إجراءات الدخول الى المغرب.....الرباط نموذجاً

إضاءات سريعة من شأنها أن تنير لك الطريق بعض الشيء نتناول فيها مدينة الرباط أنموذجاً ، أول ما توصل مطار محمدالخامس راح تتوجه مباشرة إلى الجوازات في هذه اللحظة تحتاج تعبي كرت دخول المغرب بتلاقيه في المطار أو راح يوزع مجاناً في الطائرة، بعدين توجه إلى ختم الجواز يفضل انك تشوف كبينه فيها بنت تختم لك على الجواز وذلك لتلافي طلب الإكراميات وهسوالف ،لو مالقيت إلا ذكور صف سرا بحيث ما تكون أنت أخر واحد على شان لايستوحد فيك بمعنى انه لو كان في احد خلفك راح يستعجل الإجراءات،عموما في هذه اللحظةإثناء ختم الجواز وفي نفس الصالة يوجد شاشة LCD تعرض إعلانات خليك عيونك وكأنك تابع الإعلانات إلا فيها بتعبير ثاني أنواع الطناش ولاتاخد وتعطي معاه كثير يعني سؤال وجواب وارجع طالع في شاشة وهذا تكتيك إن شاء الله ما تحتاجه لتلافي التعطيل والإكراميات.

بعد ما تختم الجواز راح تنزل منطقة العفش والامتعه قبل لاتنزل وقبل درج بشوي راح تشوف رجل امن اعطية جوازك مفتوح على ختم الدخول وراح يرجع عليك الجواز ويقولك تفضل، وأنت نازل من الدرج راح تلاقي عمال عندهم عربات، راح يسألوك أسئلة مثل ( الاتحاد، القطرية ...) على شان ياخدوك الى منطقة العفش أنت تسوي روحك ما تسمع ولاترد لا بالقبول ولا بالإيجاب،دور لك على عربة غالبا راح تكون على يدك اليسار وخدها وتوجه إلى العفش لاستلام أغراضك.

بعده هذه المرحلة توجه إلى منطقة تفتيش العفش بعض الأحيان يخليك تمر بدون ما يفتح الشنطة وبعض الأحيان يفتح ويتفلسف عليك شوي خصوصا إذا كان عندك معسل او دخان في أصعب الحالات إذا عصلقها عليك وصعب الأمور وقالك ان معاك ممنوعات قوله طيب خدها وعطيني وصل استلام على شان رجعتي اخدها معاي.

شيل جناطك وطلع من منطقة العفش راح تلاقي صرافين 2 بنك وافا والبنك الشعبي اصرف من عندهم مبلغ الا تحتاجة الى طريق 4000 درهم اشوفها اوكية وبنسبة الى موضوع بطاقة الراجحي انا ما افضلها افضل انك تاخد معاك فلوس رحلة كاش اي نعم كاش وتروح الى بنك وفاء وتفتح لك حساب في البنك بصورة الجواز تكلفتها اذا ما خانتني الذاكره 90درهم واسمها بطاقة (فلوسي) وتودع كل فلوسك فيها وتستخدم متى ماحتاج سواءمن اجهزة الصراف الألي او دفع من خلال نقاط البيع. وخلي بطاقة الراجحي احتياط عندك،لأني من خلال تجربة مع بطاقة الراجحي حصل معي مره ان صراف بنك وفاء يخصم مرتين من حسابي لحد ما وصل قيمة حسابي بالناقص(-) هذا با الاضافة انه لو حصل عملية بالخظأعلى حسابك صعب ترجع المبلغ ويبغى ليها قصة طويلة.عموما بعد ما تصرف تتوجه إلىأقصى يمين الصرافين وتتجه إلى الإمام لحد ما تشوف على أيدك اليمين شركتين اتصالات وحده اسمها inwi وثانية اتصالات المغرب ادخل وخد لك شريحة واشحنها هناك بالمبلغ الاتشوفة مناسب الى احتياجاتك.وعلى اعتبار انك قايل مسافر الخرج ولكن انت في المغرب وماتبي احد يعرف عنك فعل خدمة جوال اكسترا قبل لاتطلع من السعودية بحيث لو احد اتصل عليك يوصلك مسج لو كان ضروري ارجع اتصل علية ومنها تعرف مين يتصل عليك.
بعد ماتخلص من الشحن وشريحه الجوال ارجع من جديد الى نفس منطقة الصرافين راح تشوف مصعدودرج كهربائي لك الخيار ياتركب المصعد او تنزل الى بدرج في كل الاحوال لازم تنزل الى تحت ، في هذه الإثناء راح تشوف عروض طاكسي وسيارات وخدمات سوي روحك ما تسمعولاترد ولا تاخد وتعطي في الكلام توجة مباشرة الى شباك التذكر وقوله انك تبي تذكره درجة اولى الى الرباط محطه أكدال في وقت انتظار القطار اسئل عن مقاعد الدرجة الاولىوين تكون في مقدمة القطار ولا في نهاية، بعد ماتركب القطار خليك مفتح عيونك واذنك على محطه عين سبع انزل فيها وبدل القطار الى قطار ثاني ولا تنسى نفس السؤال مقاعدالدرجة الأولى في مقدمه القطار ولا في نهاية القطار الهدف من هذا السؤال ان بعض الاحيان تكون بعيد عن مقاعد الدرجه الأولي وعلى شان توصل ليها تحتاج تقطع مسافةويمكن يمشي عنك القطار ولوركبت القطار في درجة الثانية صعب انك تتنقل داخل القطارإلى درجة الأولى خصوصا إذا كان معاك عفش ثقيل.

بعد ما توصل محطة اكدال راح تلاقي سيارات تاكسي على الباب غالبا بالاتفاق ما يشغل العداد في أقصى الظروف لاتدفع اكثر من 50 درهم ، ولو حبيت تاخد طاكسي بالعداد اطلع شوي برا المحطه وخدا لك طاكسي من الشارع العام، بنسبة الى سكن افضل انك تسكن في شارع فرنسا كل شي حواليك وقريب من ماكدونالدز والمقاهي الا تناسب الذوق الخليجي*

للفاااااائدة

تحياتي للجميع بسفر ممتع