استفسار بخصوص طريقة الذهاب من مطار مكازا الى مراكش

اخوي ابو ماجد بما انك اغاديري فانا اعرف مشاعرك . انت متعود على اغادير اللي ممكن تعيش فيها بدون سياره لان كل شي حولك وتقدر تستخدم التكاسي بوقت الحاجه ومشاوير قريبه وانا اتوقع انك بشكل عام ما تعودت انك تستأجر سيارات ، ومراكش يختلف موضوعها لازم سياره خصوصا اذا كنتم شخصين . ترى صرفيات التكاسي لو تحسبها مضبوط تلاقي نفسك تدفع مبالغ مو بسيطه (( بالذات مراكش اللي انت بتروح لها )) . وعلى فكره انا لما كنت اروح مراكش جتني فتره بالبدايات ما استاجر سياره لاني احب المشي مره (( متعود على اجواء اغادير بدون سياره )) بس مهما كان حبك للمشي ما تقدر تصيطر على نفسك يعني التكاسي فيك فيك لان مراكش بين كل مقهى ومقهى او فندق او مطعم مسافات مو بسيطه وفيه شيء مهم جدا جدا . السياره تستفيد منها لما تروح ضواحي مراكش او لما يكون سكنك بمنطقه بعيده عن وسط البلد . خلاصه الموضوع ( لا تورط نفسك بالتكاسي )

هههههههه صحيح 100‎%‎ كل شي قريب وحولك ومن هواياتي المفضلة عندي المشي فمقضيها هناك تماشي في الغالب ... لكن السفرتين الاخيرة طلعت من جو فنادق الخليجيين واخذت شقة بعيده عن اماكن السواعده فاضطريت اخذ سيارة ووفرت بلاوي زرقاء اكتشفت انه ملعوب علينا بوهم كبير اسمه فندق آمن