حكايهـ عشق .. تقرير واقعي ( مواقف غريبه)

بانتظار احداث الخطوبة

__________________
سأظل أتنفس الأمل والتفاؤل وأضيء الكون بابتسامتي رغم كل شيء

متابع بشغف

(( الجزء التاسع))
(( مدينه أزرو وقريه تيمحضيت))
صحيت من النوم نشيط بعد نومه هادئه وفيني حماس للموعد أخذت دش ولبست بدله شبه رسميه وطلعت بعض الهدايا من الشنطه وورتبنا أغراضنا بعدها سلمنا الشاليه ورحنا كوفي فطرنا
[IMG]‏[/IMG]
بعدها جلست أفكر عن الموعد كيف بتم الامور توكلنا على الله ومسكنا الخط الى أزرو
[IMG]‏[/IMG]
أول ماوصنا أشتريت قوالب سكر وحليب وبعض الاغراض ومريت محل حلويات وأخذت كم نوع
[IMG]‏[/IMG]
بعدها أتصلت على أبوها أخذ وصف البيت كنت للامانه متوتر من الموضوع وأحداثه وصلنا عند بيتهم نزلت الاغراض والاوراق معاي أستقبلني أبوها وكان أستقبال عادي منه وعمها وعمتها وزوج بنته أستقبال حارمنهم سلمت عليهم وجلست أركز في أبوها باين عليه أنه مو مرتاح ومتوتر طلعنا فوق وجلسنا ضيوفني وكنا بالبدايه انا وابوها وعمها وزوج بنتها من بعد الضيافه بعض من الحوار:-
أنا:- ياعم أنا جاي أخطب بنتك وأتشرف أني أناسبكم .
أبوها:- يكون خير أن شاء الله بس أحنا نحتاج وقت واهلنا بالصحراء نحتاج كم شهر نرتب امورنا وأعتبر البنت لك بس عندي شرط واحد.
أنا:- وش هو
أبوها:- لازم أهلك يجون.
أنا:- وجهي تعرفط ومنصدم من كلامه قلتله كلمت الاهل(( أقصد أهله)) وقلت لهم أني أجي لوحدي ولا مع الاهل وقالوا تعال لوحدك وأنا عندي التزامات وعمل والتصريح قريب ينتهي وبعض اوراق التصريح بتنتهي بعد شهرين اذا تحب عشان تتطمن أخليك تكلم الوالد.
أبوها:- أشوف أوراقك.
انا:- تفضل شوفها وجلست أشرحله.
أبوها:- عادي تقدر تجدد بعد ماتجدده يكون عندنا وقت نرتب امورنا وتجي مره ثانيه مع اهلك.
أنا:- التجديد ممكن يتجدد حسب ماسمعت بس برجع أعيد الاوراق مره ثانيه وبناخذ وقت ودام اني جيت عندي حل نبدا نكمل اجراءات الزواج واعقد عليها عشان الاوراق ماتروح بعدها ارجع السعوديه وتاخذوا راحتكم بالوقت واجي انا بعدين مع الاهل.
أبوها:- لازم أهلك يجون واشوفهم وأجلس معاهم بعدها نكمل الاجراءات.
أنا :- قفل جوي من كلامه قلتله (( خير أن شاء الله)).
حاولوا يقنعوه وانا جلست أحاول بس مصمم على كلامه.
بعدها صارت الشوفه الشرعيه وسلمت عليها وجلسنا شوي تغدينا وبعد الغدا سلمت عليهم كلهم مع نظره من عيوني للبنت بمعناها شوفيني سويت كل شي علشانك بس أبوك عقد الموضوع وكانت النظره شبه وداعيه لنفسي .
أتصلت بعدها على السواق ركبت معاه وكانت تعابير وجهي واضحه زعلان ومعصب جلست ساكت حزين من داخلي بعدها رحنا قريه تميحضيت جوله سريعه فيها
[IMG]‏[/IMG]
ووقفنا مقهى وشربنا اتاي
[IMG]‏[/IMG]
وجلست أفكر وأقول راح يامحمد عليك الوقت وش بتسوي الحين ؟! ووين بتروح ؟! تعبك ومحاولاتك كلها طارت بالهواء؟! وصلت لمرحله الأنكسار من داخلي! بعد تفكير قررت أني أروح مكناس ومسكنا الخط وصلنا مكناس تعشينا
[IMG]‏[/IMG]
وحجزت في فندق أسمه swani بسعر 500 درهم
[IMG]‏[/IMG]
وأخذ مني التعب كفايته ونومت نومه عميقه
[IMG]‏[/IMG]
الجزء القادم:-
١:- جوله في مكناس؟!
٢:- أتصال من كازا؟!
٣:- مكالمه من أزرو؟!

حياك ربي فطوم
تحياتي لك

شاكر تواجدك
تحياتي الجميله لك

متابعين كمل التقرير

متابعة واتمنى تكون نهاية سعيدة

مبدع من يومك يا محمد نفسي اعرف تزوجت ولا لا

الله يحييك ويبقيك ي لغلا

ترا الاب خايف على بنته لهيك كان صارم في قراراته
ازرو ( الصخرة) اغلب اهل هالمنطقه من اطيب الخلق

__________________
سأظل أتنفس الأمل والتفاؤل وأضيء الكون بابتسامتي رغم كل شيء

تقرير رائع

الله يسعدك