يسمح والجو عال العال وكان المكان فيه كل اللي ودك ولكن "الصيد بالأماكن هذي قد لايكون جيدا " وجهة نظري الخاصة
طبعا يقفل الساع 3والنص كملنا لين قفل ونطلع ونأخذ تاكسي ونوصفه قال اوكي بكم
قال كالعادة لا ياحبيبي حركااااات كلناها تونا البارح افصل كم قال 100 درهم والله كثير
قال اخر سهره ركبنا ووصلنا الدار وضعنا بالطريق وحاول يسوي حفلة لما وصلنا بس ماعطيناه نص عقولنا ونزلنا وهو يهدر ريحنا اللين الفجر
صلينا ودردشه قال زميلي عين ديااااااب بصراحة ماصدقت قلت يالله ونروح نشم هواء
ونسيم عليل مع الصباح الباكر وكانت الدنيا نايمة
يا بحر جيتك وابي منك الجواب ### خبر اللي طول ليله ما استراح
دلني تكفى على الدرب الصواب ### الحبيب اللي هويته وين راح
"مهدي بن عبار العنزي"
ماطولنا تقريبا ساعة وبعدها رجعنا على امل انا نقوم ونصلي الجمعة بجامع الحسن الثاني ولكن للأسف زميلي رقووود ولاصحى واضطريت اني اصلي بالبيت وكنت متلهف
للصلاة بذلك المسجد وزيارته ولكن اقول بالجاياااااات ان شاء الله تعالى
............ قريبا نكمل
واقووول للحبايب
لا .. للفراق ولا .... لتجديد الأوجاع ### ونعم نعم للوصل لو كان بالصوت "والله وحشتونا"
"ابن فطيس"

يعطيك الصحه قلبي على هل تقرير الزوين
ولاتتعوق علينا في تقريرك من المتابعين
بقوه
وتقبل تحياتي


الميخي = ميكي ماوس .....

نواصل ...... بعد ماصلينا واخذنا الشور وصلوا حبايبنا ومعاهم الغداء اللي وعدونا فيه كسكس وبصراحة كثروا بالزااااااف ولما قلنا لهم كثرتوا قالوا عشااان ماتقولوا ان المغرب
بخلاء "حشااااااهم طبعا" وكان متعوب عليه طبعا كنت انا بالبلكونه يوم وصلوا وشكله انكب
عليهم شوي بالطاكسي اشوف صاحب الطاكسي زعلان وقاعد ينظف سيارته "عاد من زينها" ولما دقوا الباب خليت ولد عمي ينزل لهم عشاااااان يساعدهم "يشيل عنهم" ولما
وصل الميخي بالغداء حمدت الله انه وصله بدون مايطيحع لانه كسووول ولايحب يشيل شيء بس عشانهم عصافير لازم يشيله لو يطيحه .......
تغدينا بعد ماريحوا شوي وكان لذيذ بالزااااااااااااااف وطبعا علمونا انهم لازم يمشوا اليوم بدري عشااااان الجمعة واجتماعات اهلهم مع بعض "عادات بصراحة حلوه" جلسنا مع بعض تقريبا للساعة 6 وودعناهم وكانت الدمووووووع حاضره "غنج يسلب الالباب"
كنت آتكلم وأحلم لين في رمعه ### صوتك لمَع دمْع في سمعي وقاطعني
أثرك مسافر وانا احكيلك عن الجَمْعه ### اواعدك وأثرك امكلّم توادعني !!
"رشيد الدهام"
الدموع يالربع تسوي ربكة للانسان وخصوصا اذا كانت من شخص تغليه "قد تكون دموع التماسيح ولكن بلحظتها صعب جدا التفكير"
اصدق دموع اشوفها دمعة فـراق ### من الهدب للأ رض طاحت حزينهّّ
قبل يتفارق بالهوى اثنين عشـاق ### في ساحة التوديع قبـل السفينـه
ّّمعاد تجمعهـم مراسيـل واوراق ### وكلن بـلا خلـه يكمـل سنينـه
"عبدالناصر العالي"
كلن مشى بدربه هم راحوا بيوتهم وحنا توجهنا على الديوان قلنا نجدد الذكريات
وجلسنا فيه جلسة حلوه وشيشنا وبعدين تعشينا وقمنا شغلنا الشريحة السعودية
لولد عمي "قفلها من يوم وصلنا نسى كل شيء خلاااص"
وجته رسايل موجود واجد وايضا سبق وكان من ضمن رسايل موجود رقم مغربي
تذكرنا "قلنا بس هذي العصفورة اللي قابلناها بالطاكسي اول يوم بالمغرب كلمناها
وطلعت فعلا هي وينك قالت بالبيت انتم وينكم والله بالديوووان ..... اوكي طيب شوي واجيكم جتنا وكانت قمة بالاخلاق والجمال الرباني بس تونسنا معاها وقلنا حن بنروح نسهر بالبلاك اليوم تروحين معانا قالت لامشكل كلمت صاحب الطاكسي وراحت وقابلناها
هنااااك وكان الجو دعثة واااجد "انا ارتحت بالسيزار اكثر" وسهرنا بالديسكو اللي من زمان نسمع عنه وكانت العصفوره فرفوشه تونسنا معاها للاخر للساع اربعه تقريبا ومشينا كلن على بيته وصلنا ونمنا وقلنا لما نقوووووم نروح نأخذ حمام مغربي من بكره
فعلا صحينا وتغدينا وعلى حمام مغربي قريب مننا اسمه "حمام زاكي" بالمعاريف طبعا
وصلنا حصلنا اسعاره 130 درهم حمام مع مساااااااج وقال زميلي لازم ترى نعطيهم خبر لو تقفلت المجاري "الله يكرمكم" محنا مسئولين ترى غبار وحر السعودية والطبقات اللي
على جلدي يمكن تخرب بنيتهم التحتية ضحكنا وفرفشنا وكان كل شيء تمام "المساج"
انا ماعجبني تقوول مصارعة وتبقيس اما الحمام فبصراحة دعلكة على مستوى ... خلصنا
وريحنا يمكن نص ساع ولبسنا وغادرنا بعد الاكراميات للي دعلكونا كنت اشوف طبقات تمر من عندي وانا منسدح من الزميل تقول وادي حنيفة ملياااااااان طين....؟؟؟؟
مشينا ورحت انا اجيب اغراض من بقالة قريبة "خطأ فادح جدا" وكان فيه هواء العصرية
ورجعت البيت الا وانا احس ببرد بعظامي وحساسية بالانف والله رحنا فالرحلة اعراض انفلونزا "سترك يارب" واقوم اخذ مضادات حيوية على وجه السرعة قبل الورطة ونريح للمغرب "اليوم ماجونا الحبايب اخبرناهم انا معزومين عند واحد بالسفارة" تصريفة عشاان
عصفورة الطاكسي وواحدة صادها الزميل بالديوووووووواااان طبعا انا احس بتعب وارهاق غير طبيعي ولازم اشيش المهم رحنا عين دياااااااااااب وشيشنا ورجعنا على الساع 10 تقريبا وجونا اصحابنا اللي مواعدينهم البارح وانا خارج التغطية اهتمت فيني بصراحة واصرت علي نروح المستشفى لان درجة حرارتي ارتفعت ورفضت وقامت تعمل مساج وتكميد واهتمام تشكر عليه بقوووووه وكلمت السواق وجاب ليمون وبرتقال وضبطت لي عصير عشاااااان الحلق رايح فيها ومن اهتمامها رجعت طيب مع كميات كبيرة من المسكنات والمضادات الحيوية "لااحد ينساها قبل السفر لازم تكون معاه"
زميلي مستأنس عالاخر مع ضيفته وانا اشغلت العصفوره اللي معي المهم تحاملت على نفسي وسهرنا للفجر وودعتها ورحت نمت وكااااااااان نوم متعب ومرهق مناديل
وكل شوي صاحي والله لايوريكم "حالة "

صحينا بعد الظهر ودقوا حبايبنا وقالوا حن جايين وفعلا جوا وكانوا لابسين ملابس نفس الشيء "مطقمات" وجايين من الكوافير يعني :
اطعن بحد العيون السود من قدك ### وان كان لك دين خل العين تستافي
قريبا نتواااااااااااااااصل واوشكت النهاية

ماتشوف شر يغالى مشكله الوحد يتعب فى المغرب يكفى تعب العيون والقلب ههههه
امتعتنا فى تقريرك ننتظرك