برد ؟ امان ؟ سياره ؟ اغادير ؟

هلو مزاعيط ..

كيف درجة الحرارة بمراكش براس السنه هل بردهم
مثل برد الرياض يخش بالعظام والا لطيف؟

وش وضع المداهمات الي براس السنه شفت كم عضو تكلم عنها بموضوع نسيته ؟

افضل استاجر سياره ب 1000 درهم باليوم والا اخذ لي سواق ب 1200 درهم ؟

رايح 8 ايام تستاهل ازرق ع اغادير يومين والا م تستاهل ؟


وشكراً جزيلا

اغادير خاويه
سيارة صغيرة توفي الغرض ب ٣٥٠-٤٠٠ درهم و لا تحتاج سواق ( قوقل ماب ) يعطيك الي المكان المراد
الطقس بارد جداً كانك بالرياض لكن بالبر
تجمد ههههههه
المداهمات اسكن ب منتجع ولا تشيل احد معك مهما كان و راح تكون ب امان

هذي زبدة الموضوع

اتمنى لك اقامة سعيدة

الجو بارد لكن مراكش واكادير اخف نسبيا من باقي مدن المغرب.
راس السنة كنت هناك العام وقبله لم الاحظ اي تغيير ولا يستحق تمييزه عن الاوقات الاخرى طوال العام.
استئجار سيارة يكفيك 250 سيارة صغيرة ليش 1000 .. الهياط لا داعي له استفيد من فائض المبلغ في ترفيه نفسك وزيادة الايام.
خليك في اكادير وكازا

مادرو المغاربة و لا جابو خبر عن راس السنة. لا تتوقع فيه نشاطات مختلفة او جديدة، البلد نفسها ماتتغير
هي ليلة راس السنة اللي تقضيها في نايت كلوب كله سكارى و تكع دبل السعر و ترجع تنام

دبي حولك افضل و امتع في ليلة راس السنة، وفعلا تشعر بالفرق، غلى الاقل 90% اجانب، اما المغرب بلد يضل الغالبية فية مسلمين

مرحبا بالجميع الاخ كتب يبي استشاره
واحد يقول غاليه والثاني تدفع دبل
كل واحد ينام على الجنب اللي يريحه
انا بالنسبه لي اقوله اذا ما تعرف الديره واول مره
خذ لك سائق وما تفرق بالسعر 200 درهم
واذا خبير من اول ما تنزل خذ خط انوي وعبه نت 10 قيقا
سريع ويفتح الخرائط بسهوله لاي برنامج تحب
تبقى متصل على طول
بالنسبه للمدرهمات فهي تحصل بكل مكان وهي بسبب
بعض الامور اللي تحصل بين الطرفين
بالمختصر امورك بالسليم اذا محترم الكل
ومعطي كل راعي حق حقه
والجو وبرودته اقل بروده مراكش واغادير
واذ عندك وقت انصحك بزيارة اغادير
ورحله موفقه وسعيده

بخصوص السياره ما انصح باستئجار سيارات فخمه لان اي سياره فخمه كل شوي الشرطه مصفطينك وهذي من باب تجربه وبخصوص راس السنه انا العام حضرت راس السنه في اغادير السكن نفس الشي ما تغير صحارى 1300درهم باليوم لكن بخصوص السهر اسعار الطاوله 1600 درهم الطاوله العاديه وبخصوص الجو نعم برد وخل كل ملابسك شتويه واحذر الطيور لا يركبون معك بالسياره لان بيكون الامن بكل مكان ويوقفونك ويستغلونك بحكم انها راس سنه بيكون في تشديد امني وفي عسكر يستغلون هالشي خل الطير يدبر عمره بتاكسي حتى لو المشوار قريب طبعا هالكلام كله ينطبق على مراكش واغادير بس اغادير عيبها انك كل شوي تسهر بمكان يعني تبدا السهره بمكان الساعه 9 بالليل تنتهي الساعه 12 تبدا بمكان ثاني الساعه 12 وتنتهي الساعه 4 وتبدا الساعه 3 بمكان ثالث وتنتهي الساعه 5تقريبا يعني كثرت مصاريف اتمنى اني وصلت لك المعلومه

الطاوله براس السنه ب 1600 حتى في الدبليو وكاش ؟؟

برأيي تأجر سياره افضل ما يكلفك اكثر من 700 ريال رنج ايفوك
خل يومين اغادير و باقي مراكش و حاول اترتب جدولك و طلعاتك علشان ما تخترب سفرتك

أخوك
بوسعود

ملاحظه
ممكن في بالك 700 درهم