اقتباس:
المشاركة الأصلية كتبت بواسطة أقدع ناس
في بداية تقريرك ذكرت لك انه عندي أسئلة واستفسارات وبخليها بأخر التقرير عشان ما يتحول مسار التقرير لمناقشه تضايق المتابعين
مأحب الانتقاد لكن فيه شي غلط من بداية بحثك وبالنسبه لي غير منطقي وبصراحه تصرفك تصرف غريب وغريب جداً من إنسان رايح يخطب ويدور عروس تشاركه حياته
بتكلم فقط عن بداياتك في البحث رغم إن نفس تصرفك كنت تسوية في كل محطة توصل لها
كيف انت متفق مع بنت ورايح تزورهم عشان تخطب وفي نفس الوقت متفق مع إنسانه ثانية ومرتب معاها موعد للخطبة وتنتظر ابوها يحدد الموعد وقبل ماتنتهي معاهم شفت بنت شغالة في مطعم وعجبتك وداخل معاها بمشروع خطبه رغم إنك مرتب مع ثنتين غيرها
هل هذا تصرف رجل يبي يتزوج وهل لو أنت في موقف البنات ترضاها على نفسك ؟
تصرفك هذا غلط في غلط ولهذا السبب كتبت لك في البداية (النية مطية)
الخطبة والبحث عن عروسه ماهي بهالطريقة
مايصير تعيش ثلاث بنات بأمل الخطبة والزواج بوقت واحد
كيف لو كل البنات وافقوا على الخطبة وكلهن مناسبات ومافيهن عيب وايش بيكون تصرفك لو جتك الموافقة من الثلاث بنات بنفس الوقت
وكيف بيكون تصرفك لو البنت اللي رايح تشوفها في قريه تازناخت ومتواعد معاهم عجبتك وقررت تتزوجها وبعدها ردت عليك البنت اللي تشتغل بالمطعم بالموافقة وخاصة إنك متفق معها ومعشمها وقايل لها تفكر ومنتظر جوابها رغم انك داخل بمشروع خطبة مع غيرها
يأخي أنت تتعامل مع 3 بنات لهن مشاعر واحاسيس وطموح وأمل بالارتباط والزواج وتكوين اسرة وغلط تتعامل معاهن وكأنهن سلعة وانت كأنك داخل سوق وتلف على المحلات وكل صاحب محل تواعده انك ترجعله وتشتري منه بعد ماتلف السوق وهذا واضح من تصرفك معهن بوقت واحد
الطريقة السليمة يأخي تروح للعائلة الأولى اللي تواعدت معاهم وكلمت ابوها واتفقت معه وماترتب مع غيرها قبل ما تنتهي من عندهم واذا ما حصل نصيب تكلم ابو البنت الثانية وترتب معاه موعد للزيارة وبعدها اذا مأتفقتم وماحصل نصيب تروح للبنت صاحبة المطعم وتتكلم معها وترتب معاها بخصوص الخطبة والزواج
أما إنك تكلمهن بوقت واحد وتخليهن يعيشن بوهم وعلى أمل وأنت في النهاية ما راح تتزوج غير وحده فهذا ما يجوز وغلط وأقل ما يقال عنه لعب عيال
النية مطية يأخ محمد
وعذراً على الأزعاج
الفرق بيني وبينك انت عايش بين كيف ولو وكنت وانا عايش احداث القصه بواقعها ومن ناحيه كم بنت شي طبيعي اكلم كم بنت رايح بلد ثانيه ومافي شي واضح وصريح قدامي اما من ناحيه لعب مشاعر وكذا مافي شي بينا رسمي عشان يكون في لعب ولاعيشت باامل سويت معاهم كلهم المستحيل واكثر ومن ناحيه الخطوبه وكذا على فكره شخصيا اعرف ناس خطبوا اكثر من سبع وعشر مرات ومافي نصيب توافيق المساله
واللي عايش الموضوع باادق تفاصيله غير اللي يقرا
وبالنهايه نختلف في التصرفات والافكار وهذي طبيعه الدنيا وذكرتها بااول تقريري
خذ مايعجبك من التقرير واترك مالايعجبك او اختار احدهما
تجربه شخصيه وليس الهدف منها اعجاب بتصرف او امتعاج وقائع وحدثت
تحياتي لك
2017-12-29, 04:33 PM
المواضيع المتشابهه للموضوع: حكايهـ عشق .. تقرير واقعي ( مواقف غريبه)
العرض الشجري
الدرهم المغربي مقابل عملات الخليج