كل عام والجميع بصحة وسلامة
وعساكم من عواده
اعتذر عن التأخير نظرا لظروفي الصحية بالفترة الماضية والحمد لله زال الشر ان شاء الله
اليوم نواصل معكم الحكاية"طولناها شووووووووي بس سامحونا"
وقفنا عند موضوع الكاب با لــ vip نزلنا من التاكسي وحن في طريقنا للدخول من البوابة
الا وكل الحراس يتدافعون يمنا وماندري وش الطبخة توقعناهم يبون اكراميات او شيء زي كذا طنشناهم وحاولنا نمشي وقفونا وتكلموا معانا "للحين مادري وش قالوا لا انا ولا زميلي"
مافهنا غير ممنوع وتمتمات غير واضحة رجعنا للبوابة وش السبب فهمونا قالوا ممنوع .. طيب شنو ممنوع وفالاخر اشر واحد منهم على الكاب وفهمت الموضوع ونزلته واعطيته اياه هدية وقالوا سير اخويا دخلنا وانكشفت الصلعة "تقول مرايه" بس يالله النظام نظام
وش السبب بمنع الكاب "الله اعلم" ممكن الاخوه عندهم تفسير منطقي للموضوع
ملاحظه : " اللي اقرع ويستحي من الصلع ويبي يروح المغرب لازم يسوي زراعة شعر او يشتري له باروكه ترده شباااب"
المهم بعد مشكلة الكاب دخلنا وجلسنا وطلبنا الشيشة والبور هورس وجااك طرب وعصافير بصراحة ذيك الليلة غير ماتمل العين من النظر في تلك الوجيه المشرقة
وقابلنا واحده شفناها قبل كذا بالمونتكريستو وكانت غاية فالادب طلب منها زميلي
الجلوس وجلست وتعرفنا على بعض واستانسنا بجو شاعري وكان متواجد ذيك الليلة
الفنان الاماراتي فاضل المزروعي "المشكلة هو لابس كاب مامنعوه زيي؟؟؟!!!
وطلبوه يغني وفعلا غنى وقامت كل الدنيا هز عشانه فنان تشوف العالم كلها ترقص
ونقل نظرك "هذا رقصها رايق وهذا شكلها حلو وهذيك جسمها احلى...... وياليل ياعين"
وسهرة للساعة 4 ونودع ضيفتنا تعرف عابر فقط ونمشي ونطلع ونحصل سايق تاكسي
قلنا كم قال معروف نهاية سهرة "حن اليوم اللي قبل راكبين بمية درهم" مادققنا توقعناه مثل الاول زي ماقال ونمشي الا وفيه مشكلة حاصلة برى " فيه كذا بنت بسيارة واحدة " وهناك واحدة دبة بطاكسي حصل بينهم مشكله مدري وش هي
المهم نزلت الدبة من الطاكسي وحاولت تفتح الباب الخلفي شكلها تبي تتضارب معاهم او تركب قام السواق بالسيارة مدري" رجل او امرأة ماشفناه" وانطلق بالموتر وتجي الدبة وتطيح وتصارخ وهي تتدحرج على الاسفلت والعالم يشوفون " كان بيوقف الطاكسي رفضت محد فاضي وجع دماغ وزميلي يالله يالله وش ذا "قلت اركد بس تراهم مزودين العيار " وخلنا نمشي اصرف فعلا مشينا ووصلنا قال التاكسي حسابي
200 درهم شد وجذب اخيرا اضطرينا مرغمين نعطيه عشان نريح روؤسنا من المشاكل
وانا بصراحة اكلت وشربت معي الزيادة لانه مايستاهل وحسيت فيها نصب علينا واستغلال فانتبهوا " اللي اوله شرط اخره نور يالربع"
نزلنا الشقة واستعدنا شريط الذكريات وصلينا الفجر ونمنا .....
واللحين اقول :
يقطعك دنيا مالها اول وتالي ### لو شفت منها ربح ترجع للافلاس "السديري"
صحينا واكلنا شيء خفيف شوي والجوال يدق " قريب نكمل ونحكيكم كيف بنات المغرب
يسلبن العقول والالباب بالتصرفات قبل الجمااااااال"
اضحك واسولف وان لحقني سهر نمت ### لكن قسم بالله مانيب طيب "
ابن فطيس"