عودة حنفي الابهه

الله يرحم والدينكم إسحبو الحساب من هالادمي ... رجاء فكونا من الهياط والسماجات تبع هالبني ادم

قسم بالله العظيم شيء لا يطاق وثقل دم فظيع وسب وشتم وكلام فاضي وبربره على غير سنع

وانا الولد النظيف ووتميلح وسخافه لابعد الحدود ومصور لي جزمه ومصور لي نفسه وهو يتروش

ويسب ويشتم ومادري وش والي يبي يتابع يتابع والي مايبي يصك براسه بالجدار

ياحبيبي انت ماسك حساب منتدى ومقدم محتوى مخيس طبيعي جدا ننتقدك على محتواك الي مادري

وش يبغى .. ياصبر الأرض بس

اجل لو شفت الجينز وعطوره بتنتحر يعني هههههه خلاص لا تتابع السناب

حنفي جمهوره عريض وميمكنش نحبسو من سناب باش تكون مبسوط وناخد بخاطرك

هههههه امزح معاك بس احاول اطقطق داريجه

والله واضحه الشخصنه

ونتمنى نشوف انجازاتك ومحتوى جميل ع قولك ومنها نشوف الفرق في التغطيه يا الشاب اللطيف الارسنالي


كلامك مردود عليه وابي اذكرك ان الحساب مو مخصص للديوان الملكي تبيه يكون رسمي دائماً ، حساب خاص بمنتدى للسفر للمغرب وتنوع التغطيات من كذا شخص شي طبيعي وتفاوت التغطيه من شخص لشخص شي عادي ، ناس تحب طبيعه وناس تحب سهر وناس اماكن عامة و...

وبعدين اشوف مشاركات المعارضين يقارنون تغطية ولد البلد او بنت البلد وتخصصهم بالسياحه بالسائح المسكين حنفي الابهه مقارنه ظالمه ومجحفه !! طبيعي بيصير فيه فرق


مع اني اجزم انو اغلب المتابعين يميل للسهر والعالم الليلي ولا تشده الاماكن السياحيه لان فيه تقارير وتغطيات سابقه وتجارب وخلاص محتاجين خروج عن النص وحنا في وقت لابد نخفف من العقد وكثرة الانتقاد حاول تكون اوربي ههههه وتقبل اي شي واهتم بنفسك فقط

وحنفي بشر طبيعي فيه تقصير بس بتشوفه بعد كم تغطيته بيحترف ويتيغير للافضل طبعا ع نفس النظام الليلي ما اقصد يتطور ويغطي اماكن سياحيه احترافيه بنفس التخصص

سؤال ألحين أنت وش تبي ؟؟ قاط وجهك ع كل شخص ينتقد هذا الي اسمه حنفي ؟؟ وتدافع عنه

خير يابوي رايي وانا حر فيه شخص محتواه سي وماعجبني

وبما انه حساب سفر ع قولتك فهذا يعني أنه حساب عام يعني اي شيء يقدم من خلال هالحساب

طبيعي يكون فيه ناس بتنتقد خاصه اذا كان المحتوى المقدم خايس مثل الي جالس يقدمه الي مسمي

حاله حنفي والي جالس تستبسل أنت في الدفاع عنه

حياه ليليه سهر سياحه طبيعه امكان سياحيه ثقافيه فنادق منتجعات فعاليات انا ماني ضد اي تغطيه

بالعكس انا مع كل التغطيات باي شكل من الأشكال

ولكن توصل التغطيه لمرحله الإسفاف والسخافه والسماجه والهياط والسب والشتم وانا الشخص الي

مامثلي والولد النظيف وكل شوي مصور لي الحمام وتروشو وتنظفو وسب خلق الله والي يبي يتابع

يتابع والي مايبي يصك براسه الجدار لا ذي مهزله ومصخره هذا سخ جاي يهايط علينا ولا احد مالي عينه

اوكيه يابطل

ما الومك اوجعتك

انت الحين اسلوبك تشوفه ممتاز وجالس تنقد حنفي بنفس اسلوبه ليش ما ارتقيت بأسلوبك الجميل يا ابو محتوى ونصحت او طالبت بطريقه مهذبه بدون ما تسئ له وتذكر نفس كلماته ويومياته بطريقه وقحه

ودائما اي ردة فعل تجي قويه من شخص معناها انك لمست الوتر الحساس اعترف لنا انت معضل ولا قروي ولا وش وضعك ههههههه اعترف


وتقول من انا ههههه انا محامي حنفي الابهه عندك مانع

وانت قاط وجهك وجالس تتفلسف علينا واذا جاء الصدق واعطيت الفرصه لو حتى بكتابه تقرير بيصير ابو كلب طبيعي سهل الكلام من ورى الشاشه

وتقولي يا بطل البطوله هذا شي طبيعي فيني وش الجديد بس


واذا انت تقول حر في تصرفاتك حتى حنفي حر بتصرفاته الاداره واثقه فيه وعطته الحساب انت وش تبي قاط وجهك كل شوي تنتقد يا اخي صك راسك بالجدار وريح بالك

هذاك انت تنتقد في المنتدى كتابه وهو ينتقد اللي ما يتغرغر في السناب هههههه يا قاهرهم يا حنفي

استمر حنفي هذا اخر الزمان يكثرون الاوباش ولا ترحمهم تعامل معهم مثل ماسوى الحسن الثاني الله يرحمه استمر يا بطل

أوجعتك أجل !!؟؟ تدري وش مشكلتك انك ماخذ مقلب بنفسك يامحامي الغفله مثله
شاف له كم واحد يعزز له طلع يقول جيشي العظيم .. وش هالمبزره ياناس
طبيعي جدا بتكون تغطيتي او تقاريري ابو كلب اذا كانت مثل تغطيه عمك الي تحامي عنه
روح تعلم انت والي جالس تحامي عنه كيف تقدمون تغطيات كويسه واختارو اماكن كويسه
تصورون فيها يابتوع الحمامات
فيه فرق بين لما تقدم شيء كويس ولما تاخذ الحساب بس عشان تسب وتصور لنا الحمام
وتهايط على روسنا حتى بنات بلده ماسلمو منه .. ياصبر الأرض

.. إنتهـــى ..

حساب اصيح سخيف ومن غير فائدة تذكر

وين الاخ المغربي اللي كان ماسك الحساب
بصراحة استفدنا منه الكثير لما كان يزور المنتجعات ويصورها

اذا الحساب تابع لادارة المنتدى ياليت يتداركوا الوضع المخيس وثقل الدم

فعدد المتابعين فانخفاض

عدد المتابعين تزايد معلومتك خطأ

تغطية الاخ المغربي ونور الهدى محترفه اكثر

بس تغطية حنفي مطلوبه رغم محدوديتها وبساطتها
انا مدري ليش عندكم مشكله مع الغرغره ودش الصباح والليل

على قولة منتجين الافلام المصريين
( الجمهور عاوز كده ) بعد انتاج افلام فيها تبويس وخروج عن النص فكان هذا رد المنتجين

بالنسبة لي الحساب اعتبره متنوع
يوم كذا ويوم كذا
مثلاً صديقي العزيز تيلفون السعودية تغطياته بالنسبة لي هادفة لأني من النوع اللي مايروح لا لديسكو ولا لغيره ولا يشرب، راعي سياحة ومهتم بالثقافة المغربية بشكل عام
لكن اليوم الحساب مع الكوميدي حنفي، ساعة وساعة، ساعة معه للضحك وساعة مع تيلفون السعودية ولا مع المغربي ولا مع غيره
عينوا خير وتقبلوا الامور بصدر رحب

ممكن حساب السناب حق حنفي لوتكرمت