مزعوط قيد الإنشاء ️

السلام عليكم

اسعد الله اوقاتكم بكل خير حبايب قلبي ️

ان شاءالله كلكم بخير وصحه وعافيه

موضوعي ي حبايبي انا رايح المغرب بإذن الله بتاريخ ٢٥ سبتمبر ( اتمنى يكون ممتاز التاريخ ) ولمدة ١٠ ايام وراح تكون كلها في مراكش ، طبعا هذي المره الاولى لي بعد صراعات ومحاولات من الشباب انهم يقنعوني اروح لاني مو مقتنع مدري ليه بس نروح نشوف وش مخلي الداخل مولود والطالع مفقود

مالكم بالطويله انا بحط برنامج رحلتي وميزانيتي ( هذي راح تكون اضخم ميزانيه سافرت فيها ) وكل ما اطالع فيها اتردد بس الشكوى لله

المهم الميزانيه راح تكون ٢٢٠٠٠ ريال للشخص الواحد شامله التذاكر والسكن وبعد مراجعات لاكثر من مره اني احاول انها تكون وافيه وتخليني انبسط لاني مبذخ نوعا ما بس ان شاءالله تكفي

حنا ثلاث اشخاص كل واحد تقريبا نفس الميزانيه او يزيد بألف ريال ، حسبتنا كالتالي :

الطيران : الرحله راح تكون من الدمام - ابو ظبي - كازا
على طيران الاتحاد
ب ٢٦٠٠ ريال

السكن ( الروز قاردن ) : فيلا ثلاث غرف ب ٤٤٠٠ ريال للشخص

السياره ( اتمنى تفيدوني وش الافضل هي او السواق بغض النظر عن المبلغ ) : حسب فرتي بالمنتدى ما تتعدى ٣٠٠ درهم ف حسبتها على هالاساس

الاكل والشرب وما رافقه : طبعا اتفقنا نبتعد عن المطاعم ونشتري من اي سوبرماركت ويكون طبخ ، ف حطينا ١٥٠٠ ريال للشخص اتوقع معقوله لمده تسع ايام


الإحتفالات ( حلوه احتفالات ) : طبعا اتفقنا انها ما تكون كل يوم لانها مو حلا راح يكون يومين او ثلاثه في الفيلا والباقي برا ، حطينا لكل سهره ٢٥٠٠ درهم .


هذا بشكل عام وفيه كم شغله ما حسبتها لاني مو متأكد من السعر

طبعا عندكم البقشيش والشريحه واشياء ما تتعدى تقريبا ٤٠٠ ريال هذي كلها مو من ضمن الحسبه لانها غالبا متغيرات.


ختاما : ما نستغني عن نصايحكم وافكاركم واذا فيه شي غلطت فيه اتمنى توجهوني ، والاشياء اللي المفروض انتبه لها الزبده بشكل عام كل شي يهم للي رايح اول مره .


مشكورين مسبقاً حبايب ألبي ️