|
اقتباس:
بعلق لك ع نقطتين اولا / كل شخص حر بعمره يسهر كل يوم او يحطه فراشه بالبست كل واحد له جوه ما نقدر نجبر احد على طريق معين ثانيا / هل انت من ابناء الوليد بن طلال او الراجحي او ناغي ؟؟ كل العالم عليها قروض و كل الشعب يالله راتبه يكفيه الشهر الماضي تاخر الراتب 40 يوم مات الشعب جووع و شالوا العلاوه اللي اعلى شي مقدارها 500 و جت للعالم جلطات و ضغط و سكر و هنا كل واحد جاي ينفش ريشه مسوي الولد الكاش اذا الواحد كاش و مقتدر ليه قطات و ازعاج ياخذ ربعه على حسابه و يروح لا تزعل من كلامي بس هذي الحقيقه انا اسافر كل سنه مرتين او 3 للمغرب كلها سلف و اذا رجعت سددت و معين خير و عارف نعمة ربي وعارف اموري الماديه و عارف امور الشعب كله |
اقتباس:
تحياتي لك اول شي لك كل الاحترام والتقدير عندك وعندي خير والله يرزقني وياك ان شاء الله نعم بالنسبه لي السفر امر ثانوي وليس أساسي ولو عندي التزامات ماديه ومديون ومنهك ماديا كان ماسافرت الاولى لهالفلوس اخليها للاتزمات ناهيك عن اذا كنت متزوج واعيش عيالي في ضغط علشان اسافر زي بعض المهبل اللي نشوفهم هناك لا والله مابي السفر الا اذا كنت مرتاح ماديا او على الاقل عندي مساحه ماديه اقدر اتحرك فيها واخليها للسفر. أموري الماديه مثلي مثل غالبيه الشعب والحمدلله متيسره أموري ولا عندي التزامات ولا ديون وعلشان أزيدك من الشعر بيت عندي اجازه حاليا وكان ممكن اروح لأي بنك أخذ قرض وأسافر.. بس بمجرد التفكير اني مسافر بقرض احس اني تافه .. ومن احد الأسباب اني ماراح اسافر الصيف هذا واجلت سفرتي الى شهر فبراير القادم علشان اضبط أموري الماديه . تمنياتي لك برحلة سعيده |
اقتباس:
معليش يالغلا السفر من الكماليات لذلك يكون بالمبلغ الزائد أو على اقل تقدير مبلغ تجمعه من خلال فترة معينه وتسافر فيه . لكن اتسلف علشان اسافر لا والله ماصارت والله لايقوله |
كلااام ميلاني معقول واعتقد الاغلب يطبق الطريقه هذي لا ضرر ولاضِرار
ارتب امور سفري وفلوسي من بدري وانا اتكلم عن نفسي اسافر كل ٦ اشهر مره لدرجه ارتب الامور الماديه قبل السفر ب خمسه اشهر عشان ما اتعب نفسي في ديون وقروض لمجرد افلها اسبوعين واعتقد الترتيب والتخطيط المسبق له فوائد كثير في جميع امور حياتك والله يرزق الجميع |
اسمحلي ميلاني اتدخل بخصوصياتك هون بالمنتدى
بحكم معرفتي فيك يعجبني تكتيكك لامور حياتك كلها مو بس السفر الله يرضى عليك ثيمو |
اقتباس:
تعقيب ع كلامك أخت فطوم أتوقع الحياة من دون تكتيك وترتيب ماراح تمشي بسهوله ولازم نعرف إن الحياة فيها أساسيات وفيها ثانويات ،، تحياتي لك أخت فطوم [emoji257][emoji257] |
والله جالس اقرأ ردود البعض الله يهديهم صراحه من السفه والغباء وعدم المسؤوليه السفر بالدين او القرض او السفر للشخص الذي عليه التزامات مهمه وضروريه السفر ياأخوان من الكماليات اذا عندك فلوس زايده سافر اماغير كذا انطق بالديره
|
المشكلة تكمن في مفهوم السياحة لدى الشخص قد يكون مفهوما عندي غير عن مفهومها بالنسبة لغيري اي بمعنى الكلمة قد نتفق وقد نختلف وهذا هو الرائج عند الاغلبيه فهنالك سياحة دينية وهناك سياحة نقاهة واستجمام وهنالك سياحة جنسية وايضاً سياحة تجارية فمن المنطق عزيزي القارئ ان تختلف التكلفة من سياحة الى اخرى ،انا شخصيا اعرف شخص لا يحمل معه في سفرة سوى بعض المنتجات التي تشتهر بها دولته او قد لا تتوفربسهوله في البلد الذي سيسافر إليه ليتاجر بها هنالك ويتوفر لديه مبلغ جيد ليستمتع باجازتة وغالبا يتبقى معه جزء من المبلغ يقتضي به بعض من المنتجات الوطنية من البلد الذي هو به وينقلها بلده ليبيعها هنالك بالعربي تطلع عليه السفرة بلوشي يروح فاضي ويرجع مليان
|
بالمختصر المفيد السياحه الشبابيه وتوابعها مكلفه واللي مو قدها لايسافر او يغير طريقه سياحته او يروح ديره رخيصه
|
اجل اسبوع الجاي باخذ معي رطب خلاص وببسط فيها بساحة الفنا
وبالليل اسهر فيهم بدبليو ههههههههههه ياشباب الدين والسلف حاصل وصحيح انه السفر كماليات ولكن كل شي بالمعقول السلف والدين عشان الهياط في السفر هو اللي مشكله سافر وانبسط وعيش بقدر معقول اشوف سوال الميزانية متكرر كثير وفي خبرا وشباب افادو من قبلي انت الحكم والصوف يعتمد عليك الشي المهم لا تطلق العنان لنفسك خلك ذيب واعرف انك جاي سياحو وتغير جو واللبيب بالاشارة |
| الساعة الآن 01:27 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط