عائلة سعودية نفكر في الهجره للمغرب

الله يسعدك و يوفقك وين ما كنت ... ما اعتقد انه قرارك هذا كان من فراغ ... راح اجاوبك باللي اعرفه
السكن : بالنسبه للسكن انا اخترت لك الهرهوره او التيفالدور مناطق قريبه من الرباط عشر دقايق بالسياره علي سرعه ستين ( قانوني )
الاراضي اسعارها ١٠ الاف للمتر تقريبا تزيد الف تنقص الف هذا السعر للقطع ٢٠٠ متر او ٣٠٠ المساحات الصغيره تكلفه البناء تكلف تقريبا ٥٠٠٠ درهم للمتر وعليك الحساب
بالنسبه للهكتارات يكلفك المتر ست الاف لكن القانون صعب فيه انك تقطع الاراضي وتبيع منها
الشقق : بالاقامات الفاخر اللي تصلح لك تسكن فيها مع عيالك اللي فيها حمام سباحه وحديقه وحراسه شركه السعر راح يكون بحدود ١٤ الف للمتر وانت محتاج لا يقل عن ١٥٠ متر علشان تمشي امورك
اراضي سيدي يحي زعير اراضي جديده سكنيه تم تقسيمها بالفتره القريبه الاراضي تقريبا سعرها ٥٠٠ الف درهم لل ٢٥٠ متر تبعد عن الرباط ٢٠ دقيقه بالسيار
فلل صغيره داخل الاقامات : تحتاج بحدود ميتين مليون مغربي مبدايا وانا افضلك هذا السكن يسمونه بانجلو
بالنسبه لدراسه عيالك : يوجد مدارس امريكيه بالرباط علي حسب معلوماتي الاسعار ما اعرفها
مصروفك الشهري : تحتاج بحدود ١٥ الف درهم شهري مصاريف البيت من كله
و الله ايسر دربك