من طنجة احدثكم .. وبعض الاحداث والملاحظات .. تعالو هنا

السلام عليكم

وصلت مطار كازا كان عندي شنطتين وحدة وصلت بسرعه
والثانيه احرقت اعصابي واللي رافع ظغطي الدخان فيها
وكنت خايف تروح ليبيا او اي بلد

طلعت لقيت سيارتي تنتظرني
وهنا احب اشكر ابومالك الشمري على حسن التعامل
وسمو الاخلاق
واشكر الاخ عبده وتم استلام السيارة في دقيقتين

شغلت الخرايط وعلى فال دي انفا
بصراحة صدمتني الغرفه مو مثل الصور في البوكنق
رغم اني اخترت رفيعة المستوى عشان تصير
بالفندق الجديد
لكن بنظري ابوكلب
لما عملت تشك اوت عشان الخروج
حسيت اني بالسعوديه
سبعة الاف جواز اخضر

طلعت طنجة انا وضيفي وعلى فكرة الضيف استقبلني بالمطار
وطلعنا من المطار على عين ذياب وماشفت اي شي يعكر الجو
عشان التهديد اللي ارعبتو خلق الله فيه ماشفت منه شي
وطلعنا طنجة تقريبا 4 ساعات والامور كلها هانيه
وصلنا طنجة وصوت ابو نورة على اخره واغنيه ابعاد
مسكت مع الضيف على هالاغنيه

وصلنا طنجة والحمدلله
زحمة زحمة زحمة زحمة
الشواراع والبشر ياساتر
ويعبرون الشارع غصب عنك يعني انت اللي تنتبه مو هم

لقينا شقه قريبه من ماكدونالدز عند واحد عراقي
خلف كنتاكي بالدور الثاني
بصراحة الشقه زوينه بس مو ذيك اللي في بالي
غرفتين نوم وحمامين وصالون وبالكونه
ب 1800
بالمكساره اخذتها ب 1500
ويقول لو معك واحد ثاني اقل من 2300 مااعطيك

تغذيت امس في مطعم الميرة سمك مشوي وجمبري
ورحنا شربتا الشاهي في مقهى الحافة

واليوم ان شاء الله بنروح شفشاون
وبكرة تطوان والفنيدق

فيه حفل غنائي عالكورنيش قريب من ماك
وقبل امس غنت الداوديه بصوتها الجبلي الجميل


بعد يومين او ثلاثه رايحين اغادير ..



هذا كل شي الى الان ..

الحمدلله على السلامه وننتظر التكمله خاصه المدن الي مانعرفها مثل شفشاون لان ماعمري رحتها ع كثر مايمدحونها .تطوان والفنيدقه سبق وان مريت عليها ولفيت فيها شوي لكن شفشاون ف السفره القادمه اذا الله يسر .

بالنسبه للسكن اذا يمديك تغير فيه كمباوند اسمه
Clubmoving Tanger
بطل وازين من الشقق الي حول ماكدو وقريب من الكورنيش موبعيد .

اتوقع هذا رياضي اتصلت فيهم وطلع لي انه رياضي

لا هذي مجمع شقق اسمه موفنيك جنبه النادي الي تقصد واذا وصلت عند البوابه قلهم ابي رقم معز الدين صاحب الشقق ،،

شكرا ياغالي
الظاهر راح امدد بشقتي حتى الرحيل
باقي لي يومين او ثلاثه
وارحل من طنجة

درب السلامه ورحله ممتعه

طيب ارسل لنا رقمه نتواصل معهم

انا طالع ثاني العيد طنجة ونبي التوجيه منكم يأهل طنجة

اوما ب ١٥٠٠ والله لو انه وش ولا غرفتين بعد يستهبلون صارت طنجه اغلى من باريس هههههههه سلامات وبعدين سؤالي للسماسره وش الحكمه من عدد الاشخاص وش يبون بالاشخاص ابغى افهم

هذا النظام يغبن يذكرني بنظام السهرات في مصر