حكايهـ عشق .. تقرير واقعي ( مواقف غريبه)

محمد لا تعليق انت تحفه
بس للحين ماشفت وحدة شدتك وقالتلك تعال هذي انا باختصار وابيك وانت الانسان اللي ادور عليه

عادة أنا لا أتدخل في اختيار الآخرين لطريقة حياتهم ولكن لو كنت مكانك اخوي محمد لما جعلت لي وقت محدد لاختيار زوجة ولتركت الامر يأتي لوحده دون محاولة الاستعجال فيه ،فمن خلال سفرياتك للمغرب سوف تلتقى بالعديد من الأشخاص منهم الطيب ومنهم السئ وستتعرف بوقتها على الفتاة المناسبة لك من جميع الصفات ،وبعدها تستطيع القيام بالإجراءات القانونية المطلوبة لإتمام الزواج دون ضغط أو استعجال.

كل الطرق سويتها اخوي حتى اني تركت الامور تجي مثل ماتجي وبتوضح بالتقرير
تجري الرياح بما لاتشتهي السفن
حتى لو لقيت عائله طيبه ممكن البنت ماتناسبك واذا لقيت البنت كويسه تلقى عليها ملاحظات
موضوع متعب ومحير
تحياتي لك

ههههههه شفتي كيف
لا ماصارت انها تشدني اصلا ماحد عارف عن موضوع الزواج
قبل رحله بحثي عن الزواج ممكن بس للاسف ماينفع اخطي معاهم خطوه للزواج
تحياتي الجميله لك

(( الجزء الثاني عشر))
(( مكناس))
صحيت من النوم وفيني نشاط وبعدها أبدل وطلعت بنفس الفندق أفطر
[IMG]‏[/IMG]
بعد ماخلصت طلبت أتاي
[IMG]‏[/IMG]
وجالس أخطط كيف بيكون الجدول لقيت كم مكالمه ومن ضمنها بنت مكناس أتصلت عليها وقالت لي عندها بريك غداء للعمل نتقابل ونتغداء مع بعض قلت لها طيب.
الحين البنت شكليا مناسبه لي فكريا مبدئيا مناسبه مضمونا مااعرف شي خارجيا (( لبس)) عندي تحفظ مااستعجلت وقلت أخذ وأعطي معها أكثر وأشوف بعدها وأقرر .
أتصلت على السواق يجيني وجوله في الحمريه بمكناس بالسياره
[IMG]‏[/IMG]
بعدها وقفنا بكوفي وطلبنا قهوه
[IMG]‏[/IMG]
بعد ماخلصنا جاني أتصال منها وقابلتها قريب بمكان عملها ورحنا مطعم تغدينا وجلسنا
[IMG]‏[/IMG]
بعد ماخلصنا وأحنا نمشي الى قريب مكان عملها فاجئتها بسؤال:-
أنا:- ممكن بعد ساعه أمر عليك العمل.
هي:- ليه
أنا:- مافي سبب معين بس حاب أشوفك ونتي تشتغلي
هي:- أخاف يعرفوا اللي بالعمل .
أنا :- محد راح يعرف بما انها شركه بدخل عادي ماكاني أعرفك وكاني أستفسر عن شي وبطلع.
هي:- (( تعابيرها فيها خوف)) خليها وقت ثاني.
أنا:- أوكي
أنتهى
بعد ماخلصت من عندها كنت مركز برده فعلها لما سالتها جاها خوف غير طبيعي وهالشي سببلي الف سؤال وسؤال قلت مو مشكله الايام بتوضحلك كل شي وبتعرف .
بعدها جاني السواق ورحنا تمشينا عند سور ساحه الهديم والاماكن اللي حولها
[IMG]‏[/IMG]
بعد مأخذنا كفايتنا رجعت الفندق أرتاح شوي.
يتبع

شنو شغلها هي ؟

__________________
سأظل أتنفس الأمل والتفاؤل وأضيء الكون بابتسامتي رغم كل شيء

شركه أستيراد وتصدير

بعد مارتحت أتصلت على السواق يجيني ورحنا مقهى قريب سينما كاميرا بالسنتر مكان حيوي جلسنا وطلبنا قهوتنا
[IMG]‏[/IMG]
بعد ماخلصت تمشيت بين الناس وجاني أتصال من عمه بنت أزرو:
هي: السلام عليكم
أنا: وعليكم السلام
هي: كيفك ياولدي
أنا: الحمد لله ياخاله ونتي كيفك
هي: الحمد لله طمني صار شي حاولت مع أهلك يجون أو حد من أخوانك
أنا: والله حاولت وسويت كل اللي أقدر عليه بس الظروف صعبه.
هي: عارفه ياولدي أنا فكرت في حل وجلسنا نخطط أنا وخالتها والبنت ولقينا فكره .
أنا: حلو وش هو
هي: تكلم أحد من أصحابك يجي على أساس أنه من العائله .
أنا: بس كيف لو أبوها عرف أنه مو من العائله.
هي: مارح يعرف بس جيبه وخلي الباقي علينا.
أنا: والله مااعرف ياخاله خليني أفكر وأردلك خبر
هي: والله تعبنا من التفكير ونبي نطلع حل ومالقينا الا هذا الحل.
أنا: أن شاء الله يكون كل خير.
هي: أن شاء الله
أنتهى
بعد المكالمه جلست أفكر كيف يامحمد وش بتسوي البنت متمسكه فيك وأنت تميل لها ؟! أذا قلنا حب متاكد مليار بالميه أنها تحبني والامور كثيره اللي تدل على هالشي؟! بس أنت يامحمد هل تحبها ومستعد تسوي أمور ومواقف تضحي علشانها؟! سألت نفسي كثير ؟! يمكن مريت سابقا بتجارب وسببت لي صدمات لدرجه المشاعر ماتت ؟! بس هذا يامحمد زواج مو علاقه عابره أو صداقه؟! سألت نفسي كثير وكثير؟! والاجابه كانت أحترمها وأحس بالراحه والبرائه فيها بس حب حب فعلي ؟! لا طيب يامحمد الحب يكون بعد العشره والزواج والمعامله مو قبلها ؟! هل تصميمي بالزواج من المغرب مجرد أني بس بتزوج زوجه عشانها مغربيه؟! ولا أقنع وأكذب على نفسي وأعيش الوهم أني أحب عشان بس أتزوج؟!
لاشعوريا
السواق: مالك خويا ساكت وتفكر
أنا: تعبت والله يامحمد
السواق: قولي مالك
أنا: خليها على ربك ربي كريم
السواق: لاتفكر كثير وربي بيسهلها لك
أنا: الله يسمع منك
أنتهى
بعدها أحتجت أروح مكان وأجلس لوحدي ورحت فندق الزاكي وجلست فيه مده ساعتين
[IMG]‏[/IMG]
جوله بسيطه بمكناس
[IMG]‏[/IMG]
وبعدها تعشينا
[IMG]‏[/IMG]
وعلى الفندق ولاول مره مشتاق لمخدتي
[IMG]‏[/IMG]
الجزء القادم:
١:- كلام صادق بالنسبه لبنت مكناس ؟! وجارح بالنسبه لي؟!
٢:- جوابي لعمه بنت أزرو؟!
٣:- رساله واتس متعبه لي؟!

سينما كميرا قبل ١١ سنه اول مره اشوفها وانا طالع من القطار داخل الحمريه .... وا سيدي محمد رجعتيني سنين

ههههه ياسلام على الذكريات اتمنى كانت حلوه
تحياتي الحاره لك