( الفضفضه الاردنية )

( في يوم الجمعه 4/11/2017 )

استيقظت من نومي متأخر الساعه 5 مساءً البطن يصفر وفيني خمول مش طبيعي الجو كان بارد اخذت شور انعشني خرجت من الفندق مدري وين اروح جاني اتصال من صديقي فالسعودية سولفت معه شوي طبعاً هو من رواد الاردن استشرته وين افضل مقاهي ومطاعم قالي روح للبوليفارد العبدلي اوقفت تاكسي وصلني بالعداد بيقمة دينار قريب من محل اقامتي فالشمساني المشوار اقل من 10 دقايق .. البوليفارد شارع فخم يوجد فيه فندق روتانا و انواع محلات الماركات العالميه والسوق الحره والكافيهات والمطاعم الراقيه الشارع شبه فاضي والسبب برودت الجو اعتقد فالصيف مناسب لتمشيه والجلوس فيه ، تجولت فالشارع دخلت مقهى لا يحضرني اسمه طلبت قهوه وفطيره لبنه عسل ومويه ب 4 دينار .. حسيت بالملل بحثت فالنت عن افضل مطعم مشاوي قريت عدت مطاعم وكان اقرب موقع من عندي مطعم ورد وكباب في حي الصوفيه شارع الوكالات ذهبت الى الصوفيه بسعر العداد 3 دينار منطقه جميله وفيها مول ومحلات كثيره تمشيت فالمول ماطولت خرجت لمطعم ورد وكباب مطعم فخم ديكوره وتصميمه جداً رائع وفيه شيشه ، طلبت نفر مشكل مشاوي ومقبلات وسفن اكلهم لذيذ ونظيف .. جابلي النادل الفاتوره مع كاسة شاي ضيافه من المحل حاسبت 10 دينار ،، جاء في بالي اسهر ولا اعرف محلات السهر الرايقه ونظام سهراتهم النوم ماحولي نوم .. اتصلت ع صاحبي فالسعودية ياذيبان بغينا مكان سهر حلو ورايق قال افضل ديسكو في عمان روجينا طلبت ايزي تاكسي وصلني ب 2 دينار دخلت الديسكو الساعه 11 لاشك يعتبر الوقت مُبكر في عالم السهر ان صح التعيبر .. وش النظام قال السهره تبدا 12 ونقفل 3 ونص والطاولات اسعارهم البست 150دينار فالنص ب 80 فالخلف ب50 قال حجزت قلت لا قال عفواً فُل قلت طيب عندكم تكت قال نعم 10 دينار ع البار ولك مشروب واحد حاسبته وجلست ع البار المكان مارتحت فيه صغير وضيق كراسيه وطاولاته اقل من عاديه اتوقع شارينها من الحراج استغربت هاذا افضل محل سهر في عمان ! قلت ممكن جوهم لسى ماحتمى ولا جاء احد .. ابتداء الدي جي يشتغل وازدحم الديسكو ،، دخل شاب خليجي وبرفقته 3 بنات جلسو ع الطاوله التي امامي اقل من دقيقه قامت بنت زعلانه ومتنرفزه خرجت من الديسكو لحق بها الشاب وقفز قفزه جنونيه من الطاوله كادت ان تنكسر رجله ، لا اعلم لماذا كل هاذا التهور ودلاخت بعض شبابنا الله يهددينا و يهديهم ؟ بغى يضر نفسه كله عشان مايزعلها ! ياعمي في حريقه الي جابها يجيب غيرها ..
تذكرت بيت ناصر الفراعنه الي يقول فيه ( عيشتي مابين أسود لو ماني رئيس ** خير من كوني رئيس على شلقة تيوس )
الديسكو فاشل مع مرتبة الشرف نظام تنقيط ليازر واضاءه تعمي العيون ، اختيار الاغاني اغلبيته دبكات و عراقي حزن وكأبه ناقصنا بس درباوي يفجر ( انا جاي انبسط ولا اضيم ع نفسي ) خرجت من الديسكو الساعه 1 قافله معي اوقفت تاكسي وصلني للفندق ب 4 دينار .

- لاحظت ان الجو جداً بارد في عمان و الشتاء توه مادخل ..
- لاحظت تشغيلت عداد التاكسي فالنهار 28 قرش فاليل 48 قرش ..
- لاحظت ان سهرات سوريا ومراقصها اكثرها انتقلت في الاردن ..
- لاحظت الامن عندهم قوي والقوي الله سبحانه الشرطه السياحيه في كل شارع تشوفهم تقدر تطلع اخر الليل تتمشى ماعندك مشكله ..
-لاحظت الحد المسموح باليوم لسحب من الصرافه 250 دينار مايعادل 1300ريال


للفضفضه بقيه ..