بكراتينه

أقول ماودك تخاويني
الله يعطيك العافية ويسهل امرك
بمشي على رأيك ويهمني توجهني اذا انا غلطان

بحجز طال عمرك على اغادير مباشرة من الرياض واخذ فرق بالرحلة اقل شيء 3 ساعات
بالمطار اصرف كل الفلوس مرة وحدة
أوصل اغادير هنا مربط الفرس
استأجر ولا اتنقل بالسيارة
فيه فندق كل الخدمات موجودة وقريبة منه اطلع له على طول اقل شيء اريح اول يوم
وثاني يوم يحلها ربك ولا تنصحني أتوجه لفندق معين مرة وحدة
اخوك وحداني وراعي شيشة وفلة
وبعدها أتوجه بتاكسي لمراكش بيكلفني 1500 درهم
أي منطقة أتوجه لمراكش واي فندق تنصحني فيه (مايهمني السعر قد مايهمني الامن والفلة)
وأخيرا كم تكلفة العودة من مراكش لكازا ابي احط ميزانية قبل الرجعة على جنب
مع العلم قررت اخذ 15 الف ل9 أيام ابي تقييمك للوضع تكفي ولا لا
ولو بأخذ زيادة اخذ كاش ولا بطاقة صراف
والله يعطيك العافية والله ثقلت عليك بس تحملوني فديتكم

مع العلم كنت ناوي اخذ 20 او 25 لاني ناوي اشتري هدايا للأهل من القفطان وغيره
فياليت تعلمني الميزانية التقديرية
تنصحوني اخذ من وين القفطان والثياب المغربية
واسف جدا على كثرة الأسئلة

يعطيك العافية
اضرب الريال بواحد ونص تقريباً
بحاول امشي على هالنظام والله يسهل
يعني معي 1000 اضربها بواحد ونص تطلع 2500
الفكة بتحوسنا هي تسوى شيء عندهم !!

شكلها 3أيام باغادير والباقي بمراكش
مع اني سمعت ان طنجة مدينة رائعه
بس نخليها السفرة القادمة ان الله كتب

العمله الحين دبل ونص
و كل شي يسوى عندهم لا ترمي شي
او تتركه الا للي يخدمونك يستاهلون
انت لحالك و جديد ولا ادري وش جوك
لكن احسب يوميتك بالفين ريال
و لعلها تكفيك بعد
راح تكون غشيم بالاسعار و تاكل خوابير لليل
الفين حلووه لليوم الزود ولا النقص

انا قبل سبوعين كنت في مراكش وحداني
وقمت الفله
وصار معي مواقف كثيره بس هذي السياحة لازم تاكل مقلب كم مره

قبل قبل ثلاث اسابيع كنت في طنحة حلو وطلعت مراكش بالقطار 10 ساعات
حلوه طنجة بس ما انصحك الحين خليها اكادير و مراكش بس مراكش خذ حذرك من كل شي خطيره مراكش
السكن في مراكش خذ شقة احسن لك

مرحبا بيك ي شمري
نصيحه لك والنصيحه اول بجمل
لا طيران ولا شي استاجر سياره وع قوقل ماب
ومانصحك ب اغادير الفتره ذي المتعه بطنجه وضواحيهها
في كل شي طنجه حتى يوم تدخل نفسك تنفتح
ومراكش غيرها اغسل يدك
اغادير خايبه زحمه بالزاف وماتاخذ راحتك توني جاي منها ماتسوى اغادير تعاله بالربيع او الخريف صيفا كل اهل المغرب فيها والشقق زباله يومين سكنت ثلاث شقق
اذا مالك ف الضيوف اسكن بفندق واذا تبي فنادق نصيحه عن طريق بوكنق روح اي فندق يعجبك وشوف الغرفه ارتحت احجز وانت جالس بوكنق وريح بالك واي استفسار حاضر ادلك ع الي تبي

لي سبع سنين اسافر المغرب ولله الحمد ماتعرضت ل شي ممكن مناقشات بس يوم يشفوك صامل يبعدون عنك
والله نصيحتي طنجه طنجه طنجه الي يقول مانصحك فيها مايعرف طنجه زين روح طنجه وتواصل معي ازبطك بكل شي خدمه من سعودي ل اسعودي وادلك وين تروح طنجه حلاتها تمشيات تروح اشقر تروح جبل موسى مغارة هرقل

صحيح اليوميه يادوب تكفيك مثل ماقال الاخ بما انك جديد ولو تخليها بتاريخ 8/19 نكون حولك بمراكش وننورك بالي نقدر عليه