تقرير وصوفوي كار ووكالة غزالة وأشياء أخرى...

بيضاوي · 2017-08-01T05:27:21+00:00

صباح الخير ومرحبا بكم فردا فردا ..... العدد 2+1 الحجز عن طريق موقع الخطوط السعودية والناقل بالذهاب الخطوط الملكية المغربية والعودة على الخطوط السعودية . خطة الرحلة : 4 ليالي كازا 5 ليالي مراكش 4 ليالي اغادير 3 ليالي مراكش او كازا مرض صاحبي في اغادير واضطرينا نقضي ال 7 ليالي الباقيه في اغادير وطلعت خيرة :) والله مااجملك يااغادير . طبعا احنا ثلاثة أشخاص صاحبنا الثالث بيكمل معانا لحد مراكش وبيرجع لظروف العمل ، وكان معانا كيس رز مرت عليه احداث ومواقف مضحكة لاتنسى حتى الشغالات يقولون هذا كنز موب رز حافظنا عليه لآخر حبة وخلص علينا بمراكش لدرجة أن مسئول العزبة ياخذه معاه لغرفة النوم هههههههههههههههه صراحة هذي الرحلة من اجمل الرحلات للمغرب صادفنا ظروف ومواقف لم تفقد الرحله لذتها . السكن بكازا كان شقة 3 غرف ب1500درهم وكان فيه رأي نطلع لفيلا لصاحبة الشقة شفت مقاطعها بالواتس وعجبتني لكن الشباب ماكانوا يحبون كثرة التنقل والشيل والحط لذلك كملنا في شقتنا . السهر تقريبا ليلتين بالشقة وليلتين بالفي اي بي وماعجبني صراحة والعدد ماش قلت يارجال نعوض بمراكش . السكن بمراكش عن طريق الاخ محمد الفاسي من وكالة غزالة المعلن بالمنتدى ونعم الرجل للامانه تعامل راقي ومصداقية ودقة بالمواعيد وفوق هذا بوقوص :) نفس الفيلا الي بصور الواتس اب حصلناها ب 3200 درهم ، عبارة عن فيلا بمجمع سكني على طريق ورزازات ومسبح عام مااستفدنا منه :) ( كانت درجة الحرارة توصل 48 ) 3 غرف بالطابق العلوي وحده منهم ماستر وتحت بالطابق الأرضي مطبخ ودورة مياه وبلكونه وصالة تطارد فيها الخيل عبارة عن زجاج تستمتع بمنظر المسطحات الخضراء والمسبح بالخارج . تحت بالقبو ديسكو مجهز تجهيز كامل من اضاءات ودي جي ودورات مياة عدد 2 وغرفة تبديل ملابس ومرايا جانبيه ماعليك الا تشبك جوالك وتشطح :) يعاب على الديسكو مافيه مراوح شفط بس فتحات تهويه بسيطه . ماواجهنا اي مشكلة بالفيلا للامانه باستثناء انقطاع الواي فاي أثناء السهره واشتغلنا على جوالاتنا ، اليوم الثاني كلمنا محمد نبي نعطيه فلوس يشحنه وعلى طول شحنه من عنده الله يوفقه . مراكش صراحة هزت ميزانيتنا وخلتنا نسحب من مبلغ الطوارئ لاحقا في اغادير . يوميا نتقضى من التقداو الي على طريق فاس ( سوبر ماركت كبيرة زي كارفور وموجود فيه كل شي حتى العصير ) بحدود 2000 درهم تزيد أو تنقص قليلا وسهرنا 3 ليالي في الدبليو + افتر بارتي بالفيلا . وليليتين سهرنا بالفيلا، طبعا الطكاسي ممنوع يجون المجمع نحاول ننسق مع الطيور وندخلهم قروبنا ونجمعهم بمكان واحد واروح اجيبهم بالسيارة ودعوات اصحابي تلاحقني أن أعود سالما ، ماهو على شاني عيال الذينا عشان طيورهم :) انبسطنا كثير في مراكش حتى خوينا الي ماكان يحب مراكش حبها غصب وهذا كان بيني وبينه ، المهم اليوم الخامس توكل خوينا الثالث على الله ومشى لكازا عشان طيارته بالليل واحنا شدينا الطريق لاغادير الحب . السكن باغادير بشقق المارينا عن طريق الاخ حسن وحجزنا 4 ليالي ودفعنا حقها غرفتين وصالة ب 2800 درهم غاليه صح :) بس حرية للاخر وعدم فتح غرفه للضيوف ، المشكلة صارت معاي لما حاولنا نمدد نهاية اليوم الرابع عشان مرض خويي اعتذروا قالوا التمديد ممنوع رحت ادور شقة جهة شقق الملاك حصلتها غاليه وغير مأمنه صراحة ماارتحت لهم لا من حيث الاشكال ولا من حيث التعامل ، رجعت كلمت حسن ماقصر كلم الرسيبشن ومن حسن الحظ واحد بيطلع وباقي له يوم عنده ظرف طارئ وبيمشي كازا بس المشكلة غرفة وصالة قلت مافي مشكلة هاتوها وشوفوا لنا غرفة ثانية بكرة. يوم دفعت المبلغ قالوا خويت غرفة أخرى قلت هلا هلا وش هاليوم الجميل هاتوها يلا :) ، وادفع لهم حق ال 3 ليالي الباقيه تقريبا طلعوا الثنتين غرفة وصالة وغرفة ب 2600 اليوم ، المهم سجلنا الغرفة وصالة باسامينا الثنين والغرفة الوحده بدون اسم مفتوحه لنا وسكن خويي فيها وافهم يافهيم :) السهر باغادير مابين سكاي وافتر بارتي في اتلانتك. أو مزيكا من اول الليل ،الملاحظ على سكاي تغير ماصار يهتم بكل الأذواق زي اول كمان اتلانتك موب زحمته اول ماتقدر تحصل مكان لكن احنا ماعندنا وقت للاكتشاف من جديد رغم أنه مرينا التشيك الجديد ولا حصلنا موقف ومشينا مسكه غلط هههههههههه مزيكا جاء يطل وغلب الكل صراحة ومرضي لكل الاذواق شوي عراقي شوي خليجي ودبكات وشيلات وشعبي مغربي وراي ، ومديرهم عزيز شخص م تشوفه تقول سعودي يحرجك بأخلاقه ، ولايسكرون الا الساعه 5 . اجمل مافي المارينا انك تصحى اي وقت وتلبس وتنزل جوعان عطشان خرمان كل شي تحصله بكافيهات المارينا ، وكان الجو جميل جدا لدرجة اخر الليل تضطر تسكر البلكونه من البرد . تعبت مع السلامه :)

مزعوط باشا

مزعوط نشيط

المشاركات: 119

تاريخ التسجيل: Jan 2017

2017-08-01, 12:36 PM

المشاركه #10

الحمد الله على السلامة يالذيب ماشاء الله الرحله حلوه واهم شي الاسعار بذا التقرير المسكت وبالنسبه لمكتب تاجير السيارات عادي هذي حركاتهم وانت الغلطان لانك ماذكرت شي عن العربون فمعناه لو اخذت لك فره بالمطار كان خرجت منه يسياره على كيف كيفك بدل الاستسلام لمريم او غيرها ترا حركاتهم ذي معروفه يخلو الواحد يوصل ثم الامر الواقع والمشكله الاكبر انهم يوعدو المزعوط باحسن السيارات وانظفها ووقت الوصول الحجج كثيره وبدل ما يقول لك راح تكون سياره مثلها او نفس الفئه يقول لك هذي هي وابشر من الكلام الرخيص

__________________

Searching for pleasures trying to discover the mists and mysteries of Morocco

التعديل الأخير تم بواسطة مزعوط باشا ; 2017-08-01 الساعة 12:38 PM

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: تقرير وصوفوي كار ووكالة غزالة وأشياء أخرى...
الموضوع	آخر مشاركة
شوق ووجد ومراكش و أشياء أخرى	2020-09-22 02:58 PM
مهاجر للمغرب مرة أخرى	2018-09-13 12:23 PM
ان شاء الله مرة أخرى الى المغرب	2011-10-18 12:57 PM
مبارك: لن أترشح للرئاسة مرة أخرى	2011-02-02 02:30 AM

الساعة الآن 04:50 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تقرير وصوفوي كار ووكالة غزالة وأشياء أخرى...

روابط سريعه